خلاص رايح اقدم في الجيش عايز مساعدة عاجل .........

**newhansol** · 20-12-2009 12:40 PM

انا مش هاقولك غير كلمة واحدة حطها حلقة فى ودانك من واحد مجرب
اوعى تسكت وتمشى مع الناس فى الطابور وانت مش عارف حاجة
وخد معاك كل الاثباتات وكلة لازم يكون ورق حكومة ومستشفيات حكومة يعنى تبقى عارف انت بتعمل اية وكل شوية انا عايز الدكتور ...انا عايز الدكتور لانك لو سهيت عنهم شوية هاتلاقى نفسك فى مركز التدريب ولابس الشورت وفانلة اللياقة
والله يوم ماكنت بكشف طبى واحد واخد 36 غرزة خارجية ومش عارف مخيط كام عرزة داخلية اصلة كان مضروب بسيف والواد مش قادر يرفع دراعة فعى باينة زى الشمس وجلدة يا عينى بيتشد لم يرفع دراعة تفتكر الباشموهندس الى كان فى الكشف قالة اية
ارفع بس كدة ياحبيبى دراعك كمان شوية .....معلش كمان شوية
الف مبروك دراعك عامل زاوية 90 درجة انت لايق يابنى .....اللى بعدة
انا بس قلت نظرى ضعيف حطلى حاجة زى مية النار علشان توسع حدقة العين وطبعا تاثيرها قعد 3 ايام
وانا مروح الناس كانت سحبانى من ايدى زى الضرير
فعلا الى صدق وقال الجيش شوية تهريج منظم

**eng/muhamad** · 20-12-2009 01:28 PM

هما فأول الكشف خالص بيقولوا اللى عندوا اى مرض من الامرض دى يقول , و بيقولوا شوية امراض من ضمنها السكر

ايه هى الامراض دى

**TaoTao** · 20-12-2009 01:56 PM

الموضوع سهل زي ما إخواننا قالوا .. اللي بيشتكي من حاجة بيقول ويتعرض للكشف الطبي ويمضي ويبصم والإعفا يستلمها بعد أسبوعين

**أبو صلاح** · 20-12-2009 02:05 PM

المشاركة الأصلية كتبت بواسطة newhansol

انا بس قلت نظرى ضعيف حطلى حاجة زى مية النار علشان توسع حدقة العين وطبعا تاثيرها قعد 3 ايام
وانا مروح الناس كانت سحبانى من ايدى زى الضرير
فعلا الى صدق وقال الجيش شوية تهريج منظم

انا هربت منها
دي بيحكوا عنها بلاوي

**wahba87** · 20-12-2009 02:51 PM

المشاركة الأصلية كتبت بواسطة eng/muhamad

ايه هى الامراض دى

ضغط , سكر , عامل عمليات فى القلب , واخد اى علاج كيماوى للاورام , مركب شريحة , مولود بخصية واحدة , مولود من غير خصية خالص , تشوه مزمن فى مكان ظاهر

و حاجات كتير بس انا بصراحة مش فاكر , لو عايز تعرف مرض معين ابعتلى و انا اقولك كان فيهم وﻻ ﻷ

**M.Osman** · 20-12-2009 02:51 PM

ربنا يشفيك و يوفقك ان شاء الله
هو حضرتك مترشح اية؟ كلية اية؟ يعني ظابط ولا عسكري ؟؟ (مكتوب في ال110 جند)

انا كنت مترشح ظابط احتياط و عندي حالة مرضية برضه و لما قلت للدكتور ووريته الورق و الروشتات و دا كله قاللي حضرتك ظابط احتياط .. الحالة بتاعتك تتعرض على لجنة طبية عليا في إدارة التجنيد (يوم كشف الهيئة-في حلمية الزيتون) و الحمد لله قلت للدكتور و قاللي هتروح المستشفة العسكري في كبري القبة و الحمد لله اخدت "غير لائق" و لسة ان شاء الله هاخد الشهادة كمان اسبوع

**dr_abooody** · 20-12-2009 04:51 PM

يا جماعة مش عارف اشكركم ازاي

بس الاوراق اللي من المستشفى الحكومي دة اجيبها ازاي

يعني اروح احلل مثلا في المعمل عندهم و لا اكشف و يتعملي تحاليل و لا اية بالظبط

اصل انا في ناس قالتلي ان اي ورق مالهوش لزمة و هما بيعملوا تحاليلهم بمعرفتهم و مش بيعترفوا باي حاجة من برة

**eng/muhamad** · 20-12-2009 05:32 PM

حاجات كتير بس انا بصراحة مش فاكر , لو عايز تعرف مرض معين ابعتلى و انا اقولك كان فيهم وﻻ ﻷ

شكرا لحضرتك
بس انا بصراحه رسمه رجلى من عند الركب غريبه اوى و فيها تقوص
يعنى الركبتين بعاد عن بعض ده اللى سقطنى فى كشف الكليه الحربيه فمش عارف له تاثير فى الجيش و لا لأ

**MoHaMed HaMeD** · 20-12-2009 06:13 PM

هو الكشف الطبى عموما عباره عن ايه بالتفصيل يعنى بيكشفوا ازاى وكدهة والوقت وكده يعنى

**casperinoo** · 20-12-2009 07:05 PM

انا واحد صاحبي صيديلي علشا ايديه بتعرق خد اعفه....المهم بس متسكتش وتوضح اللي عندك بس طبعا باحترام علشان الصوت العالي مبيجبش حاجه مع بتوع الجيش
والف سلامه عليك

الموضوع: خلاص رايح اقدم في الجيش عايز مساعدة عاجل .........

LinkBack

أدوات الموضوع

عرض

-

-

-

-

-

-

المواضيع المتشابهه

خلاص رايح استلم ان شاء الله وعايز اسال كام سوال

عايز اقدم شكوي

عاجل.. رايح الحرفيين انهرده ان شاء الله

عاجل خروجات اسماعيليه رايح الصبح يا جدعان

الكلمات الدلالية لهذا الموضوع

المفضلات

المفضلات

ضوابط المشاركة