المشاركة الأصلية كتبت بواسطة malibu
ممكن حضرتك تبدا بموضوع جديد و نشترك و نجيب فيه داتا محترمه
بس كنت عايز اعرف تخفظك على ايه بالضبط بخصوص البرنامج
الموضوع فعلا مهم ويستحق يتاخد بالراحة عشان نستفيد كلنا فربنا يسهل، لكن مؤقتا تحفظي المبدئى إن النموذج ده طالما نموذج اجتماعي مش طبي أو علمي محض يبقى مينفعش ناخد التجربة ونستنسخها بالكربون مع عدم مراعاة التركيبية الاجتماعية للمجتمع وما يؤثر فيها ومن أهم هذه المؤثرات طبعا ...الدين..
المشاركة الأصلية كتبت بواسطة terrible_darsh
لو ده ضمير صاحى يبقي هيمسكوا 75% من الشباب :)
انا بعينى امبارح شايف فرح من اقذر ما يمكن و اتصلت بالبوليس و بلغت مسمعتش غير اغنية اليسا و الله و نفضولى طبعاً ..
لان انا اتصلت الساعة 2 البوليس راح الفرح الساعة 4 الفجر , و بسببهم منزلتش الجامعة لانى نايم متاخر منهم لله ..
المشكلة ان الظباط بياخدوا المخدرات من الشباب بيوزعوها عليهم و بتبقي مجاملات بينهم , و اكبر دليل انهم بيبقوا عارفين ان الافراح مليانة خمرة و مخدرات و اخر قذارة و بيسيبوهم براحتهم , يبقي اكيد هما كمان ليهم فى الصنف !
المشكلة حصلت مع واحد صاحبي واتصل بالمباحث فقالوله دي ليلة وتعدي والناس عاوزة تفرح متكبرش الموضوع قوي، قاله طب والستات والبنات اللي عاوزين يدخلوا البيوت ومش عارفين من لمة الشباب الحشاشين..قاله: معلش واحدة واحدة وربنا يسهل..قاله طيب خلاص واحدة واحدة فعلا وربنا حيسهل بس وانتو جايين ابقوا هاتوا معاكو عشر عربيات إسعاف عشان إحنا في الشارع رجالة مش (تيييت) وطالما إنتو مش عارفين تتصرفوا إحنا حانتصرف بمعرفتنا وقفل السكة....نص ساعة وكانت عربية الشرطة بتاعة القسم موجودة والليلة اتلمت.
المشاركة الأصلية كتبت بواسطة نور القمر
ضبطيه لزوم كيف الظباط
والله الواحد مش عاوز يظلمهم لكن المشكلة فعلا يا أستاذة نور إن ده بيحصل وللأسف في ظباط كويسين وشايفين شغلهم ولكن للأسف مش باينين في وسط الكم الرهيب من الفساد والقرف اللي مالي البلد
المشاركة الأصلية كتبت بواسطة amr mokhtar
السؤال ده برضه محيرنى من فترة
خصوصآ فى الفترة الأخيرة اللى الخمور بقت بتتباع بشكل علنى و فى محلات واضحة لكل الناس
الخمور من فترة طويلة كان مصرح بها فقط في الفنادق ٣ نجوم وطالع لكن دلوقتي للأسف بقت في المجتمع حالة من التصالح مع هذا الوضع الجديد
المستفز لما تلاقي شباب واقف يتفرج على الفتارين ويقارن بين الأنواع بدون حياء لا من الله ولا من الناس،
المنظر ده كان موجود في القاهرة من فترة كبيرة وبصورة واضحة في محلات وسط البلد والحمد لله موجود في إسكندرية على استحياء لكن الصورة مش مطمئنة والواحد خايف من اللي جاي
المشاركة الأصلية كتبت بواسطة نور القمر
زي ميكون لمحت خمور في كارفور الصحرواي جنب مستلزمات الكريسماس بس متأكدش اذا كانت زجاجات خمور ولا لأ بس هيكون ايه غير كدة
المشاركة الأصلية كتبت بواسطة motorizer
لالا يا نور دي أزايز زينة برضه بلاستيك تقليد لأزايز ال wine اللي بتبقي في حفلات الكريسماس الغربية .. Copy and paste زي ما بيقولوا .. شوف بيعملوا إيه برة و هاته للناس هنا !
بالنسبة للموضوع نفسه انا حصلي زي موقف صاحب علي أبو حمزة .. وقفوني في الكمين اللي كان فوق المعادي زمان عالدائري و قالولي طلع اللي معاك .. قلتلهم اللي هو إيه؟ قاللي المخدرات! عارف بحري باشا .. أسئلتك إجابتها في فيلم ضد الحكومة.
المشكلة إن ده برضه يعتبر نوع من التطبيع مع الفاحشة دي لأن مجرد تعويد الأطفال والناس على رؤية هذه الأشياء ولو على سبيل الدعابة، وحتى لو لم تكن زجاجات خمور حقيقية فإن ده يؤدي إلى تعود الناس على رؤية هذه القبائح وعدم استنكارها،
معلش ياصديقي محمود أخوك مشافش الفيلم ومش حيشوفه..تقدر تلخصلنا الفكرة
المفضلات