ياجماعه عايزه اشتري رينو ميجان موديل 2005 او 2006 ومعايه حوالي 70 الف جنيه بس تكون نضيفه
عرض للطباعة
ياجماعه عايزه اشتري رينو ميجان موديل 2005 او 2006 ومعايه حوالي 70 الف جنيه بس تكون نضيفه
ممكن تزورى الموقع ده موقع لبيع للعربيات المستعملة
Car100100 - Used Cars - سيارات مستعملة
وان شاء الله شباب رينو هيقولوك بالظبط هتعملى ايه
وازاى تكشفى على العربيه فى التوكيل قبل الشراء
بالتوفيق ان شاء الله
لازم تكشفى على أى عربية شايفاها كويسة فى التوكيل قبل ما تشترى.
الكشف ب 550 جم كامل ( كهرباء و ميكانيكا و دهان ) بس ممكن يغنيكى عن مشاكل غير ظاهرة فى العربية.
و عشان تبقى عارفة
التوكيل بيقول على أى حاجة شغالة بكفاءة أقل من 80 أو 85% من كفائتها الأصلية أنها محتاجة تتغير......بس مش ده الهدف من الكشف.
الهدف من الكشف هو معرفة أذا كان عداد العربية سليم و لا متغير لأن فى ناس بتبقى عاملة كيلومترات كتير و ينزل الحرفيين يجيب عداد ماشى كيلومتر قليل ب 900 جم و يركبه مكان اللى عنده.
و تعرفى أذا كان بيعمل الصيانات فى التوكيل ولا لأ
و تعرفى أذا كانت العربية فيها مشكلة كبيرة ولا لأ فى الفتيس أو الأيرباجز.
ربنا ان شاء الله يهديكي لواحدة كويسة
كلمي التوكيل شوفي لو كان بيبيع مستعمل ولا لأ..وعلى فكرة عز العرب عنده قسم للعربيات المستعملة..بس مش عارف عنده ميجان ولا لأ..
عموما مش كل عربية هاتخديها التوكيل..لازم حد خبير في الميجان يشوفها قبل حضرتك وفي الآخر روحي بالعربية التوكيل...عموما احنا كلنا اخواتك..ممكن تبعتي لنا عنوان العربية إللي حضرتك عايزها وحد من (الوحوش) يرحوا يبصوا عليها قبل حضرتك. ويبعتوا لك تقرير مبدئي عنها وبعدين تقرري تروحي تشوفيها وعلى التوكيل عدل
مرة اخرى انت مش حمل مقلب من مقالب التجار في 70 الف جنيه
اهم حاجة الكشف عليها فى التوكيل
وربنا يوفقك فى عربية كويسة
اهم حاجة الكشف فى التوكيل
و ربنا يوفقك للاختيار
عن تجربة انا جبت عربيتى ب71 الف هى كويس جدا بس كانت عاملة كلبومترات كتير ياريت لو يزيد المبلغ شوية عشان تجبى حاجة نضيفة وكليو مترات أقل
أنا كنت فى السوق من أسبوعين وشوفق واحدة 2007 حالتها كويسة تقربيا تخلص على 75 الف
بس أهم حاجة أهم حاجة الكشف