أزاى اروح مطعم البرنس الى فى امبابة ؟؟؟؟ من مدينة نصر او السبتية
ازاى اروح كارفور الى فى طريق مصر اسكندرية الى قبل الكارتة ؟؟؟؟؟ من مدينة نصر او السبتية
يااااريييييتتت باتفصيييللل بس بعيدااا عن الطريق الدائرى عشااان بكرهههه :dontudear:
عرض للطباعة
أزاى اروح مطعم البرنس الى فى امبابة ؟؟؟؟ من مدينة نصر او السبتية
ازاى اروح كارفور الى فى طريق مصر اسكندرية الى قبل الكارتة ؟؟؟؟؟ من مدينة نصر او السبتية
يااااريييييتتت باتفصيييللل بس بعيدااا عن الطريق الدائرى عشااان بكرهههه :dontudear:
السلام عليكم
بالنسبة لمطعم البرنس من السبتية
هاتخد ش السبتية لأخره لغاية كورنيش النيل وهاتمش على الكورنيش هاتعدى من تحت كوبر امبابة الحديد وتكمل على طول هاتلاقى فى وشك كوبرى الساحل هاتخش يمين علشات تطلع الطلعة بتاعته وهاتمشى لأخر الشارع وتعمل يوتيرن وتطلع كوبرى الساحل فى وسطه كده خد شمالك خالص وانزل النزلة شمال وأول ما تنزل خد يمينك وخش فى اول شارع يمين هاتعد اول تقاطع وفى التقاطع التانى هاتلاقى عربية المالكى بتعاتت منتجات الالبان وجنبيها البرنس
من مدينة نصر هاتخد الطريق المتختصر ش النزهة روكسى كوبرى لاقبة ش السواح ش ترعة الاسماعيلية عبود كورنيش النيل المظلات وبعدين هاتطلع كوبرى الساحل وتكمل نفس الطريق
السلام عليكم
بالنسبة لكارفور
من السبتية هاتمشى لآخر ش السبتية تطلع على كورنيش النيل هاتتعمل يوتيرن وترجع تانى فى اتجاه التحرير ومبنى الاذاعة والتليفزيون هايقابلم مبنى البنك الاعهلى على شمالك وكده النيل على يمينك هاتطلع الكوبرى اللى قدامك على طول(كوبرى 15 مايو) و خد شمالك وامشى على طولللللل الكوبرى فى تفريعات كتير مالكش دعوة بيها كده انت على المحور فى اتجاه طريق مصر اسكندرية ومدينة 6 اكتوبر هاتعدى ميدان لبنان وبعديها بشوية هاتعدى من تحت الطريق الدائرى هاتكمل على طول لغاية لما تعدى من تحت نفق صغير كده خد يمينك وخلى بالك هاتلاقى نزلى صغيرة تنزل على طريق مصر اسكندرية هاتلاقى كارفور على يمينك بس مش عارف بصراحة قبل البوابات ولا بعديها وان كنت اعتقد انه هو الاول وبعديه البوابات
من مدينة نصر هاتسلك طريق مطعم البرنس بالضبط وبدل ما تطلع كوبرى الساحل هاتكمل على طول وتعدى من تحت كوبرى امبابة وبعدها هاتطلع الكوبرى اللى قدامك (كوبرى 15 مايو) وتكمل الطريق هو هو
ارجو ان اكون اوضحت
لو عاوز تروح كارفور اسكندرية الصحراوي من مدينة نصر هتطل الدائري اتجاه الهرم و تفضل ماشي فيه لحد محور المريوطية تطلع عليه و تمشي فيه لحد قبل الاخر بشوية هتلاقي يفط على اليمين بتقلك اسكندرية الصحراوي و نزلتها يمين انزلها و هتلاقي نفسك قبل الكارتة و كارفور على يمينك
أنا متهيألي إنك إنت كمان شفت البرنامج بتاع الأكل على قناة فتافيت، أخويا من امبارح واجع دماغي وعاوزني أوديه هو وزوجته إمبابة مخصوص عشان الموضوع ده بصفتي خبير لف ودوران في القاهرة
بيقولي البرنس كان عامل وصفة كبدة وعكاوي جامدة جدا
يعني عاوزين يطلعوا من اسكندرية يروحوا القاهرة عشان حتة برنامج لعب على مشاعرهم الغذائية
المشكلة إني شكلي حاقتنع أنا كمان
ممكن من مدينة نصر
تاخد كوبرى اكتوبر
تعدى غمرة
تعدى ميدان رمسيس
حضن يمينك
هتلاقى تفريعة يمين سبها
هتلاقى واحدة تانية زيها خدها
دى هتدخلك على كوبرى مايو هتمشيه للاخر زى مالاعضاء قالوا هتبقى فى المحور
هتلاقى بعد 10 كيلو تقريبا نزلة لاسكندرية الصحراوى
انزلها
كارفور قبل البوابات على فكرة
وفيه على فكرة كارفور فى العبور وسمعت انه احسن
شكر خاص لجميع الاعضاءءء و خصوصصا عمرو باشااا فوكسسس