مرة زمانمن 6- 7 سنوات كدة رحت اضبط زوايا للعربية الشاهين عند محل ضبط الزوايا اللى بتعامل معاه، وغلطت وقلت له ان العربية واخدة خبطة من الناحية الشمال، مع العلم ان الخبطة كانت من الخفة لدرجة انها لم تتلف سوى سوكة الرفرف وليس حتى الرفرف كله ، الباش نزل تحت العربية وفط ونط وطلع قاللى الخبطة أثرت على المساعد والمقص وعلبة الديريكسيون والتيش ولازم اجيب بدالهم
انا مكلتش من الكلام ده ورحت جايب مية وصابون وشوية جاز ونزلت تحت العربية وغسلت المساعد والمقص والتيش وعلبة الديريكسيون ورحت راجع له وقلت له انى جبتهم جداد، الراجل نزل تحت العربية وضبط الزوايا وبقت على الشعرة وفضلت على ظبطه ايده دى اكتر من 20 ألف كيلومتر ماجيتش ناحيتها، وخد 12 جنيه
الصناعية مثلهم مثل كل فئات الشعب المصري، بيتبع طريقه(خد من بقه وقول له) ، يعنى يمسك اخر كلمة انت قلتها ويعمل عليها صينية قرع عسلى، يعنى انت تقول له العربية واخدة خبطة هو يقول: الخبطة بوظت المساعد والديريكسيون والعفشة ، وهكذا
المفضلات