بوجيه التوكيل ولا 'بوجيه' الميكانيكي

أنا بصراحة استرخست اروح أعمل el-60 ألف عند التوكيل عشان سمعت عنه كلام سيئ + تمن المصنعية وكده وودتها ل ميكانيكي المفروض إني واثق فيه.

المهم لما سألته على البوجهات بتاعت التوكيل أم 160 جنيه ل 4

وقلتله إنت اللي راكبتهملي ب 45 جنيه لل 4 وإيه الفرق مابينهم ام جايبلي علبة الأصْلي ( كانت هيونداي الصراحة مش دايو) وجابلي اللي ركبهملي.

وراني إن ال 2 نفس البوجيه ال ngk مفيش فرق غير في العلبة..

فـأنا عايز أتأكد بس..هل بوجهات التوكيل أو الأصلي أو GM أو أي حاجة نطلقها عليهم هي نفسها البوجيهات اللي متوفرة بره التوكيل بس العلبة هي الفرق؟

ولو لأ, هل ممكن إني اروح لابو الفتوح واجيب من عنده البوجيهات بنفسي ولا هو لازم اوديله العربية يركبهالي على أساس إنه مش "بياع قطع غيار".


على فكرة العربية متورها تمام في الوقت الحالي الحمد لله أنا بأسأل للمعرفة.

متابع

يا فندم مفيش اى فرق بين البوجيه اللى فى التوكيل و بوجيهات ngk هو بس العلبه اللى مختلفه زى بالضبط الزيت اللى فى التوكيل و الزيت اللى فى البنزينه اهم حاجة تتأكد من المانيوال بتاع العربيه و تشوف مواصفات اى حاجة هتغيرها.
البوجيه اللى بيتباع فى التوكيل هو بردة NGK بس معمول مخصوص للتوكيل بس طالما جبت نفس المقاس و المواصفات يبقى مفيش اى مشكلة.

بارك الله فيك

اقتباس:

---

المشاركة الأصلية كتبت بواسطة MoMohsen

يا فندم مفيش اى فرق بين البوجيه اللى فى التوكيل و بوجيهات ngk هو بس العلبه اللى مختلفه زى بالضبط الزيت اللى فى التوكيل و الزيت اللى فى البنزينه اهم حاجة تتأكد من المانيوال بتاع العربيه و تشوف مواصفات اى حاجة هتغيرها.
البوجيه اللى بيتباع فى التوكيل هو بردة NGK بس معمول مخصوص للتوكيل بس طالما جبت نفس المقاس و المواصفات يبقى مفيش اى مشكلة.

---

شكرا لرد سيادتك,

بس الزيت اللي فالتوكيل بيبقى نفس تمن الزيت بره , يعني مثلا زيت المتور 235 جوه 235 في البنزينة إنما البوجيه جوه be-40 جنيه وبره be-11 جنيه وربع دي غريبة شوية..اصلهم نفس الشكل فـيا اللي بره ده مضروب يا اللي في التوكيل مسروق في تمنه..ولا أنا غلطان؟

الطقم في التوكيل 4 بوجيه 45 جنيه

اقتباس:

---

المشاركة الأصلية كتبت بواسطة shanodaa

الطقم في التوكيل 4 بوجيه 45 جنيه

---

اهه, كلام حضرتك كده ممتاز.

أصل البوجيه اللي بـ 40 ده بيتحط في توكيل Skoda (عربية الوالد) وعلى كلام الميكانيكي في توكيل هيونداي كمان فـبصراحة أنا توقعت إن ده السعر الطبيعي.

إذا كان طقم البوجهات في توكيل دايو فعلا ب 45 جنيه فـده فعلا حاجة ممتازة.

المانيوال بتاع النوبيرا بيقول ان البوجيه:
Spark Plug Type: BKR6E-11
انت بقى شوف النوع اللى يناسب المواصفات دية فى NGK او اى نوع تانى المهم انه يكون مكتوب عليه BKR6E-11.
وعلى فكرة سعرهم 45 جنيه الاصلى برة التوكيل و انا جبتهم من توكيل NGK نفسه.
و مسأله انه فى التوكيل بـ160 اعتقد السعر مش مظبوط لان انا جبت بوجيهات اللانسر من التوكيل كانت بـ80 جنيه و بعد ما جبتها ببص على البوجيه طلع هو نفسه اللى بجيبه بـ 45 و NGK بردة.

http://www.autolinkmx5.com/ekmps/sho...0%5Bekm%5D.jpg

التوكيل زيه زى مكان
ماهو اللى بيشتغل فى التوكيل ميكانيكيه عاديين
بالعكس دا ساعات
ممكن تقع فى ميكانيكى بره التوكيل يكون بيفهم أحسن من اللى فى التوكيل
والبضاعه واحده
طالما من مصدر موثوق منه
مهما كان نوع البضاعه
( زيوت - قطع غيار - مياه وووووووووو)
دا حتى بره التوكيل
أرحم بكتير ماديا من جوه التوكيل
دا غير أن كل حاجه بتبقى قدامك
وممكن تشوف الأمور ماشيه أزاى والصنايعى بيشتغل
أما فى التوكيل
بياخدوا الحاله
ويقفلوا عليهم غرفة العمليات
والواحد مننا عمال يقول ( وهو قاعد فى الكافتيريا )
ياترى .....ولد ولا بنت
كأنها حالة ولاده

اقتباس:

---

المشاركة الأصلية كتبت بواسطة momohsen

المانيوال بتاع النوبيرا بيقول ان البوجيه:
Spark plug type: Bkr6e-11
انت بقى شوف النوع اللى يناسب المواصفات دية فى ngk او اى نوع تانى المهم انه يكون مكتوب عليه bkr6e-11.
وعلى فكرة سعرهم 45 جنيه الاصلى برة التوكيل و انا جبتهم من توكيل ngk نفسه.
و مسأله انه فى التوكيل بـ160 اعتقد السعر مش مظبوط لان انا جبت بوجيهات اللانسر من التوكيل كانت بـ80 جنيه و بعد ما جبتها ببص على البوجيه طلع هو نفسه اللى بجيبه بـ 45 و ngk بردة.

http://www.autolinkmx5.com/ekmps/sho...0%5bekm%5d.jpg

---

صح قوي, مرسي يا باشا

هما نفس البوجهات بظبط ونفس العلبة بتاعتهم.

اقتباس:

---

المشاركة الأصلية كتبت بواسطة samirayad

التوكيل زيه زى مكان
ماهو اللى بيشتغل فى التوكيل ميكانيكيه عاديين
بالعكس دا ساعات
ممكن تقع فى ميكانيكى بره التوكيل يكون بيفهم أحسن من اللى فى التوكيل
والبضاعه واحده
طالما من مصدر موثوق منه
مهما كان نوع البضاعه
( زيوت - قطع غيار - مياه وووووووووو)
دا حتى بره التوكيل
أرحم بكتير ماديا من جوه التوكيل
دا غير أن كل حاجه بتبقى قدامك
وممكن تشوف الأمور ماشيه أزاى والصنايعى بيشتغل
أما فى التوكيل
بياخدوا الحاله
ويقفلوا عليهم غرفة العمليات
والواحد مننا عمال يقول ( وهو قاعد فى الكافتيريا )
ياترى .....ولد ولا بنت
كأنها حالة ولاده

---

ههه :hlopaet_prv:

أنا فعلا مخلي مشوار التوكيل ده آخر حال ل أي مشكلة وإن شاء الله ماترش اروح أبدًا أبدًا!

ماحدش قاللي, أنا ممكن أجيب قطاع غير متوكيل عادي ولا لازم اكون أعرف حد جوه مثلا أو اديهم العربية وهما يتصرفوا

[QUOTE=samirayad;3872208316]التوكيل زيه زى مكان
ماهو اللى بيشتغل فى التوكيل ميكانيكيه عاديين
بالعكس دا ساعات
ممكن تقع فى ميكانيكى بره التوكيل يكون بيفهم أحسن من اللى فى التوكيل
والبضاعه واحده
طالما من مصدر موثوق منه
مهما كان نوع البضاعه
( زيوت - قطع غيار - مياه وووووووووو)
دا حتى بره التوكيل
أرحم بكتير ماديا من جوه التوكيل
دا غير أن كل حاجه بتبقى قدامك
وممكن تشوف الأمور ماشيه أزاى والصنايعى بيشتغل
أما فى التوكيل
بياخدوا الحاله
ويقفلوا عليهم غرفة العمليات
والواحد مننا عمال يقول ( وهو قاعد فى الكافتيريا )
ياترى .....ولد ولا بنت
كأنها حالة ولاده[/ولد ولا بنت
ههههههههههههههههههههههههه ههههههههههههههه
صح كده والله يا باشمهندس سمير

التوكيل عباره عن ورشه ميكانيكي
بس لها ترخيص مُعتمد ..ومعاهم مهندس
بس كده
يعني مش هما الي عاملين العربيه عشان يكونوا هما أكتر ناس فاهمين فيها
.
.
وموضوع قطع الغيار في التوكيل..إنها أغلى بكتير
ده طبيعي
عشان في ناس غلابه مش بيحبوا يروحوا للصنايعيه
يعني يروح التوكيل ..يعد ساعه..عربيته تخلص ..يدفع ويمشي
مش مشكله عنده دفع كام..بس المهم ان عربيته خلصت

التوكيلات دوول ( مش كلهم ) حراميه
انا روحت مره توكيل ( لاداعي لذكر اسمه ) عشان عربيتي الدايو كانت بتقطع
طبعا كان مكتوب يافطه كبيره ( ممنوع تواجد العميل أثناء الصيانه )
عشان لما يقولك إحنا عملنا كذا وكذا ..تقول إنت آمين
دفعني 200 جنيه
على ايه بقا
الفاتوره كانت معايا ..لما ابصلها إتحسر على فلوسي
تنضيف الكربيراتير ..
وطقم بوجيهات:ma:

200 جنيه يا شباب
وقالي بقا ده أحنا نضفنا دوره الميه ودوره البنزين ودوره الزيت ( ؟؟؟) ..وغسلنا الموتور ( وده محصلش )..ومش عارف ايه كمان