ما هو الفرق بين كورولا 2009 و 2010

**medo_raafat** · 20-12-2009 05:42 PM

بسم الله الرحمن الرحيم

السلام عليكم

معش اي جماعه عارف ان مواضيعى كترت الايام دى بس معلش استحملونى

انا كنت بكلم التوكي لعن اسعار كورولا

وقالى ان فيه عرض على 2009 البروفيشنال ب 117 وده على البوةاقى بعا

فانا شايف انها فرصه

فكنت عايز اعرف هل يوجد اختلاف بين 2009 و 2010 فى تفاصيل حتى لو كانت صغيره جدا

معلش عارف تقلت عليكم بس برضه مش عايز ادفه تحويشه العمر فى حاجه واندم عليه ابعد كده او اقول ياريتنى جبت كذا
:10d5c8~1107::10d5c8~1107:

**yasooboss** · 20-12-2009 05:49 PM

نصيحة طالما انت خايف من ضياع تحوية العمر فالأحسن تحطهم فى البنك

**medo_raafat** · 20-12-2009 05:53 PM

المشاركة الأصلية كتبت بواسطة yasooboss

نصيحة طالما انت خايف من ضياع تحوية العمر فالأحسن تحطهم فى البنك

مشكور لمرورك وكلامك صح
والحمدلهل معايا فى البنك

بس برضه الواحد عايز يركب عربيه كويسه

**kareemhisham** · 20-12-2009 05:55 PM

مفيش اى فروقات خالص .. غير فى المانيوال الفتيس بقا 6 سرعات بدل خمسة ..

و لغاية دلوقتى مفيش mmt 2010 فى بس اوتوماتيك عادى 2010 ..

و بالنسبة لموضوع 117 .. فان شاء الله بكره هكلمهم و اتأكد ..

**medo_raafat** · 20-12-2009 06:07 PM

يعنى مفيش اى فرق بين 1600 2009 و 1600 2010

ولو العرض ده موجود فعلا اشترى لعدم وجود اى فروقات بين المودلين؟؟

هشترى على ضمانتك على ان مفيش اى فرق بينهم غير موضوع الفتيس وانا هجيب اوتوماتك ان شاء الله

**kareemhisham** · 20-12-2009 06:13 PM

العرض دة "لو" موجود هيبقا على الmmt مش الاوتوماتيك العادى ..

الاوتوماتيك العادى ب145 و تسليم مش فورى .. و التسليم الفورى عند المعارض ب150 ..

و متقلقش مفيش اى فروقات تماما .. و عشان تطمن اكتر اسأل التوكيل اكيد هما اكتر ناس عارفين :)

**medo_raafat** · 20-12-2009 06:18 PM

فعلا العرض على mmt

العرض على 2009 البروفيشنال mmt ب 117 الف وتسليم فورى
ان اكنت عنده النهارده واخدت كارت وهو شركه الرزق التجاريه على طريق الصحراوى

ودى تليفوناتهم

0103424142

**محمد محمد** · 20-12-2009 06:44 PM

دي فرصة ....وفرصة بعجوة كمان لو معايا ال117 الف كنت جبت واحدةmmt ليا..ويبقي عندنا واحدة برفيشنال وواحدة ادفانسيد.

**hash_mafia** · 20-12-2009 07:17 PM

طب يا جماعة ممكن حد يفهمني يعني ايه mmt ؟؟؟
يعني لما بعوز انقل لازم أشيل رجلي من على البنزين؟؟هو دا كل الفرق بينو و بن الأوتوماتك ولا انا فاهم غلط؟؟؟

**sab3aawy** · 22-12-2009 10:51 AM

الMMT هو فتيس يصنفه المصنعون على انه(نصف اوتوماتيكى)، وهو ببساطة عبارة عن فتيس يحوى بداخله نفس المكونات الموجودة فى الفتيس اليدوى العادى مع وجود مجموعة من المحركات التزامنية هى التى تقوم بعملية النقل بدلا منك،
نظريا هو يقوم بالنقل لوحده فى موعد النقلة مثل الجير الأوتوماتيكى كما انه يمكنك ان تختار وضع يمكنك من النقل يدويا من خلال مفاتيح(ريشات) خاصة بذلك مركب على عجلة القيادة، لكن عمليا كان لدى الكثيرين ممن جربوه ممن سبق لهم امتلاك سيارات اوتوماتيكية بالنظام العادى ملاحظات كثيره على ادائه تتعلق بتوقيت النقلات ونعومتها وما يسمى بالN prplem او مشكلة انتقال الجير تلقائيا الى وضح المور فى اوقات عشوائية وغير مقبولة،مما ادى الى انفضاض السوق المصرى عنه وتراكم كميات لدى التوكيل دفعت التوكيل لتخفيض سعر السعر السيارات المتراكمة لديه حتى وصلت الى سعر اقل من سعر بعض المثيلات الكورية للتخلص من المخزون، طبعا السيارة بهذا السعر الوهمى صفقة رابحة جدا، لكن ستبقى دائما هناك ثلاثة نصائح هامة فى هذا الصدد هى:
1-جرب قبل ما تشترى
2-جرب قبل ما تشترى
3-جرب قبل ما تشترى
لأن ممكن السيارة تعجبك وتقبلها بهذا الأداء وممكن جدا انك تقول انك مش هتشتريها حتى لو كانت ببلاش، وده امر يتوقف على قبولك انت

ده رابط عن كل المعلومات الفنية والتاريخية والتسويقية التى تخص هذة النوعية من الجيربوكس من كل الماركات، ومن ضضمنها تويوتا

http://en.wikipedia.org/wiki/Semiautomatic_transmission

الموضوع: ما هو الفرق بين كورولا 2009 و 2010

LinkBack

أدوات الموضوع

عرض

-

-

-

-

المواضيع المتشابهه

طلب من ملاك كورولا 2009 - 2010

اية الفرق بين الجيتا 2009 و 2010 و هل يستاهل الفرق ؟

تويوتا كورولا 2010-2009

كورولا mmt 2009 ام كورولا 6speed 2010

إيه الفرق بين الجين 2009 و 2010 ؟!

الكلمات الدلالية لهذا الموضوع

المفضلات

المفضلات

ضوابط المشاركة