:Ta_clap[1]::Ta_clap[1]::Ta_clap[1]::Ta_clap[1]:اقتباس:
انا بشكرك جدا على اثارتك لنقطة حق الإختيار للبنت اللي ناس كتير بتغفل وجوده واهميته القصوى وتعتبر ان طالما في عنوسة وفي ازمة زواج في مصر فالمفروض البنت تحمد ربنا وتبوس ايديها وش وظهر ان جالها عريس اصلا بغض النظر بقي عن مواصفات هذا العريس.
وبرده حابة أأكد ان مش كل البنات بتحلم بمواصفات السوبر عريس زي مالناس بتهول وتقول لكن ممكن تكون مشكله في اخلاقه او طباعه او اسلوبه في حل المشاكل او عدم الارتياح النفسي او او او الي اخره من الاسباب.
البنت لو زي الولد برده بتروح تتقدم لعرسان وبعدين تروح مترجعش الولد هايعرف قد ايه هي كمان بتحس بالاهانة لو حسبتها زي ماهو بيحسبها لكن لو بنت عاقلة وواثقة من نفسها ومن ان كل عريس يجيلها ويروح ميرجعش ده خير من عند ربنا وبرده نفس الكلام ينطبق على الولد العاقل الواثق من نفسه.
لإن امر المسلم كله خير.
انا عمري ماندمت أو زعلت على عريس اتقدملي ومحصلش نصيب بينا لإني ببقي متأكدة انه لو نصيبي مكنش الموضوع متمش ومكنش محصلش ارتياح من ناحيتي ومكنتش العيوب ظهرت ومكنتش المشاكل حصلت وكان هايكتمل بسهولة طالما ربنا كاتب انه يكمل.
اقولك على سر ومتزعلش مني
عدم الرضا وعدم القناعة هي صفة بشرية موجودة في الراجل والست بصفة عامة ولكنها تظهر في المرأة بشكل ملحوظ لإن الست بتحب دايما تتكلم وتفضفض وتعبر عن رأيها حتى لو عارفة ان ده مش هايغير حاجة بس الراجل بحكم انه بطبيعته قليل الكلام فمبيقولش لكن لو سألت اي واحد عن وضعه الاجتماعي او المادي الحالي هاتلاقيه مش راضي بيه وعمال يشتكي من العيشة الضيقة وقلة الفلوس حتى لو كان مليونير ودايما باصص للي اعلي منه.
وعلى فكرة زي مالبنت بتحلم بعريس بأحسن احواله يكون وسيم ومعاه عربية وفلوس وغيره
الولد برده بيحلم بعروسة بأحسن احوالها (خللي اللي يحلم يحلم ماهي الاحلام مش بفلوس بكرة الواقع يفوقهم كويس ويعلمهم يختاروا ازاي) ودي بعض مواصفات العرسان في عرايسهم (مواصفات العروسة السوبر اللي بيتمناها كل الشباب):
تكون على درجة عالية من الجمال شكلاً (مش متوسطة يعني) يعني ممكن تكون شبه نانسي عجرم كدة علي هيفا وهبي يعني ميكس حلو كده وتكون ملتزمة في لبسها وتكون شيك وتكون دمها خفيف وبتحب الهزار لكنها رزينة وعاقلة ودماغها كبيرة وتكون لها شخصية ومطيعة وتكون شقية ودلوعة لكن هادية وتكون بنت ناس اغنيا وفي نفس الوقت طلباتهم مش كتير وتكون بتلبس كويس جدا وبراندز وستايلش وفي نفس الوقت تكون قنوعة وترضي تعيش بمرتب 500 جنيه في الشهر يكفوها اكل وشرب ولبس وايجار شقة وخروج ومصاريف عيال (وتفضل شيك وستايلش برده معرفش ازاي :Ka_che1[1]:) وتكون راجل وخشنة وتدي اللي يتطاول عليها على دماغه بس تكون رقيقة ومسالمة وتخاف من خيال جوزها وتكون فاهمة في كل حاجة لكن مايكونش ليها اي خبرات وتكون متحدثة لبقة وحسنة التصرف بس متكونش بتشتغل عشان متختلطش بالناس وتكون مثقفة ومطلعة لكن متكونش فيلسوفه بقي وتكون بتفهم في الرياضة والفيزيا والكيميا والاحياء حتى لو هي ثانوية عامة ادبي ده طبعا بالإضافة الي اللغات.... وغيره من الصفات الخزعبلية (مش بقولك الاحلام ببلاش)
قوللي بقي نحل اللغز ده ازاي؟
اقولك على حاجة مرة زميل لينا كان بيحكي على عروسة متقدملها هي عاجباه في كل حاجة بس عارف بيفكر يرفضها ليه؟
عشان مش كل اخواتها تعليم عالي تقريبا عندها اخ دبلوم باين او مؤهل متوسط تقريبا وخاله او عمه قالله مينفعش خال ولادك يبقي مؤهل متوسط :O_stupid[1]:
تخيل بقي لما بنت تتعاقب عشان اخوها مكملش تعليمه
ملحوظة:
ناقصات عقل ودين تفسيرها غير اللي حضرتك تقصده تماماً
ولو تحب تعرف احنا ليه ناقصات عقل ودين ابحث عن معني الحديث على النت في اي موقع اسلامي وهاتعرف ان نقص العقل والدين ليس صفة نعاير بها النساء في كل موقف وليست نقيصة فيهن تبيحلنا اننا نخليهم الشماعة اللي بنعلق عليها كل مشاكلنا.
اسفة لو كلامي زعل حضرتك بس اعتقد ان حضرتك هاتتفهم قصدي ومش هاتسئ الظن بكلامي
عشان تصدقينى فى الفكرة اللى قولتهالك
التيست درايف هو الحل :colsmil: