+111111111111111111111111111111111
عرض للطباعة
شكرا لكل الردود .. وبانتظار المزيد من الآراء
اولا التصميم واللى فيه فرق كبير قوى قوى قوى لصالح اللوجان فى حين ان الساجا تبدو كبقايا قطع غيار اتجمعت وكونت عربيه , طبعا الموضوع اذواق شخصيه بس انا هحط نفسى مكان اللى يختار وبصراحه الساجا شكلها اقرب الى السيارات الصينى خارجيا وزاد الاحساس سوء التصميم الداخلى وسوء الخامات المستخدمه واللى بعيدا عن تحيز ملاك بروتون ( مع احترامى لهم جميعا ) متتقارنش غير بالسايبا الايرانى
صحيح اللوجان داخليا تصميمها وخاماتها مش قويه بالشكل اللى يتحلف بيه لكن شخصيا شايفها من انضف واجمل المقصورات فى الفئه دى وتوحى بسعر اعلى من سعر العربيه بكتير
المساحات الداخليه مقدرش احكم عليها لأن مقعدتش فى العربيتين ورا بس مساحه الشنطه فى اللوجان 510 لتر فى حين ان الساجا 400 لتر بس
الموتور فى الساجا اقوى من الرينو بس ب 4 حصان وهو مش فرق الواحد يغير بسببه قرار الشراء بس الساجا 1035 كجم فى حين ان اللوجان أقل من 1090 وكدا تكون الساجا افضل فى السرعه القصوى , ولكن فى السرعات العاديه اللوجان هيكون اداءها احسن لان اقصى قوه ليها عند 5250 فى حين الساجا عند 6000
ولكن موتور اللوجان 138 نيوتن عزم عند 2850 لفه وهو عدد لفات قليل جدا هيخلى تسارعها افضل كتير من الساجا اللى 120 نيوتن بس وعند 4000 لفه
استهلاك البنزين الساجا تكسب 6.1 لتر لكل 100 كم فى حين ان اللوجان 7.1 لتر
الامان فى العربيتين فى صالح اللوجان اللى معاها 3 نجوم من ال ncap برغم ان تم اختبارها ب 2 ايرباج بس ودى نقطه بتخلى التقييم يبقى اقل ما يمكن علشان كدا اللوجان تحترم زى باقى عربيات رينو فى الامان ,فى حين ان الساجا ملهاش اختبار امان
ونيجى كمان للتوكيل اللى فرق السما من eim لتحت الارض بخمس ادوار مع عز العرب
واخيرا الكماليات معرفش عنها حاجه فى العربيتين بس ممكن اللى بيفكر فيهم يقارن بنفسه اللى محتاجه من غيره
عرفت ليه بقول ان الساجا تتركب لمجرد انها بروتون وحبا فى الاسم لكن فى مقارنه مع اللوجان عمليا هى خسرانه
نصيحة لوجه الله تعالى :
ابعد عن توكيل عز العرب او اى مركز صيانة ليهم (امير و جوزيف مثلاً) لانهم بمنتهى البساطه : حراميه و معاملتهم زباله للعملاء و لو العربيه محققتش نجاح بيقلبوا الموديل ده و بيشطبوه من عندهم و بيقولوا ملناش دعوه بيه (اسال ملاك ستروين الموديلات القديمه زى اكسارا و زد اكس مثلا او ملاك جيب ليمتد القديمه)
و لو حتى حكمت انك تتشعبط فى اتوبيس نقل عام و لا تشترى عربيه توكيلها عز العرب حتى لو كانت مرسيدس و هيديهالك ببلاش
الافضل انك تجرب العربيتين قبل ما تقرر وفي دلوقتي تست درايف للساجا في التوكيل ممكن تحجزه عن طريق الانترنت
حضرتك مش بتتناقش فى نقط انا طرحتها , انت كل اللى انت عمال تقوله انى مجربتش العربيه
انا لا اتكلمت على تسارع ولا ثبات ولا راحه ولا نعومه يبقى كدا تقييمى برا حدود الحاجه الى تجربه , انا بقارن بأرقام كتالوجات وحاجات واضحه من الصور مش محتاجه انى اروح اجرب العربيه
وعلى العموم مش عارف منين انت قولت انى مشوفتش الساجا وحكمت على خاماتها كدا , ليه هو انت شايف ان خاماتها حلوه ؟
وبالمناسبه اداء على rpm قليل طبعا احسن من اداء على rpm عالى , وبالمناسبه برده خدمه بعد البيع eim فرق السما من الارض من عز مش رينو تحديدا لكن التوكيل كله
واخيرا ياريت تحسن اسلوب كلامك علشان طريقه ردك مستفزه