عرض للطباعة
السلام ليكم ورحمة الله وبركاته
انا محتاج عربية جدا فى شغلى ومستجل عليها جدا بس للاسف مش معايا فلوس لكن ممكن ادفع قسط شهرى 1000 جنيه وتقديم كل الضمانات من اول مفردات مرتب لحد كتابة وصولات وعدم نقل ملكية العربية الا بعد سداد الاقساط
ياترى حد عندو حل جديد او مستعمل
روح لاي معرض وهيديلك عربيه
مافيش حد شغال بدون مقدماقتباس:
المشاركة الأصلية كتبت بواسطة mr_sameh
للأسف
مش هتلاقي عربيه بدون مقدم ..ع الأقل 25% من قيمه السياره
وبالذات كمان ان القسط الي تقدر تدفعه هيكون 1000 جنيه فقط
يعني لو حبيت تجيب عربيه في حدود 60 الف
هتدفع قسطها لمده 6 أو 7 سنين ع الاقل مع احتساب الفايده التراكميه
مش هتلاقي
ممكن تتصرف وتعمل قرض بضمان الراتب بتاعك من البنك.. انا شفت ناس عملته وبيكون حوالي 15 الف
وتدفعه مقدم..وتقسط
بس ساعتها هيتقطم وسطك عشان سداد اقساط البنك ..واقساط السياره + الفايده بتاعة التقسيط
ربنا يعينك
ممكن تعمل قرض ب 30 الف مثلا و تجيبلك حته حلوة مستعمله بال 30 و هتدفع كده شهريا لمده 5 سنوات مبلغ 700 جنيه تقريبا
اقتباس:
ممكن تتصرف وتعمل قرض بضمان الراتب بتاعك من البنك.. انا شفت ناس عملته وبيكون حوالي 15 الف
اقتباس:
ممكن تعمل قرض ب 30 الف مثلا و تجيبلك حته حلوة مستعمله بال 30 و هتدفع كده شهريا لمده 5 سنوات مبلغ 700 جنيه تقريبا
ممكن حد يقولنا على نظام القرض ده وايه شروطه ؟ وبيبقى من بنك ايه ؟؟
خللى بالك انا من غير شيوخ ولا غيره
هتاخد من البنك جنيه هاترجعه جنيه و10 قروش
يعنى بتاخد فلوس وبترجعها بزياده
الموضوع واضح زى الشمس ومش محتاج سؤال
ربا وش يعنى
هتاخذ جنية هترجعة جنية و10 قروش دالكلام دة لو لمدة سنة واحدةاقتباس:
المشاركة الأصلية كتبت بواسطة m000dy
أما لوعلى 5 سنين مثلاً فية فايدة تراكمية يعنة الجنية هيعمل 150 قرش
إذا كان هناك امكانية للاقتراض من العمل نفسه سلفة يعنى فى حدود مبلغ سبعة أو عشرة ألاف يمكنك دفعها كمقدم لسيارة مستعملة مثل فيات موديل تسعينات فى حدود العشرين ألف شرط الحالة الجيدة وأعتقد أن قسطها سيكون بسيط ، بحيث أنك تدفع 500 جنيه خصما من راتبك لتسديد السلفة و 500 لتسديد القسط ، ولكن يجب عليك البحث أولا عن معرض يقدم خدمة التقسيط
موفق ان شاء الله
للاسف حتى ده مش متاحاقتباس:
المشاركة الأصلية كتبت بواسطة dodocai
الموضوع دة عايز مكان تقسط فية على سبع سنيين دة أولا
ثانيا : فى معارض كتيير بتقسط اسلامى بس لازم يكون على 7 سنيين علشان القسط ما يكونش كبيير
ثالثا : نصيحة هامة حاول تستنى شوية لغاية ما ربنا يكرمك وتبقى معاك مقدم حتى 15 ألف وحطهم مقدمة فى بنك اسلامى ذى التمويل المصرى السعودى بيمول سيارات بالتقسيط الآسلامى بس بمقدم 20 % ممكن على 5سنوات أو 7 سنوات ذى ما أنت عايز شرط المقدمة
رابعا : فى بنوك بتتعامل مع الشركات وبتقسط سيارات للموظفين بدون مقدم ودة غالبا بيكون على 5 سنوات لكن 7 سنوات مش أكيد ممكن تسأل تبع البنك بتاع الشغل بتاعك
أنا أنصحك بالنقطة الثالثة لآنك هتلاقى فيها فرص اكبر وأحسن
والله الموفق
على فكرة بنك اسكندرية بيقسط بدون مقدم بس لازم تحول مرتبك على البنك عندهم مع العلم ان التقسيط مع البنوك فيه شبهة الربا كما افتى الكثير من علماء الاسلام و مع العلم ايضا ان مفتي الديار المصرية افتى انه لم يعد هناك ربا و ان الربا كان ايام ان كانت العملة ليها غطاء من الذهب او الفضة لدى الدولة (مش فاهم اوي الموضوع دا ) و الله اعلى و اعلم
ادخل جمعيه بالف جنيه و اقبضها الاول أحسن حاجه