شكر خاص لأحمد عبد المقصود
وحوش الميجان
انا بشكركم كلكم جدا على خبرتكم بالميجان
وبحب اشكر احمد عبد المقصود بالأخص عشان بصراحة معلوماته وافكاره فظيعة
هديكوا مثال صغير
كان عندى لمبة السيرفيس منورة من مدة هى ولمبة الايرباج بتاعة السواق منورة
المهم انا من كتر ما بحب كلام احمد عبد المقصود.....فا انا اقريت أغلب مواضيعه
فا فى موضوع كانه بيتكلم فيه عن الايرباج.....وشريط الايرباج اللى بيعمل 500 جنيه استيراد....وانا سألت عليه فى التوكيل قالولى 1600
المهم أحمد بما انه راجل خبير ...ركز على نقطة مهمة جدا...ان اللى بيحطوا طفاية الحريق تحت الكرسى....يبص على الفيشة....ويتأكد انها راكبة كويس....
وبالفعل....النهاردة من ساعة بالظبط...كنت بالعربية فى مشوار فا قولت أجرب....لقيت سلك كدة....وفى أخره فيشة....لقيتها فعلا راكبة بس مش أوى...ضغط عليها ...وفعلا اللمبة طفت
أحمد عبد المقصود يا جماعة.....أستــــــــــــــ ــــــــــــــاذ
وفى حاجة كمان....كنت فى فرنش موتورز من حوالى 5 شهور....(لتغير ترس الدفيزر)...وسألت اللى هناك على لمبة الايرباج....راح قاعد على الكرسى...وقعد يلف الدريكسيون....وقالى سامع.....سامع يا بيه....أهو....شريط الايرباج بايظ...وانا طبعا ولا كنت سامع حاجة....بس انا قولت اكيد هو أدرى
وبس ...ومن ساعتها وانا كل ما اشوفها منورة...اتعكنن
لغاية النهاردة لما سمعت كلام أحمد واتحلت المشكلة.....
شكرا يا استاذ أحمد (عبد المقصود)...وحوش الميجان كلهم