السلام عليكم
عاوز اروح شرم الشيخ من القاهرة بالعربية عاوز اعرف افضل الطرق ..
انا عمري ماروحت شرم قبل كده وكنت سامع ان فيه تصاريح عشان الدخول وحاجات (انا رايح مطار شرم) ياريت لو حد راح قبل كده يفيدني وشكراً..
عرض للطباعة
السلام عليكم
عاوز اروح شرم الشيخ من القاهرة بالعربية عاوز اعرف افضل الطرق ..
انا عمري ماروحت شرم قبل كده وكنت سامع ان فيه تصاريح عشان الدخول وحاجات (انا رايح مطار شرم) ياريت لو حد راح قبل كده يفيدني وشكراً..
لا يوجد غير طريق واحد لشرم الشيخ
من القاهرة الى السويس ثم نفق الشهيد احمد حمدي ثم جنوبا على ساحل خليج السويس حتى شرم الشيخ
حضرتك حتاخد طريق السويس حتى بوابات السويس (حوالي تسعين كيلو من القاهرة ) و من بعد البوابات حتاخد اول يوترن ثم يمين الى طريق النفق (حوالي 20 كيلومتر )
بعد عبور النفق الى سيناء (ماتنساش تفول العربية من بنزينة وطنية اللي قبل النفق ) حتاخد يمين الى طريق شرم الشيخ (حوالي 350 كم)
حتعدى على مدن رأس سدر و ابو زنيمة و الطور ثم محمية رأس محمد ثم شرم الشيخ
الطريق في مجمله جيد لكن طبعا مزدوج فيفضل ان حضرتك تسافر في النهار خصوصا انها اول مرة
احذر من المنحنيات في هذا الطريق لانك لن تسطيع تحديد درجة المنحنى حتى تدخله فعلا فرجاء هدىء السرعة عند اماكن المنحنيات
هناك بعض الاصلاحات في المسافة من بعد رأس سدر فكن حذرا
هدىء السرعة في مداخل المدن و توقع العبور المفاجىء للمشاه و العربات
اخيرا لا يوجد تصاريح لدخول شرم الشيخ و لكن يوجد عدة كمائن امنية على الطريق و بعضها "رخم شوية "
بالنسبة لمطار شرم الشيخ انا مارحتوش لكن بعد عبورك لبوابات شرم الشيخ ستجد الطريق الدائري و طريق السلام و كل منهما يؤدي الى المطار و لكن طريق السلام ممتع اكثر لان به مجموعة من الفنادق والخدمات على الجانبين ولكن الطريق الدائري في وسط الصحراء
اخيرا ربنا يوصلك بالسلامة و ابقى طمنا عليك
فعلا استاذ اسلام نبيل وصفلك الطريق صح
و ممكن فعلا يتلككو على اى حاجة فى اللجان دى لانى رحت شرم قبل كده بالعربية و عارفة رخامتهم
نصيحة طبعا تريح كتير لان الطريق 7 ساعات
فعلا استاذ اسلام قالك المفيد فعلا
بالنسبه للكماين اللي في شرم حزام و رخص و كده و خالي بالك الرادار في طريق السلام ده ليل و نهار هيا السرعه هناك 60 كم بس بيسامحوا لحد 80 كم و في رادار ليلي كمان فخالي بالك و الحزام للسائق و الراكب اللي جنبه كمان
و ربنا يسلم طريقك