أزيكم ياشباب معاكم أخوكم خالد كنت عايز أسأل علي مواصفات وامكانيات العربية هيونداي نيو أكسنت موديل 2010 ؟ وكنت عايز أسأل أنا سمعت علي مساعدين العربية أنها غاز وكنت عايز أي تفاصيل عن المساعدين دي ؟
عرض للطباعة
أزيكم ياشباب معاكم أخوكم خالد كنت عايز أسأل علي مواصفات وامكانيات العربية هيونداي نيو أكسنت موديل 2010 ؟ وكنت عايز أسأل أنا سمعت علي مساعدين العربية أنها غاز وكنت عايز أي تفاصيل عن المساعدين دي ؟
ساعدوني يا ملاك الأكسنت .................................................. :ma:
هيا عفشتها رياضيه فهتكون ناشفه شويه بس
مفيش حاجة مهمة اتغيرت فى موديل 2010 .. يعنى مثلا غيروا شكل المرايات .. باقى المواصفات واحدة .
الفرق بين المساعدين الغاز و الزيت
الغاز عمر افتراضى و قوة تحمل اكثر
الغاز بيدى ثبات اكتر للعربية خصوصا فى المنحنيات
الغاز ا انشف من الزيت و بيحسسك بالمطبات شوية .
المفروض ياجماعة يبقي لينا رابطة خاصة بملاك الأكسنت الجديدة نشوف أيه أخبار السيارة ونفيد بعضينا لو في مشكلة عند حد منا أيه رأيكم ؟:b4_611:
بص يا باشا .. العربية معايا من شهر 2/2009 .. و عملت بيها 16000 كم .. و بصراحة مبهدلها معايا .. و العربية زى الفل .. اعتمادية و قوة تحمل فوق ما تتصور و قطع غيارها معمرة جدا حسب ما شفت فى موديلات 2006 اللى لغاية دلوقتى متغيرش فيها اى حاجة غير الصيانات الدورية و بس .
المفروض ان العربية هتفضل معاك لمدة 3 سنوات على الاقل من غير ما تغير حاجة فى العفشة .
مبدئيا قطع الغيار اللى ممكن تحتاجها الفترة الجاية هتنحصر فى الاتى :
فلتر زيت = 18 جنية
تيل فرامل امامى = 215 و دة مش بيتغير قبل 25000 او 30000 لو استخدامك للفرامل كتير و ممكن يقعد معاك لغاية 40000 كم .. حسب استخدامك .
فلتر بنزين = 130 جنية و دة بتتغير عند 20000 كم على كلام التوكيل لكن انت ممكن تسيبه اكتر من كدة .
بوجيهات = الواحد 10 جنية * 4 = 40 جنية و بيتغيروا بردة على 20000 كم حسب كلام التوكيل .
كلام مظبوط وعلي العموم العربية باسم الله ما شاء الله زي الفل
توكل علي الله
يا باشا لو عندك اى سؤال او استفسار اسال فى المنتدى و انشاء اللة هتلاقى الاجابة
و فى مواضيع كتيرة جدا معمولة عن العربية ممكن تشوفها و تستفيد منها .. و كان فى موضوع عاملة د. محمد مجمع فية معظم المواضيع الخاصة بالعربية .. اعتقد هتلاقية مثبت او فى قسم المواضيع الهامة .