السلام عليكم اولا
ان معايا النترا يا جماعه عامله 11500 و العربيه زى الفل بس عندى مشكله مع الطاره
انه لازم عشان ابقى ماشى فى خط مستقيم و على سرعه فوق ال 100 لازم ابقى ساند الطاره سنه شمال يعنى ابقى عاوجها سنه هى سنه بسيطه بس مضيقانى بجد يا ترى ايه ده افيدونا
اضبط زوايا العجل
سيدى
هناك سؤال اذا تركت الدريكسيون نهائيا هل هناك اى حدفة اما هو فقط عدم وضع الطارة غير مضبوط ؟
و عل المشكلة حديثة ؟ حيث انك تقول انك قطعت مسافة 11500 كم
وهل قمت بعمل صيانة ال10000 و ذكرت هذه الشكوى
لئلا تكون هناك اثار خبطة اسفل السيارة
بص ياباشا انا من مالكى النترا 2008 والعربية عاملة معايا 22.000 كم وعايز اطمنك الموضوع دة برضة عندى من ساعة ماجبت العربية لازم الدركسيون يبقى سنة شمال علشان تبقى ماشية على طوول وبيبقى فيها حدفة بسيطة جدا لليمين والموضوع دة برضة اما رحتلهم التوكيل عليه لقيت واحد نفس المشكلة وعملولى ظبط زوايا وظبطوا ال steering wheel calibration والنتيجة النهائية :::: = الزوايا اتظبطت وسليمة مية المية وال 4 عجلات بقوا Green مع ان فية حدفة بسيطة جدا جدا بس كلة قال من الكاوتش خصوصا الكاوتش اللى بينزل برة فى الخليجى غير اللى اللى بيركب فى عربيات الوكيل هنا اما بقى السنة الشمال دية لسه موجودة مراحتش وعلى فكرة حتى لو لاحظت هتلاقى الدركسيون اما بتشيل المفتاح وبيعمل لوك والعجل معدول بتلاقى برضة الدركسيون مش فى السنتر بالظبط بمقدار السنة الشمال فأظن الموضوع دة عادى بس انا اتعودت عليها ولو اتعملت ممكن معرفش اسوقها هههههههه متخافش ياباشا ولو حد يقدر يفيدنا اكتر ياريت
شكرا يا استاذ ramiy
بالنسبه للاسئله اللى حضرتك سألتها هى كالاتى
انا لما بسيب الدركسيون حر العربيه تحدف يمين
و المشكله من اول مستلمتها و قلتلهم بس طلع معايا فنى و قلى مفيهاش حاجه
و صيانه 10000 عملتها وبرضه قلتلهم و نفس الرد
انا بس عاوز اعملها حتى لو بره التوكيل
متشكر جدا يا استاذ سامح على سرعه الرد انا الموضوع عندى بالضبط زى عندك الفرق الوحيد ان الدركسيون لما بيغمل لوك الطاره بتبقى مش سنه لا دى بتبقى مايله كتير شمال بزاويه حوالى 40 درجه
خلي بالكم إن الحدفة دي ممكن تطلع من الطريق
على اية بس يااستاذ profimh دة واجب اعضاء المنتدى تجاه بعضهم ,,, انا هجرب باذن الله بكرة اغير العجلة اليمين مكان الشمال واطلع اجرب اظن هتحل موضوع الحدفة لان الزوايا اتأكدت منها لكن موضوع ان الطارة لازم ابقى جايبها سنة شمال علشان تبقى ماشية فى خط مستقيم فدة اظن لية علاقة بال steering wheel calibration لان الدركسيون الباور الكهرباه دة لقيته فعلا بيتظبط منه نقطة الصفر عن طريق جهاز الكمبيوتر فى التوكيل واقسم بالله خليتهم يظبطوة مرتين واطلع وارجع تانى لحد مازهقت لانهم ابيض مكانوش عارفين يعملوا حاجة وبالنسبالهم مفيش مشكلة وبصراحة انا اتعودت عليه والمدير انسان محترم اوى قالى يافندم الزوايا عليها ضمان بس 5000 كيلو وحضرتك عامل 22000 قولتله انا كل مرة اجى ويقولولى الجهاز عطلان لاما يظبطوة اى كلام وبمشى مبرجعش الا فى الصيانة اللى بعدها قالى خلاص هنظبطهالك المرادى على حسابنا بس اخر مرة بقى ضحكت وقولتله طيب انا قولت ممكن يكونوا عاملين الدركسيون سنة شمال علشان الواحد يريح كوعة على الكونسول بتاع الباب وهوا مثبت الدركسيون بايدة الشمال ولا حاجة بصراحة احترت اهم حاجة موضوع الحدفة اليمين دية هى مش ملحوظة اوى بس الواحد بيحب الحاجة تبقى بريفكت باذن الله بكرة هغير العجل واقول لحضرتك وبالنسبة لموضوع السنة الشمال دة واللوك ممكن ساعتها نبقى نتفق نروح مع بعض ونقولهم ان العيب جماعى يمكن يعملوا خطوة ,,
لا يااستاذ M.Elhamy مش عيب طريق انا متأكد انا عامل بيها 22.000 كيلو فى طرق سفر وطرق حرير ومبجربهاش فى حته واحدة ساعات بقعد اجرب فيها على مدار الطريق كلة هو انا شبة متأكد ان العيب من الكاوتش هنقل العجلة اليمين مكان الشمال ونشوف اية اللى هيحصل
انا هجيبلك المفيد انا لما استلمت العربية موديل 2008 كانت ماشية ستريت و معاندييش اي مشاكل
و في صيانة الالف بعد م اخدت العربية لاقيتها بتحدف شمال
رجعتلهم عملوها 3 مرات و مفيش فايدة
المهم اتخانقت و زعقت و مشيت و رحت على بنزينة موبيل في الهرم جنب مسرح الزعيم
في هناك ولد فعلا ولد اسمو حسن ابو علي ظبطهالي على الكمبيوتر اخدتها زي الالف تاني.
يظهر ان الجهاز اللي شغالين علية في غبور اي كلام اللي بيعمل فلاشرز ده و يقولك ظبط بالانفرا ريد.
معلش يا استاذ سامح انا لسه داخل الموقع و لسه شايف رد حضرتك انا
متشكر جداا على المعلومه و على فكره انا برضه ههههههههه
فكرت نفس التفكير قلت ده اكيد عملينها عشان الواحد يبقى ماسك الطاره بشماله و فى نفس الوقت يبقى ساند على مخدع الباب و الله حاجه تضحك
المهم جرب يا باشا و انا معاك
شكراا
يا باشا روح عند اي حد بتاع كاوتش وبدل الفرده اليمين قدام بالشمال قدام بس اقلب الكاوتش بعد التبديل ورصص من جديدعلشان الكاوتش يمشي في نفس اتجاهه هتلاقي القصه دي اختفت من عندك تماما لان انا كان عندي نفس المشكله في النترا 2008 واتحلت الحمد لله
وعلي فكره المشكله موجوده في معظم العربيات الجديده
ممكن يكون الكاوتش عايز يتغير هى ماشية قد ايه