هي الناس دية بتعمل كده فينا ليه؟
أنا شغلي في العاشر من رمضان وبمشي عل طريق مصر إسماعلية الصحراوي كل يوم . من يومين بالظبط بداء الأشاوش بتوع الطرق في المحروسة في وضع مقبات صناعية (عبارة عن قضبان حديد مبططة) أمام جزء كبير من المنشات في الطريق(أكوا بارك-معهد العبور-جامعة مصر الدولية-...)
القضبان دية محطوطة بشكل عجيب جداً بأشكال مختلفة وأعداد كبيرة وبارزة عن الأسفلت .
أعتقد أن البهوات بيعتمدو على إنها هتدك في الأسفلت بعد فترة من المشي عليها. بس طبعاً عقبال متوصل للمرحلة دية كل ما تعدي عليها بالأشكال والأعداد المحطوطة هتلاقي العفشة أتفرتكت طبعاً.
أنا ليا سؤال واحد لو حد عارف إجابة يجوابني عليه .هو إيه الفايدة من المقبات دية يعني لاالعربيات بتقف ولا بتهدي عليها ولاأي حاجة وعلى فكرة ممكن تسبب في حادثة لأن السواقين بيتفاجؤ بيها ولو حد هدى قدامك بيلخبط إلي وراه ولو مسكت فرامل وانت عليها بتترزع صح.
والعبقري إلي حططها عملها بالطريقة دية ليه؟والعبقري إلي شاريها ومستلمها مستلمها بالموصفات دية ليه؟
وأنا على حسب معلوماتي أن مافيش أي جزء في عفشة أي عربية أحنا بنصنعو في مصر. كله مستوردة سواء جديد أو مستعمل. يعني عفشة العربيات إلي بيدمروها دي عبارة عن عملة صعبة بتتسرب من بلد أصلا إقتصادة ضايع ومعظم الناس فيه تحت خط الفقر.
هي الناس دية بتعمل كده فينا ليه؟:36_1_2[1]: