-
روح اي موقف للسوبر جيت وانتظر قدوم سوبر جيت الغردقه وشرم واركن العربيه بره بعيد شويه وشوف اي حد من الركاب عاوز توصيله واتفق معاه ووصله
زمان لما كنت بسافر شرم وانا راجع بالليل متاخر كنت الاقي شباب جاي يسألني عاوز توصيله ويتفق معي والاقيه بيركبني عربيه ملاكي وياخذ المتفق عليه ويقوم بتوصيلي
-
والله فكرة جميلة بس عاوزة احتياط وحرص علشان العربية متتاخدش
-
في ناس كتيرة بتعمل نفس النظام ده يعني هو معاه عربية جديدة و عايز منها بالمرة فلوس حلوة بيروح اي مكتب ليموزين يعرفه و يشتغل معاه توصيل طلبة للمدارس او توصيل افراد يوميا لأماكن عملهم او حتى يدخل بيها افراح و زفة و غير كدة بردو سفريات و شوف اي سفرية لأي مكان هتاخد فيها كام ....الخ .
خلاصة الكلام دي فكرة معقولة.....
-
فكرة توصيل الناس بمقابل لاسيما في السفر فكرة طيبة خاصة لو كان في تخفيض عن الأجرة المعتادة مراعاة لحال البعض (موظف شكله مطحون- طالب- كبير في السن....يعني الناس اللي حالتها تعبانة) يبقى استفدت ماديا وخدت ثواب والناس بتبقى شاعرة لك بالامتنان وتدعيلك بالبركة
-
كل الكلام ده كلام حلو و جميل
بس المشاكل اللى هتقابل اي حد بيفكر يعمل الموضوع ده
اولا و اهم حاجة
السادة ضابطي المرور
يا سلام لما واحد فيهم يشوفك ( هتلاقيه ناطط لك عالطول عشان ياخد المعلوم ) و الايديلك مخالفة تطلع عينك
و ثانيا استهلاك البنزين
لازم الواحد يفكر في مشروع يجيب همه عشان يقدر يصرف على العربية
و انا مشدود اكتر لفكرة تاجير العربية في الافرح او السفريات بس على شرط اني اكون انا اللى سايق
-
تتفق مع مكتب من المكاتب المحترمه ..انك تاجر عربيتك بالمشوار .. ليموزين وانت تسوقها ..
-
أخى العزيز أمتلك دايولانوس اقنعنى أحد السائقين بفكرة تشغيل السيارة مشاوير وسفريات رغم أننى غير مضطر لذلك بالضرورة ومع الوقت أصبحت اعمل بها تاكسى زى السواقين ولاحرج فى ذلك أهم حاجة فى الموضوع اول مرة وبعد كده الامور تبقى تمام بل بالعكس كل يوم بتتعرف على ناس وتكلم ناس وعربيتك تحت ايديك.
-
والله موضوع رائع والواحد نفسه في حاجه زي كده من زمان
-
-
انا بأروح 6 أكتوبر كتير لأن عندي قرايب هناك وفي كذا مرة بروح من غير عربية وباضطر اركب العربيات المخصوص هناك وفي كام مرة ونا ببقي واقف عشان اشاورلهم بلاقي عربيات ملاكي بتيجي جنبي وبتقف ومباكونش واخد بالي منهم كنت فاكرهم بيقفوا عادي عشان هيركنوا او اي حاجة المهم كان في مرة مكنتش لاقي عربيات وبعد شوية لقيت عربية ملاكي جاية وبتقف جنبي انا افتكرته عايز يعرف طريق او هيسأل علي حاجة فبشوف في ايه لقيته بيقولي هتروح فين قلتله انت مخصوص قلي اه فركبت ووداني للمكان اللي عايزه وخد نفس اجرة المخصوص ومن بعد كدة لقيت ان في عربيات كتير شغالة كدة
يعني نت لو في 6 اكتوبر يبقي تشغلها مخصوص ولو في حتة تانية يبقي تاكسي
وممكن فكرة الزفة برضة حلوة او مدارس او توصل ناس تعرفهم او للسفر وفي الاخر ايجار
Content Relevant URLs by
vBSEO 3.6.0 PL2