الموضوع: ليه كده يا نيسان

السلام عليكم ورحمه الله بركاته
انا شارى عربيتى فى شهر 10 ولما علمت بنزول اسعار السياره اضايقت جدا بس فكرت فى حاجه انا كان ممكن اجيبها دلوقتى فى التخفيض واعمل حادثه بيها واصرف فرق السعر لكن انا بحمد الله على ذلك بس النقطه ال مضيقانى ده مش تسويق ناجح يعنى لما انزل من تمن العربيه بنزل من اسمها فى السوق بالرغم ثبات السيارات الاخرى فى السوق وبعدين ممكن يعمل مميزات تانيه زى تقديم جنوط هديه مع السياره وبنفس سعرها القديم اساسا سبب معرفتى بالموضوع ده اخويا بيستلم عربيه هونداى نيو اكسنت جديد المعرض شاف عربيتى نيسان 2010 قالى دى عربيه وحشه وتجميعها وحش هو موتورها كويس لكن عفشتها وحشه جدا وتقفيلها وحش والعربيه دى نزلت سعرها فى السوق علشان محدش بيشتريها فى الفتره دى عارف انه منافس وبيقول كلام بيع بس النقطه التخفيض فى السياره كانت مش فى مصلحه نيسان هاتقلل من سمعه السياره اما عيوب السياره من وجهه نظرى اولا صوت الموتور عالى بعد ار بى ام 3 وكذلك ردائه الفرش الخاص بالسياره وكذلك تربيط العفشه بعد 5000 كيلو لاحظت الفرق بعد صيانه 5000 لما اتربطت العفشه كانت افضل ....
عامه كان من الافضل نيسان فكرت فى تقديم هدايا افضل من تقليل السعر
اما عن انى اشتريت اغلى قدر الله ماشاء فعل بس شركه نيسان اتهزت فى صورتى بصراحه

المشاركة الأصلية كتبت بواسطة conc

لا يا سيدى مش صينى بس لما عربية تروح ست مرات في اول سنة للتوكيل علشان مشاكل في في التجميع وكمان سعرها ينزل علي العموم الحمد لله علي كل شي علي العموم هي سواقتها ممتعة بالمقارنة باي عربية تانية زي الاوبترا والانسر والالنترا

لاتقارن لانسر او الانترا او الابترا بالصنى لان لايوجد مقارنة بينهم
الصنى ناس كتير بتشد فى شعرها منها و اولهم انت
الصنى ممكن تقارن بالفيرنا لانوس افيو لانهم تجميع مصرى
لما تستلام العربية و بعد يومين الفرامل تسيب دة اسمة اية و لما فرش الارضية ناقص حتة و تلاقى حديد الارضية باين دة اسمة اية
على لاقل الانسر و الانترا تجميع ممتاز و لا يوجد فيهم عيوب تزكر

المشاركة الأصلية كتبت بواسطة tigernet

لاتقارن لانسر او الانترا او الابترا بالصنى لان لايوجد مقارنة بينهم
الصنى ناس كتير بتشد فى شعرها منها و اولهم انت
الصنى ممكن تقارن بالفيرنا لانوس افيو لانهم تجميع مصرى
لما تستلام العربية و بعد يومين الفرامل تسيب دة اسمة اية و لما فرش الارضية ناقص حتة و تلاقى حديد الارضية باين دة اسمة اية
على لاقل الانسر و الانترا تجميع ممتاز و لا يوجد فيهم عيوب تزكر

لما تركب صنى يابانى مو2003 اوتوماتيك موتور1300 وتقارنها بكل ماذكر من سيارات حتلاقيها أفضل ولا يعلو عليها غير التويوتا كورولا فيرنا ولانوس واوبترا والنترا أيه؟

المشاركة الأصلية كتبت بواسطة conc

انا قولت سواقتها ممتعة ,التجميع بقي وقعلى شعري اساسا

على فكرة كل السيارات بشتى أنواعها عرضة للبهدلة بمعنى لو انك شارى مرسيدس فكفاية قوى بوز رصيف يشيل الإكصطاد و يلغى جمالها للأبد لكن النيسان صنى سيارة رخيصة و معدل عيوب الصناعة بالنسبة للسعر لا تساوى شئ فأخى لديه سيارة نيسان صنى لما ركنها سمعت صوت طقطقة زى صوت ورق الألومنيوم فقلت له هو فيه مية ببتدلدق من الموتور قالى لأ دى صفيحة مصرى ببتمدد و لما بركن بتكش تانى فبتعمل الصوت ده و فى التوكيل قالولى انها سهلة التغيير. فعادى قلت حلو يعنى مش عيب أصلا.

لكن لو عايز عيوب صناعة بجد متشتريش بقة أى عربية أميركية أو أوروبية الصنع لانهم كلهم مواتيرهم فيها عيب صناعة خطير جدا و هو أن المواتير بتاعتها لا تحتمل ردائة الوقود المصرى و لكننا فى مصر نتحايل على هذا العيب بنوع الزيت و فترات التغيير و لو مش مصدق اسأل سواق خبرة يكون بيحافظ على عربيته عروسة يعنى موتورها ما بيطلعش صوت و اسألة سؤال واحد بس "بتغير زيت كل كام كيلو؟" حيقولك كل نص المسافة المنصوص عليها فى كتالوج العربية لأ البنزين المصرى "ضايع" و كله شوائب يعنى لو الزيت x كل 10,000 كم بيغيرة بالزيت x كل 5,000 كم.

أهو موضوع البنزين ده "علميا" عيب صناعة "رسمى" لكن الكل بيشترى "عادى" جدا و محدش بيدقق خالص , و عجبى!!!

لكن لو عايز عيوب صناعة بجد متشتريش بقة أى عربية أميركية أو أوروبية الصنع لانهم كلهم مواتيرهم فيها عيب صناعة خطير جدا و هو أن المواتير بتاعتها لا تحتمل ردائة الوقود المصرى و لكننا فى مصر نتحايل على هذا العيب بنوع الزيت و فترات التغيير و لو مش مصدق اسأل سواق خبرة يكون بيحافظ على عربيته عروسة يعنى موتورها ما بيطلعش صوت و اسألة سؤال واحد بس "بتغير زيت كل كام كيلو؟" حيقولك كل نص المسافة المنصوص عليها فى كتالوج العربية لأ البنزين المصرى "ضايع" و كله شوائب يعنى لو الزيت x كل 10,000 كم بيغيرة بالزيت x كل 5,000 كم.

معلش سؤال هو ايه علاقة الزيت بالبنزين؟؟؟؟