ليه كده يا نيسان

**momopersona** · 26-12-2009 03:47 PM

يا جماعه مفيش شك ان تقفيل صالون الصنى مش حلو
بس ده مش مشكله تعيب العربيه اوى فى ظل وجود عربيات فيها عيوب عفشه وفتيس وغيره
مشكلة صالون العربيه دى يمكن التغلب عليها عند اى سروجى تعديل عربيات من اللى الشباب بيعدلو العربيات عندهم وهيخليهالك جلد طبيعى كمان
المهم اساسيات العربيه موتور وفتيس وعفشه وشاسيه
واعتقد لا خلاف على نيسان فى الحاجات دى
حتة مقارنتها باللانسر والالنترا فيكفينى انى بخش بيها فى المطبات العاليه اكنى راكب جيب ومابخفش تحك ولا العفشه يحصل فيها حاجه زى غالبية العربيات الحديثه
وكل عربيه وليها ميزاتها وليها عيوبها

**SHATAvip** · 27-12-2009 11:35 AM

أنا عندى صنى وأشهد بأنها ممتازة بالنسبه لفئتها ومع احترامى للنظريات الاقتصاديه فاإنى أعتقد ان هناك التزاما اخلاقيا واقتصاديا أيضا بين شركة نيسان والمشترين الذين تمثل لهم السيارة استثمارا ويجب ان يحس المستثمر بالامان رأيى أن تخفيض الاسعار يجب أن يكون عرضا لفترة محدوده وييجب ان يصل هذا الفك للشركه

**conc** · 27-12-2009 08:35 PM

مين يا اخواني الي قال انه عرض لفترة محدودة تم تعديل السعر رسميا خلاص

**I.S.L.A.M** · 29-12-2009 11:28 AM

المشاركة الأصلية كتبت بواسطة conc

لا يا سيدى مش صينى بس لما عربية تروح ست مرات في اول سنة للتوكيل علشان مشاكل في في التجميع وكمان سعرها ينزل علي العموم الحمد لله علي كل شي علي العموم هي سواقتها ممتعة بالمقارنة باي عربية تانية زي الاوبترا والانسر والالنترا

انا اول مره اسمع ان الصنى فيها مشاكل فى التجميع ياريت تقولينا ايه الى حصل معاك بالظبط

**م.محمد علاء** · 29-12-2009 06:48 PM

أنا الاحقيقه واحد من اللى معاهم الصنى..بصراحه عربيع حلوه جدا..ومحصلش إنها زعلتنى ولا حاجه...وانا مش بهينها فى المعامله خااالص..
كانت عندى مشكله بسيطه وإتحلت..كانت فى الكلاكس..مش فى موتور أو حاجه لا سمح الله..
بس العربيه فيها حاجات حلوه..وحاجات وحشه..بس مش جوهريه..مش قاتله يعنى..زى أى عربيه..

**mohamedhamam** · 29-12-2009 07:18 PM

التخفيض لفترة محودة وليس تخفيض نهائى و العرض مجرد ترويج لزيادة المبيعات و هى حاجة جيدة حيث الكل حايستفيد أحنا حانشترى و هم حايبيعوا

**wounded** · 29-12-2009 08:09 PM

والله وانا ساحب بالصنى فوق 120 مش بحس ان العربية ساحبة من ثباتها وقوتها على الطريق.
وممكن تغرز براحتك على سرعات عالية كأنك راكب s500

**ahmed alaa** · 29-12-2009 10:17 PM

انا من ملاك الصنى 2010 جبتها 103500 جنيه , أنا شايف أن أنخفاض الاسعار بهذا الشكل يعتبر خسارة حالية ولكن مكسب على المدى البعيد عن طريق زيادة فى سعر أعادة البيع و أنخفاض اسعار قطع الغيار و مدى توافرها فى الاسواق و هذا بسبب أقبال الافراد عليها وهذا من وجهة نظرى المتواضعة قد تكون خطا ....