لا حول ولا قوة إلا بالله مش كفاية العيوب اللي في العربية وكمان خسارة 5 الاف جنيه عن سعر شرانا ليها .
عرض للطباعة
لا حول ولا قوة إلا بالله مش كفاية العيوب اللي في العربية وكمان خسارة 5 الاف جنيه عن سعر شرانا ليها .
هى ايه العيوب الى انتا بتتكلم عاليها
عيوب ايه حضرتك
معلش يعنى انا حاسس من كلامك انك بتتكلم عن عربية صينى مش نيسان صنى
وبعدين ده نصيب وحظ فا ايه المشكله لو سعرها نزل .. خلاص اللى حصل حصل
حضرتك ده عرض لفتره محدده وبعدين عادى يعنى لما سعر ينزل
انا لما اشتريت التيدا برضوا سعر نزل بعدها بشهرين اكنر من 5 الف جنيه وقولت عادى ما انا مش ناوى ابيع دلوقتى ومبسوط بالعريبه
ربنا يبارلك فى العربيه واهم حاجه انها تكون مرايحاك ومتخلايش حاجه تقفلك من العربيه
هو ايه اصل الموضوع؟
السلام عليكم
يا جماعة أنا مبسوط من النيسان و الحمد لله بس الشركة المحترمة لازم تحافظ على استثمارات الناس و دى من أهم قواعد التسويق المعروفة عاوز ينعش المبيعات يعمل عروض يعمل صيانة مجانية مثلا أو تأمين مجانى مش يبنزل بالسعر كده فجأة 5000 مرة واحدة بعنى معليش كل واحد فينا له ظروفه و ممكن واحد يضطر يبيع عربيته فحيخسر كثير و كان من البداية يحسب هامش ربح معقول و يثبته مش يعلى السعر و فجأة ينزله تانى و بعدين هم نفسهم كشركة حتواجه صعوبة كبيرة علشان تقنع الزبون إن ده عرض و خلص لأن الإنطباع حيكون إن ده سعر العربية الحقيقى
لا انا رأى ان ده شبه طبيعى لا السيارة استمر الشكل والمكونات والمحرك لفترة طويلة قد تصل الى 5 سنوات وده بيؤدى الى انخفاض التكلفة لتصنيع السيارة وقطع الغيار وبعدين مهيا لما ترخص انت هتبيع بأرخص واما تيجى تشترى هتشترى بالرخيص برضه ولو هتحتفظ بيها مش هتحس بالموضوع ده انت دفعت وخلاص
كلام حضرتك جميل لكن لو إنت من الناس اللى شاريين العربية من شهر أو أقل مش حاتقول كده و بعدين الكلام ده لو كل العربيات سعرها نزل لكن الواضح إن نيسان بس اللى نزلت السعر و أنا باردو قلت إن كل واحد له ظروفه و بعدين 5000 مبلغ كبير يعنى معنى كده إن الشركة دى حرامية بقى ما هو اكيد بعد التخفيض كسبان كويس جدا طب ماهو بدل ما يضحك على الناس و يبيع بسعر عالى فى الاول كده يحسب أرباحه فى الأول بما يرضى الله و حسبنا الله و نعم الوكيل
مش حراميه ولا حاجه معطيات السوق دلوقتى كل الناس مش عاوز تشترى علشان مستنيه تخفضيات الجمارك فى اول السنه فالسوق يعتبر فى حاله ركود فالفتره دى بقللوا هامش الربح معرفش بقى هو كبير اصلا ولا قليل علشان يزودا مبيعاتهم وده حق مشروع
انا عارف ان حضرتك زعلان علشان زى مقولتلك حصلى نفس الموقف واتضيقت فعلا بس انا قصدى ابسط بعربيتك واستمتع بيها ومتخليش حاجه تقفلك منها وربنا يعوضك فى المبلغ ده ان شاء الله فى حاجه تانيه
هى فعلا حاجه تغيظ .... إنك تبقى لسه شارى العربيه من شهر و تلاقى السعر نزل ب 5000 جنيه عن السعر المعلن سابقاً ... أنا بصراحه إتضايقت ..... و إن كان و لله الحمد كنت شاريها ب 93000 ... موديل 2010 أتوماتيك ب abs .... و كنت حاسس إنى إشتريتها بسعر م حصلش و مكنتش بقول على السعر ده لحد علشان اللى جاب ب أغلى من كده م يتضايقش ..... بس عزائى الوحيد إن العربيه م شاء الله عليها ... فوق الممتازه
السلام عليكم ورحمه الله بركاته
انا شارى عربيتى فى شهر 10 ولما علمت بنزول اسعار السياره اضايقت جدا بس فكرت فى حاجه انا كان ممكن اجيبها دلوقتى فى التخفيض واعمل حادثه بيها واصرف فرق السعر لكن انا بحمد الله على ذلك بس النقطه ال مضيقانى ده مش تسويق ناجح يعنى لما انزل من تمن العربيه بنزل من اسمها فى السوق بالرغم ثبات السيارات الاخرى فى السوق وبعدين ممكن يعمل مميزات تانيه زى تقديم جنوط هديه مع السياره وبنفس سعرها القديم اساسا سبب معرفتى بالموضوع ده اخويا بيستلم عربيه هونداى نيو اكسنت جديد المعرض شاف عربيتى نيسان 2010 قالى دى عربيه وحشه وتجميعها وحش هو موتورها كويس لكن عفشتها وحشه جدا وتقفيلها وحش والعربيه دى نزلت سعرها فى السوق علشان محدش بيشتريها فى الفتره دى عارف انه منافس وبيقول كلام بيع بس النقطه التخفيض فى السياره كانت مش فى مصلحه نيسان هاتقلل من سمعه السياره اما عيوب السياره من وجهه نظرى اولا صوت الموتور عالى بعد ار بى ام 3 وكذلك ردائه الفرش الخاص بالسياره وكذلك تربيط العفشه بعد 5000 كيلو لاحظت الفرق بعد صيانه 5000 لما اتربطت العفشه كانت افضل ....
عامه كان من الافضل نيسان فكرت فى تقديم هدايا افضل من تقليل السعر
اما عن انى اشتريت اغلى قدر الله ماشاء فعل بس شركه نيسان اتهزت فى صورتى بصراحه
لاتقارن لانسر او الانترا او الابترا بالصنى لان لايوجد مقارنة بينهم
الصنى ناس كتير بتشد فى شعرها منها و اولهم انت
الصنى ممكن تقارن بالفيرنا لانوس افيو لانهم تجميع مصرى
لما تستلام العربية و بعد يومين الفرامل تسيب دة اسمة اية و لما فرش الارضية ناقص حتة و تلاقى حديد الارضية باين دة اسمة اية
على لاقل الانسر و الانترا تجميع ممتاز و لا يوجد فيهم عيوب تزكر
لسة شايف الخير وفى تخفيضات على الصنى 2010
على فكرة كل السيارات بشتى أنواعها عرضة للبهدلة بمعنى لو انك شارى مرسيدس فكفاية قوى بوز رصيف يشيل الإكصطاد و يلغى جمالها للأبد لكن النيسان صنى سيارة رخيصة و معدل عيوب الصناعة بالنسبة للسعر لا تساوى شئ فأخى لديه سيارة نيسان صنى لما ركنها سمعت صوت طقطقة زى صوت ورق الألومنيوم فقلت له هو فيه مية ببتدلدق من الموتور قالى لأ دى صفيحة مصرى ببتمدد و لما بركن بتكش تانى فبتعمل الصوت ده و فى التوكيل قالولى انها سهلة التغيير. فعادى قلت حلو يعنى مش عيب أصلا.
لكن لو عايز عيوب صناعة بجد متشتريش بقة أى عربية أميركية أو أوروبية الصنع لانهم كلهم مواتيرهم فيها عيب صناعة خطير جدا و هو أن المواتير بتاعتها لا تحتمل ردائة الوقود المصرى و لكننا فى مصر نتحايل على هذا العيب بنوع الزيت و فترات التغيير و لو مش مصدق اسأل سواق خبرة يكون بيحافظ على عربيته عروسة يعنى موتورها ما بيطلعش صوت و اسألة سؤال واحد بس "بتغير زيت كل كام كيلو؟" حيقولك كل نص المسافة المنصوص عليها فى كتالوج العربية لأ البنزين المصرى "ضايع" و كله شوائب يعنى لو الزيت x كل 10,000 كم بيغيرة بالزيت x كل 5,000 كم.
أهو موضوع البنزين ده "علميا" عيب صناعة "رسمى" لكن الكل بيشترى "عادى" جدا و محدش بيدقق خالص , و عجبى!!!
معلش سؤال هو ايه علاقة الزيت بالبنزين؟؟؟؟اقتباس:
لكن لو عايز عيوب صناعة بجد متشتريش بقة أى عربية أميركية أو أوروبية الصنع لانهم كلهم مواتيرهم فيها عيب صناعة خطير جدا و هو أن المواتير بتاعتها لا تحتمل ردائة الوقود المصرى و لكننا فى مصر نتحايل على هذا العيب بنوع الزيت و فترات التغيير و لو مش مصدق اسأل سواق خبرة يكون بيحافظ على عربيته عروسة يعنى موتورها ما بيطلعش صوت و اسألة سؤال واحد بس "بتغير زيت كل كام كيلو؟" حيقولك كل نص المسافة المنصوص عليها فى كتالوج العربية لأ البنزين المصرى "ضايع" و كله شوائب يعنى لو الزيت x كل 10,000 كم بيغيرة بالزيت x كل 5,000 كم.
يا جماعه مفيش شك ان تقفيل صالون الصنى مش حلو
بس ده مش مشكله تعيب العربيه اوى فى ظل وجود عربيات فيها عيوب عفشه وفتيس وغيره
مشكلة صالون العربيه دى يمكن التغلب عليها عند اى سروجى تعديل عربيات من اللى الشباب بيعدلو العربيات عندهم وهيخليهالك جلد طبيعى كمان
المهم اساسيات العربيه موتور وفتيس وعفشه وشاسيه
واعتقد لا خلاف على نيسان فى الحاجات دى
حتة مقارنتها باللانسر والالنترا فيكفينى انى بخش بيها فى المطبات العاليه اكنى راكب جيب ومابخفش تحك ولا العفشه يحصل فيها حاجه زى غالبية العربيات الحديثه
وكل عربيه وليها ميزاتها وليها عيوبها
أنا عندى صنى وأشهد بأنها ممتازة بالنسبه لفئتها ومع احترامى للنظريات الاقتصاديه فاإنى أعتقد ان هناك التزاما اخلاقيا واقتصاديا أيضا بين شركة نيسان والمشترين الذين تمثل لهم السيارة استثمارا ويجب ان يحس المستثمر بالامان رأيى أن تخفيض الاسعار يجب أن يكون عرضا لفترة محدوده وييجب ان يصل هذا الفك للشركه
مين يا اخواني الي قال انه عرض لفترة محدودة تم تعديل السعر رسميا خلاص
أنا الاحقيقه واحد من اللى معاهم الصنى..بصراحه عربيع حلوه جدا..ومحصلش إنها زعلتنى ولا حاجه...وانا مش بهينها فى المعامله خااالص..
كانت عندى مشكله بسيطه وإتحلت..كانت فى الكلاكس..مش فى موتور أو حاجه لا سمح الله..
بس العربيه فيها حاجات حلوه..وحاجات وحشه..بس مش جوهريه..مش قاتله يعنى..زى أى عربيه..
التخفيض لفترة محودة وليس تخفيض نهائى و العرض مجرد ترويج لزيادة المبيعات و هى حاجة جيدة حيث الكل حايستفيد أحنا حانشترى و هم حايبيعوا
والله وانا ساحب بالصنى فوق 120 مش بحس ان العربية ساحبة من ثباتها وقوتها على الطريق.
وممكن تغرز براحتك على سرعات عالية كأنك راكب s500
انا من ملاك الصنى 2010 جبتها 103500 جنيه , أنا شايف أن أنخفاض الاسعار بهذا الشكل يعتبر خسارة حالية ولكن مكسب على المدى البعيد عن طريق زيادة فى سعر أعادة البيع و أنخفاض اسعار قطع الغيار و مدى توافرها فى الاسواق و هذا بسبب أقبال الافراد عليها وهذا من وجهة نظرى المتواضعة قد تكون خطا ....
اللى يشوف بلوة غيره ,,, نزول سعر الكرولا من 159 الى 132 للجنوب افريقى mmt
معلش يا باشا يمكن خير وربنا يعوضك خير