الموضوع: هل ينتهي عصر الياباني في مصر؟

يا جماعة متهيألى إن اليابانى حيفضل على القمه لتميز خدمة ما بعد البيع فى معظم توكيلات اليابانى عن ااأوروبى بوجه عام

دعوة الى اخواني اللي بيقارنوا ارخص واقل موديلات ياباني بالموديلات الألماني العالية ( مرسيدس وبي ام وفولكس فاجن )
لأن للأسف احنا هنا في مصر منعرفش حاجه عن الياباني العالي زي اللكزس والأنفينيتي والأكورا اللي هما المفروض بينافسوا شركات الالماني العملاقة

ياريت نقرأ الكلام ده

consumer reports finds european cars perform well, lack reliability

وهنا ايضا

japanese versus european cars

وهنا ايضا

asian cars, european cars

وهنا ايضا

is it better to buy japanese cars or european

وهنا ايضا تقييم مؤسسة jd power العالمية لسنة 2009 للمصنعيين والموديلات
والتقيم ده في اوروبا اللي هيا عقر دار الصناعة الأوروبية اللي المفروض الأوروبي فيها ارخص او مساوي في السعر وأفضل في تقديم الخدمات مثل الياباني ومع ذلك مفيش فايده برضه :n_no[1]: :n_no[1]: :n_no[1]:

يا ابو عبدالله احنا ما بنقارنش جوده عربيات, من الناحيه ديه الاتنين محترمين جدا وصفقه رابحه لاي حد لكن اللى بنناقشه ان لو لقيت الجيتا ب 130 والكورولا ب 160 هتشتري انهي واحده؟؟؟؟
المقارنه من ناحية السعر والقيمه اللى بتقدمهالك السلعه مقابل السعر مش مقارنه بين جودة العربيات الالماني والياباني.
يعني مثلا الهوندا عربيه رائعه لكن لما الاقيها الوقتي ب 188 الف هاي لاين والجيتا ماقبل الهاي لاين ب 185. انا بالنسبالي هجيب الجيتا.

ومثل تاني التويوتا ياريس. لما كانت الفول اوبشن ب 104 انتشرت انتشار الشحرور في الجبال لكن لما طلعت ل 114 ماحدش اشتراها واضطرت تويوتا ايجيبت انها تشيل الكاسيت وتنزل سعرها عشان تتباع وبطلوا يستوردوها عشان لما غليت ماحدش اشتراها لانها مابقتش منافسه سعريا في فئتها.
والسيتي الشكل القديم كانت منتشره بفظاعه لكن الجديده ب 118 وهتغلى كمان فبصراحه كده بقى زياده قوي على السيتي وهشوف حاجه تانيه مع احترامي وحبي للسيتي.

كل الفكره بعد خمس سنين لو سعر الالماني رخص والياباني فضل زي ماهو مش هروح اجيب هوندا ب 185 او سيتي ب 125 مثلا والجيتا ب 140

اعتقد ان كلامي منطقي مش كده ولا ايه؟

المشاركة الأصلية كتبت بواسطة DR.almaghraby

والي مش مصدقني يتفرج علي النيسان gtr الجديدة

بجد تحفة تقنية

بغض النظر عن مين اللى احسن
العربيات الاسيوى الجامدة دى مش ماشية فى مصر و لا حاتمشى بسبب سعرها
حانقول ان فى فلوس فى البلد و الكلام ده بس بص الفلوس دى رايحة على مين رايحة على الاوروبى الغالى زى الجاجوار و البى ام و المرسيدس و الفولكس العالى و الامريكانى الدفع الرباعى و المينى فان
الناس ان دفعت فى الاسيوى اكتر من 200000 ملطوش يبقى حاتدفع فى الاسيوى ال 4x4
يعنى السوق الكريمة و القشطة اللى فوق الوش كلها رايحة على الاوروبى بس شأنا أو أبينا و ده بغض النظر عن حجم المبيعات ....بص للموضوع من فوق