أرجو منكم بعض المعلومات و النصائح عن اللانوس 1 مو 99 كورى
وما أهم عيوبها ؟ وما تقييمكم لهذه السيارة . ولكم الشكر :11:
عرض للطباعة
أرجو منكم بعض المعلومات و النصائح عن اللانوس 1 مو 99 كورى
وما أهم عيوبها ؟ وما تقييمكم لهذه السيارة . ولكم الشكر :11:
معلومات زى ايه ؟؟؟
هل انا ناوى تشتريها ومحتار ما بينها وما بين نوع اخر ؟؟؟؟
لأ أنا لسة شاريها جديد
هتبقى صفقة رابحة باذن الله
و من وجهة نظرى هى احسن عربية فى فئتها
و شد حيلك كمان اسبوع ولا حاجة واعملك طقم سيرفيس ( سيور - زيوت - تيل فرامل ....)
بصراحه عربيه جميله بالنسبه لسعرها
معايا بقالها سنتين وعمرها ماندلت معايا
غير كام مره بس كده بسبب البطاريه بس ببقي انا السبب لانني ببقي ناسي النور شغال طول لنهار فبنزل الاقي البطاريه بتشخر
والله الحمد لله عن تجربى قليلة ياعنى اقل من 4 شهور والصراحة عربية ربنا يبارك فيها محترمة وكويسة بس لازم تبقى ايدك فيها اول بأول ودا حال كل العربيات ياعنى متقصرش معاها علشان متقصرش هى كمان معاك دا مبدأ انا ماشى عليه وربنا يباركلك فيها ويكفيك شرها ومبروكة عليك ان شاء الله
أولاً الف مبروك و ربنا يباركلك فيها ,
بالنسبة للتقييم فالعربية كويسة جداً على السعر بتاعها , و قطع غيار متوافرة و بأسعار مناسبة و صيانة سهلة ,
أهم حاجة موضوع الصيانة , ولو بتتعامل مع صنيعي كويس يبقى دائما تتابع معاه أول بأول ,و تعمل سيرفيس كامل للعربية ,
و لو معندكش اعمل بحث في المنتدى على صنيعية في الأسكندرية لأي كنت قريت من فترة عن واحد بيشكرو فيه جداً عندك,
و بالنسبة لقطع الغيار لو هتغير حاجة جيب الأصلي بالذات في الحاجات الخاصة بالموتور و العفشة , و دورة التبريد,
متشكر جدا على الاهتمام طمنتونى و بارك الله فيكم
ولكن هل هناك مشكلة فى العربية مع السرعات العالية بتعوم مثلا
وكمان إيه حكاية علبة البيئة أشيلها ولا اسيبها وهل لها دخل على صوت الموتور و استهلاك البنزين وما أفضل نوع بنزين لها
انا جبت بيها 165 و كانت ثابتة بشكل كويس ,
علبة البيئة لما تعمل مشكلة ابقى شيلها و ركب ماسورة مكانها ,
افضل بنزين 90 أو 92
ألف شكر يا باشا مش عارف أودى جمايلك فين يا عم أكرم
+1اقتباس:
المشاركة الأصلية كتبت بواسطة Akram
MMamdouh
معايا بقلها سنة تقريبا وهى عربية ذى الفل
اعمل لها الصيانات باستمرار ذى ما الاخوة قالو
اعطالها بسيطة وصيانتها ابسط
والف مبروك
ألف شكر يا باشا
انا فى وجهة نظرى اجمل عربية فى اللانوس و اجمل موديل و انضف موديل انا شاريها مستعملة من سنتين و شهر و الله امصلى على النبى معملتش فيها اى حاجه غير تغيير الزيت و تيل فرامل و كده بس كانت حالتها ممتازه الله اما لا حسد عليها ...
ابن عمى جاب واحده موديل 2005 اربع شهور جابت وش سلندر بعيد عن السامعيين:C_laugh[1]: