يلا بينا..اول مرة اعرف المعلومة دى, انا معظم الاغانى عندى 320kbps .
اعتقد مفيش حل غير تغيير الهيد يونيت.
شكرا.
عرض للطباعة
جهاز رائع جدا أناأشتريتة من راديو شاك من سنة تقريبا كان ب138 جنية ومعة ضمان
صوتة رائع جدا ومن غير تشويش وفية ميزة جيدة فية عدد2 فتحة يعمل على الفلاش ميمورى
وكارت ذاكرة ومعة ريموت يدوى+ريموت يركب على الدريكسيون .ويعمل على IPOD
ممتاز بحق ومريح فى استعمالة عن ال cd ومشاكل الأسطوانة ..
تحيـــــــــــــاتى
طيب يا جماعة كنت عايز أعرف ايه الفرق بينه و بين المودلاتر العادي ؟؟
فعلا هل فى فرق فى( الصوت) ملحوظ بينه وبين العادى؟؟؟؟؟
صوته ممتاز FM او Audio out واحسن من انواع كتير موجودة في السوق..بس مش عارف حضرتك تقصد اي موديل بالعادي؟؟؟ عموما دي المميزات إللي خلتني اشتريه..اولا إنه النوع الوحيد (على حد علمي) إللي بيطلع Audio out وبكده ااقدر اوصله بـAUX بتاع Head Unit الاصلي بتاع العربية وبكده ااقدر اتحكم في الصوت من الدريكسيون..ثانيا، الـFirmware فيه امكانيات أكتر مثلا بيقلب مابين الفولدرات وبيقدر ينوع مابين تشغيل الأغاني عشوائي Random اوعادي...وخلافه
عيوبه: أولا إرسال الريموت بتاع الدريكسيون ضعيف ده غير إنه (اي الريموت) لازم يكون مواجه للجهاز (انت وظروف ولاعة عربيتك بقى)..ده غير إن خامات الريموت عند فتحة البطارية ضعيف وممكن يكسر فخللي بالك عند تركيب البطارية...ثانيا شاشة الجهاز صغيرة جدا جدا جدا وضعيفة الإضاءة وتكاد ماتشفش المكتوب عليها صبح وليل وتلاقي نفسك بتشغل الجهاز بالخبرة (على فكرة كل الموديلات التانية فيها نفس العيب)
على الرغم من عيوبه انا شايف إنه الأفضل عن تجربة..لو تحب تبص على الجهاز إللي عندي قبل ما تشتري انا تحت امرك
متشكر جدا على الرد...
أنا كان قصدي على الفرق بينه و ما بين دة:
[img3]http://pcgeneral.hu/images/MP3-FM-TRANSMITTER-L.jpg[/img3]
اللي عندي ماركة GIGAMAX و دلوقتي ب 60 ج
ف كنت عايز أعرف الفرق لو حضرتك عندك فكرة...
و معلش كنت عايز أعرف ايه هو ال Firmware و هل بيبقي فيه شاشة بتبين ال Folders و كدة ؟؟؟
مش عارف لو هتقل عليك لو طلبت منك بس انك ترفع صورة الTransmitter اللي معاك ؟؟
شكرا جزيلا مقدما :S_thum1[1]:
انا عندي الجهاز و فعلاَ دي عيوبه بكل حيادية .. اللي مكان الولاعة عنده في الكونسول ورا الهاند بريك يعتبر الريموت بتاع الدركسيون غير موجود.
فيه ميزة كمان إن وكيل شركة promate محترم جداَ .. أو الشركة كلها عامة .. انا كان حصلي مشكلة مع إستخدام الجهاز و بعت للشركة الأم إيميل لأني مكنتش أعرف الوكيل فين ولا نمرته .. و هما حولوها للوكيل هنا تقريباَ و بعد ما بعت الإيميل ب 12 ساعة واحد كلمني و كان ذوق جداَ و شرحلي كل حاجة علي التليفون و مقفلش غير لما إتأكد إنه كله تمام .. و كمان الجهاز عليه ضمان سنة .. فا هو انا بعتبره صفقة رابحة.
فيه عيب كمان معرفش ده فيه لوحده ولا عامة .. انا بيبقي نفسي أشغله تشغيل عشوائي بس في فولدر معين .. اما بضبطه عالتشغيل العشوائي بياخد أغاني من كل الفولدرات.