لملاك الصنى...عقدة ضيق الصالون والكراسى الأمامية !!!

ارجو من ملاك الصنى ذكر انطباعتكم عن الصالون بوجه عام والكراسى الأمامية بصفة خاصة بمعنى هل هى مريحة أم لا
وعلى فكرة موضوع الكراسى ده مخللى ناس كتير جدا مايشتروش العربية حتى لو تغاضوا عن ضيق المسافة بين الكنبة الخلفية والكراسى الأمامية..... بصراحة انا مستغرب جدا ده قعدة الصالون من أهم الحاجات اللى بتخللى الناس عاوزة تشترى العربية وبعدين بعد كده بيبصوا على الأساسيات
ده لدرجة ان فيه ناس كتير من اللى عاوزين يبيعوا عربياتهم بيقولوا عاوزين نغير لعربية أكبر ، مع ان طول العربية 4.5 متر
الواحد بيستغرب لما يدخل اى عربية تانية حتى ولو اصغر من الصنى يلاقى كراسيها اريح من الصنى
يعنى لو الكرسى بتاعها والكنبة بقى تنجيدهم احسن العربية دى حتعمل مبيعات عالية جدا وحتخللى الحيرة الموجودة عند ناس كتير تتلاشى تماما ......... :36_1_40[1]:
وإذا كان الكلام ده صح هل يمكن عمل مراسلات للمصنع هنا فى مصر او فى اليابان لتغييرة وهل يمكن لإدارة المنتدى تبنى ذلك؟؟؟؟

السلام عليكم انا مع حضرتك تماما فى كل كلمة انا كنت واحد من الناس اللى شجعوا اخويا علشان يشتريها وكنت ناوى انا كمان ومكنتش متخيل ان العربية من برة يبقى حجمها كدة والصالون بتاعها ضيق كدة بس بعد الاستلام طبعا مستحيل ان انا اشتريها هو ربنا سترها مع اخويا علشان هو متوسط الطول اما انا فطويل لا عارف اسقها مستريح ولا اقعد فى الكنبة كذلك
العربية دى محترررررمة جدااااا بس بجد اللى مضيعها الصالون مع ان اليابانى بتعها صالونة كويس مش عارف هما ضالمين العربية دى لية كدة

فعلا اكتر حاجه مضيعه سمعة العربيه دى هوه ضيق الصالون بتفكرنى بعربيتى الدوجان العربيه ال128 اصغر منها بس تقعد مستريح فيها عنها
المشكله الأكبر ان العريبيات الى نزلت موديل 2009و2010 الشكل الجديد فيها نفس العيب
انا كل ما بروح التوكيل باتكلم معاهم فى الموضوع دا على امل انهم يبلغوا المصنع بتلافى المشكله دى

شكرا علىالمشاركات وبجد فعلا لو عدلوا هيكل وتنجيد الكراسى الأمامية والكنبة الخلفية العربية حتزيد قيمتها جدا وحتلغى عربيات تانية كتير
فعلا السيارة محترمة ومتينة لكن مش معقول الواحد يحط 90000 ج فى عربية مش حيقعد فيها مرتاح
ده فعلا عيب ادارت الإنتاج اللى مش بتسمع للزبون
انا أعرف ناس كتير جدا كانت حتجيبها وأول ما يقعدوا فىالصالون يقولوا ليه كده الحلو ما يكملشى
وده عيب أساسى مش رفاهيات فالصالون هوالشئ المستخدم لدى صاحب السيارة والذى يشعره بالراحة او عدم الراحة
الغريب ان سيارات كثيرة صالونها اريح والمؤسف انها سيارات اقل فىالمستوى كفئة من النيسان الصنى

الكلام اللى حضراتكم قولتوه
اقدر اقول ان جودة تنجيد الكراسى والكنبة الخلفيه ومساحة الصالون
مسأله نسبيه
ولولا اختلاف الاذواق لبارات السلع
وبالنسبة لمساحة الصالون دى بتبقى على حسب طول ووزن الشخص او الاشخاص اللى بيركبوا العربية وسورى يعنى انا عايز اسأل الاخ اللى بيقول ان صالون الصنى بيفكره بصالون الدوجان ... ازاااى يعنى واش جاب لجاب
انا كان عندى الشاهين وفرق شااااسع بين الاتنين فى وسع الصالون
وعجبى

المشكلة فى الكراسى والكنبة مش مشكلة فى التنجيد وانما مشكلة التصميم بتاع الكراسى والكنبة الخلفية حتى الموديلات اليابانى موديل 2005 كان تصميم الكراسى ايضا كده وانا اعتقد ان العربية فى المجمل عيبها الوحيد كراسيها مش مريحة وضيق المساحة الخلفية
بس فى المقابل تكييف وثبات وكماليات اكتر بكتير من سعرها يعنى الكماليات اللى فى السوبر صالون لو العربية كانت جاية من اليابان كان سعرها مش هيقل عن 125000 الى 130000 واعتقد دى ميزة يعنى مفيش عربية سعرها 100000 فيها جنوط وفوج وعفشة رياضية و2ايرباج واحزمة امان بنظام الشد المسبق وجلد طبيعى للدركسيون والفتيس و الهاند بريك ومساند راس خلفية وحامل اكواب امامى وخلفى وحامل نظارة ونواكل خارجية وداخلية وابانوس ومرايات تغلق كهرباء
كل ده ب 100000 جم

ضيق الصالون ليست مسألة نسبية على الإطلاق
بمعنى ان الصالون فى أى سيارة يجب ان يراعى الأشخاص متوسطى الحجم (ده أقل شئ)
أما بالنسبة للصنى فلو واحد وزنه فى حدود ال 80ك وطوله فى حدود 170سم لازم يرجع الكرسى للوراء وده حيخللى :
1- اللى قاعد وراه علىالكنبة حيقعد غير مرتاح على الإطلاق وركبتيه ستكون ملاصقة فى ظهر كرسى السائق
2- نفس الكرسى الأمامى من حيث الوسع والتنجيد بيخللى السواق مش مرتاح (يعنى ولا زى كرسى اللأنسر ولا كرسى الإلنترا)
مرة أخرى كلامى خلاصته ان هذه المشكلة مخلية ناس كتير محجمين عن السيارة وأنا واحد منهم مع اننى مقتنع بالعربية جدا عدا هذه النقطة
وانا نفسى فى طريقة لتوصيل ذلك لإدارة الإنتاج بالمصنع

مع ان الموضوع مضايق ناس كتير بس مفيش مشاركات فده حسسنى ان انا بس اللى حاسس بالمشكلة فهل ده صحيح

انا مش هاممنى ضيق الصالون ---- لكن الاهم ا الكرسى الامامى الشمال مش بيزيق وبس لكن دى مزيكه حسب الله - مزيكه يابا مع كل حركه او ملف اومطب او نفس و يادوب عامل 4200 كم

يا جماعة اللى عنده مشكلة تانية فى العربية غير العقدة اللى بتتحدثوا عنها يا ريت يفيدنا علشان هذه العقدة قُتلت بحثاً من قبل

انا عندى صنى 2006 تقفيل يابانى ومع اعجابى الشديد بالعربيه فالصالون ضيق نسبيا ولكن مساحة الشنطه اكبر من الانسر

أنا شايف من حلال تجربتي أن الكراسي الأمامية مربحة جدا والكنبة اللي ورا ضيقة شوية ولا يوجد نزييق في الكراسي

كده الله ينور يا جماعة اللى عنده مشاكل تانية يقولنا عليها

انا كنت بقول للناس ان الكنبة بتاعة ال 128 اوسع من الصني مكنوش مصدقني الحمد لله ان في ناس تانية قالت دة

اقتباس:

---

المشاركة الأصلية كتبت بواسطة hero_1016

انا كنت بقول للناس ان الكنبة بتاعة ال 128 اوسع من الصني مكنوش مصدقني الحمد لله ان في ناس تانية قالت دة

---

معقولة الكلام دة , أنا أبويا معاه 128 مش ممكن تكون افضل من الصنى فى النقطة دية.

هو واضح انه موضوع نسبى لانى انا طولى 176 سم يعنى مش طويل ومش قصير بس الحمد لله مستريح فى قعدة الكرسى والجالسين خلفى مسترحين هى مش واسعة بس معقولة

اقتباس:

---

المشاركة الأصلية كتبت بواسطة ahm128

هو واضح انه موضوع نسبى لانى انا طولى 176 سم يعنى مش طويل ومش قصير بس الحمد لله مستريح فى قعدة الكرسى والجالسين خلفى مسترحين هى مش واسعة بس معقولة

---

الله ينور على حضرتك الموضوع نسبى و بيختلف من شخص لأخر

معظم السيارات اللى أبعادها قرب الصنى تلاقى الصالون واسع ومريح ده حتى ال بى واى دى شفتها النهاردة صالونها واسع وأوسع من الصنى
تعرفوا لو اجتمعت متانة وقوة الصنى وشكلها الكلاسيكى حتكون عربية ليها شأن كبير
وعلى العموم على الرغم من المشكلة بتاعة الصالون الضيق إلا ان انتشارها بقى واسع جدا وأى مشوار الواحد بيشوف عدد كبير جدا من الصنى خاصة الفترة الأخيرة
أتمنى من كل قلبى حل هذه المشكلة

أنا طولي 192 و بتعذب والله مع القاعدة ولما بيركب معايا حد ورا مش بيستريح ابدا
هي عربية ممتازة الصراحة بس موضوع المساحة ده فعلا مستفز جدا

ما تزعلوش ,, النيسان صنى ليست فى دول والحمد لله

أسوء سيارات فى العالم