الحقونى موبيلى اتسرق اعمل ايه ؟؟؟؟

تخيلو حصل لى موقف غريب جدااااا
انا معى خطين وكل خط بموبيل المهم

وانا راجعه من شغلى وفى اتوبيس الشغل وقع واحد بس الحمد لله السواق اتصل وبلغنى انه معاه لكن مش هشوفه الا بعد كام يوم

وبعديها بيوم بالضبط وانا راجعه من المستشفى ( اصل اختى رزقت بمولوده ):rolleyes2:

اتلخمت فأتنشل منى الموبيل التانى الاحدث
وبقيت من غير موبيلات وحالتى تصعب على الكافر
يا جماعه اللى يعرف اتصرف ازاى يقولى
نفسى ارجعه لان عليه ارقام مهمه جداااااااااا ومش هعرف ارجعها تانى كمان عليه رسايل وصور مهمه

تفتكرو لو بلغت يحصل حاجه :O_stupid[1]:
انا معى علبته ورقم السيريال نمبر كمان

قدر الله وماشاء فعل
والف مبروك على المولود الجديد

بالنسبة للموبيلات لو محامي كويس هيعرف يجيبهوملك بيعملوا محضر سرقة بالاكراه علشان يقدر ياخد مجراه
لانه لو اتعمل موبيال مفقود بياخد لفة طويلة وممكن المحضر يتحفظ
ده بصراحة اللي اتعامل قدامي مرتين والموبيلات رجعت تاني
بس اللي بيدبس اللي بيشتري الموبايل بعد لما بيتسرق سواء محل او شخص لانه بيلاقي نفسه متهم في قضية سرقة بالاكراه وهتلاقيه بيعمل قرد لغاية لما يوصلك للي سرق الموبايل

نصيحتي متسكتش لانك فقدت 2 موبايل مرة واحدة وان شاء الله يرجعوا تاني

ومستنيين اللحمة والفتة بتاعة السبوع

انا عندى موبايل اتسرق قبل كده وروحت ل وكيل نيابه عن طريق معرفه وللاسف مرجعش :(

انا كمان موبيلى اتسرق قبل كده
بس بعد ما سالت كويس معارف و قرايب و خلافه عرفت ان النيابه مبقتش تطلع جوابات التتبع اللى كانت بتحصل زمان دى
لأن ناس كتير كانت تروح بايعه الموبيل و تروح مبلغه عنه و يقول السريال نمبر و الحوارات دى تقوم النيابه مطلعه جواب التتبع ده لشبكات الموبيل و يتتبعو الجهاز و يجيبوه
و ساعتها الراجل بياخد فلوسك و العده كمان و انت بتتسجن !!
فدلوقتى مبقتش الجوابات دى بتطلع الا فى حالات خاصه ,, سرقه بالأكراه - جنايه قتل و موبيل من ضمن المسروقات لنه هيوصل للجانى و هكذا
و فى الأخر تم الجماع انى استعوض ربنا و قد كان :)
بس مش مسامحه :(

اقتباس:

---

المشاركة الأصلية كتبت بواسطة m7nsh

فدلوقتى مبقتش الجوابات دى بتطلع الا فى حالات خاصه ,, سرقه بالأكراه - جنايه قتل و موبيل من ضمن المسروقات لنه هيوصل للجانى و هكذا
و فى الأخر تم الجماع انى استعوض ربنا و قد كان :)
بس مش مسامحه :(

---

هو ده اللي انا قلته
والمحاميين كلهم بتعمل سرقة بالاكراه

اوقفى الخط طيب .

ربنا يعوضك خير

بس حتى لو الموبايل رجع الارقام صعب ترجع تانى لان مجرد ما الحرامى ينشل الموبايل بيقفله و يرمى الشريجه :((
المهم دلوقتى لو حضرتك بتتصلى بموبيلك و بيطلع مقفول يبقى تتصلى بالشركه و تطلبى منهم وقف الخط (منعا لاستخدامه فى فى اى حاجه تعملك مشاكل)

انا اتسرق مني 3 موبايلات و الحمد لله مرجعوش ..... عملت محضر و لحد ديلوقتي مرجعوش
جربي اللي الاخوة بيقولو عليه يمكن ربنا يسهل و يرجع الموبايل

ربنا يعوض عليكي المبيل الي بيروح مش بيرجع ربنا يباركليك في صحتيك و النمر حاولي تاخديها من المعارف و سجليهم في اجندة جانبية عشان لو حاجة حصلت يبقي معاكي كل النمر و ربنا يصبريك :120105~352:

انا قبل كده ...
طلع عليا اتنين بسكينه ..
و خدو الموبيل بالاكراه ...
و ضربونى بالسكينه فى دراعى بس الحمد لله محصلش حاجه ..
و سالت كتير ..
الغالبيه قالى مش هيرجع ..
استعوضت ربنا ...
و جيبت موبايل جديد و اليكتريك تشوك ....

اقتباس:

---

المشاركة الأصلية كتبت بواسطة chicobon

ربنا يعوض عليكي المبيل الي بيروح مش بيرجع ربنا يباركليك في صحتيك و النمر حاولي تاخديها من المعارف و سجليهم في اجندة جانبية عشان لو حاجة حصلت يبقي معاكي كل النمر و ربنا يصبريك :120105~352:

---

انا فعلا كنت بعمل كده
كنت بنزل الارقام الي ع الشريحه ع اللاب توب على طوول
عشان لو ضاع ..ع الاقل ما اخسرش الارقام الي كانت عليه..

اقتباس:

---

المشاركة الأصلية كتبت بواسطة أبو صلاح

هو ده اللي انا قلته
والمحاميين كلهم بتعمل سرقة بالاكراه

---

ده اللي انت قولته برضه؟؟؟؟؟؟؟؟
ولا الفته واللحمه يا ابو صلاح
علطول كاسفنا كده وهمك علي بطنك
انا مش حاخدك معايا في حته بعد كده
هههههههههههههه
==================
بالنسبه للاخت صاحبه الموضوع
فربنا يعوضك عنه باحسن منه
وللاسف مفيش حلول للموضوع ده
فاشتري واحد تاني وطلعي شريحه جديده

الموقع ده بيتكلم عن خدمه التتبع

ممكن حضرتك تكلميهم وتفهمى منهم بيعملو ايه وايه الرسوم وكدا يمكن يكون فعلا ليهم طريقتهم فى شغل النيابه وبيخلصوا الموضوع

Our sevices

شكرا يا جماعة جداااااا

انافعلا سالت كتير ملقتش فايده من الابلاغ الا التعب وتضييع الوقت
فرحت رجعت الخط وكمان اشتريت موبيل جديد :stink[1]:

بالنسبه لوضع الاسماء علىالاب ممكن حد يعرفنى ازاى


كمان للاخ ابو صلاح

باذن الله هبقىاصور لكم الحفله والعقيقه وانت بقى براحتك

ممكن تاكل على الريحه

شكرا لكل اللى هنانى على المولوده :vctry:
وكل اللى ازرنى على ضياع الموبيل:stink[1]:

اقتباس:

---

المشاركة الأصلية كتبت بواسطة shnory

ده اللي انت قولته برضه؟؟؟؟؟؟؟؟
ولا الفته واللحمه يا ابو صلاح
علطول كاسفنا كده وهمك علي بطنك
انا مش حاخدك معايا في حته بعد كده
هههههههههههههه
==================
بالنسبه للاخت صاحبه الموضوع
فربنا يعوضك عنه باحسن منه
وللاسف مفيش حلول للموضوع ده
فاشتري واحد تاني وطلعي شريحه جديده

---

:khd:
لما اشوفك بس يا شنوري

اقتباس:

---

المشاركة الأصلية كتبت بواسطة sindrela_az

شكرا يا جماعة جداااااا

انافعلا سالت كتير ملقتش فايده من الابلاغ الا التعب وتضييع الوقت
فرحت رجعت الخط وكمان اشتريت موبيل جديد :stink[1]:

بالنسبه لوضع الاسماء علىالاب ممكن حد يعرفنى ازاى


كمان للاخ ابو صلاح

باذن الله هبقىاصور لكم الحفله والعقيقه وانت بقى براحتك

ممكن تاكل على الريحه

شكرا لكل اللى هنانى على المولوده :vctry:
وكل اللى ازرنى على ضياع الموبيل:stink[1]:

---

ربنا يعوض عليك بأفضل منه
بس لو عملت الموضوع اللي بقولك عليه مش هتخسر حاجة خصوصا لو الموبايل غالي يعني لو يعدي 2000 ج كبيرك هتدفع اتعاب محامي ومصاريف 500-600 ج وبأمر الله هيرجع
لكن لو اقل من كده مش مهم

والنسبة للفتة
شكلك كده منوفي
هههههههههههههه
طبعا بهزر

شوفتى انا اللى رديت عليكى فى اول الموضوع ... جاى دلوقتى اقولكوا انى محتاج مساعدتكوا يا جماعه لان موبايل اختى النهارده اتسرق

وحسبى الله ونعم الوكيل فى كل انسان حقير سولت له نفسه

ربنا ينتقم من الناس اللى مستحله فلوس غيرها دى ان شاء الله تخش بيوتهم بالخراب :I_angr1[1]::I_angr1[1]::I_angr1[1]:

الموبايل Nokia 6220 classic

Nokia Europe - Nokia 6220 classic - Products

http://i.expansys.com/i/b/b163546.jpg


http://www.simplysymbian.com/wp-.......sic_lowres.jpghttp://www.3mobileshop.co.uk/blog/wp...ssic-black.jpg

اللي بيروح في مصر مبيرجعش تاني . ربنا يعوض عليكي ,,

معلش ربنا يعوض عليكى"
حاولى تخليه فى شنطتك على طول مش فى ايديكى"