اكتشف الحدفه ازاى

**nahasswael** · 22-12-2009 12:20 PM

انا فعلا تعبت من موضوع اكتشاف ان العربيه فيها حدفه شمال ولا لأ مش عارف اكتشفها فعلا
انا بمشى على كورنيش البحر عندنا فى الاسكندريه واسيب ايدى واجرى شويه ساعات مالاقيش فيها حدفه وساعات الاقى حدفه شمال ويمين بس بكون مش متأكد علشانا انا مش واثق اساسا فى ان الارض مستويه ولا لأ علشان كلنا عارفين بيرصفوا الشوارع ازاى فى مصر
وانا خبرتى على قدى فى المواضيع دى فياريت حد يدلنى اعمل ايه علشان اكتشفها بنفسى

**Hosam_Optrawy** · 22-12-2009 12:34 PM

مادام بتسيب ايدك وتمشى عدل تبقى مظبوطه

وكدا بصراحه كتر خيرها لان الطرق أصلا عندنا غير مستويه بالمره وحتى لو عربيتك مظبوطه بتحدف بسبب الطريق

اللى عنده مشكله بجد هو اللى عربيته بتحدف فى اتجاه واحد دايما ( يمين على طول او شمال لى طول )

فى اى مكان واى طريق

انما لو بتحدف ساعات اه وساعات لأ وساعات يمين وساعات شمال

ده من الطريق وكدا طبيعى جدا

**Beeso** · 22-12-2009 01:50 PM

المشاركة الأصلية كتبت بواسطة hosam_optrawy

مادام بتسيب ايدك وتمشى عدل تبقى مظبوطه

وكدا بصراحه كتر خيرها لان الطرق أصلا عندنا غير مستويه بالمره وحتى لو عربيتك مظبوطه بتحدف بسبب الطريق

اللى عنده مشكله بجد هو اللى عربيته بتحدف فى اتجاه واحد دايما ( يمين على طول او شمال لى طول )

فى اى مكان واى طريق

انما لو بتحدف ساعات اه وساعات لأ وساعات يمين وساعات شمال

ده من الطريق وكدا طبيعى جدا

مظبوط يا حسام باشا لو معندكش حدفة في ناحية ثباته يبقى مفيش مشكلة انشالله

**ghazy12** · 22-12-2009 02:03 PM

والله يا جماعه انا شايف ان كورنيش اسكندريه من انضف طرق مصر اصلا....

يا باشا الاسكندرانيه في نعيم بالكورنيش ده (ما شاء الله), بس هنا في القاهره و الجيزه الدلع كله بقى, و تعالوا زورونا مره, هترجعوا تبوسوا اسفلت الكورنيش, زي انا ما بعمل اول ما بنزل اسكندريه والله... ههههههههه

شوف يا باشا, جرب العربيه على الكورنيش و تحديدا بعد محطة الرمل كده من على البحر و انت رايح على الانفوشي (القلعة, لغير الاسكندرانيه) :)), بس يكون بليل علشان الزحمه, الكورنيش قبل كده بيكون في شويه ميول علشان المطر و النوات...

و امشي على سرعه معقوله و سيب الدركسيون و شوف بس جرب كذا مره, حدفت شمال بس (يبقى فيها حدفه), حدفت شمال مره و يمين مره و مره مستقيم (يبقى ربنا يباركلك فيها و العربيه زي الفل)...

تقبل تحياتي يا باشا...

**nahasswael** · 22-12-2009 02:54 PM

شكرا على اهتمامكم جميعا والنهاردة ان شاء الله حجرب واقول لكم
وردا على الباشمهندس غازى شفاة الله وعفاة الطرق عندنا الايام دى زى الزفت و متكسرة علشان هوجه الغاز الطبيعى فكأنى حاسس انى بمشى فى جبال سيناء الايام دى

**cameeron** · 22-12-2009 03:37 PM

المشاركة الأصلية كتبت بواسطة nahasswael

انا فعلا تعبت من موضوع اكتشاف ان العربيه فيها حدفه شمال ولا لأ مش عارف اكتشفها فعلا
انا بمشى على كورنيش البحر عندنا فى الاسكندريه واسيب ايدى واجرى شويه ساعات مالاقيش فيها حدفه وساعات الاقى حدفه شمال ويمين بس بكون مش متأكد علشانا انا مش واثق اساسا فى ان الارض مستويه ولا لأ علشان كلنا عارفين بيرصفوا الشوارع ازاى فى مصر
وانا خبرتى على قدى فى المواضيع دى فياريت حد يدلنى اعمل ايه علشان اكتشفها بنفسى

ياسيدى هو انت عاوز تطلع الحدفة الشمال فى العربية بالعافية طالما ما لاحظتش عليها بشكل واضح قبل كده يبقى احمد ربنا و سيبك من الهسهس ده و مش شرط ابدا لو الحدفة موجودة فى عربيات تبقى موجودة عندك و ركز فى السواقة و سيبك من الهواجس دى و ربنا يباركلك فيها

**m_s_h_a** · 22-12-2009 05:06 PM

المشاركة الأصلية كتبت بواسطة cameeron

ياسيدى هو انت عاوز تطلع الحدفة الشمال فى العربية بالعافية طالما ما لاحظتش عليها بشكل واضح قبل كده يبقى احمد ربنا و سيبك من الهسهس ده و مش شرط ابدا لو الحدفة موجودة فى عربيات تبقى موجودة عندك و ركز فى السواقة و سيبك من الهواجس دى و ربنا يباركلك فيها

يا جماعه الوسواس بقى رهيب فى العربيه دى دى حتى المهندس احمد وهو بيجرب كان مقلق
ان من اسكندريه كمان الطرق بقت تقرف وبقت حفره لكل مواطن وعليها بير بلاعه هديه

**nahasswael** · 22-12-2009 06:00 PM

المشاركة الأصلية كتبت بواسطة m_s_h_a

يا جماعه الوسواس بقى رهيب فى العربيه دى دى حتى المهندس احمد وهو بيجرب كان مقلق
ان من اسكندريه كمان الطرق بقت تقرف وبقت حفره لكل مواطن وعليها بير بلاعه هديه

ههههههههههههههههههه
والله معاك حق فى موضوع الوسواس دة فعلا انا بقيت متربص لكل حاجه لغايها امبارح سمعت صوت خروشه فى العجل بتروح وتيجى روحت نزلت ومالقيتش حاجه وركبت تانى والصوت نفس الفكرة روحت نزلت لقيت كيس بلاستيك صغير لازق فى الكاوتش روحت ضحكت وقلت الحممد لله
ربنا يستر بقى ياجماعه وادعولى ان مايكونش عندى حاجه

يرجى الحرص عند كتابة لفظ الجلالة
_____________
مشرف القسم

**fars777** · 22-12-2009 06:01 PM

اللي فهمته من كلام البشمهندس خالد في توكيل ابو رواش انه فيه سرعة محددة هي اللي بيتقاس عليها موضوع الحدفة ده بس مش فاكر بالظبط قالي 60 أو 70كيلو في الساعة ، وان العربية تفضل ماشية في انجاهها لمدة 8 ثواني بعد ما تسيب أيدك من على الدركسيون.

الموضوع: اكتشف الحدفه ازاى

LinkBack

أدوات الموضوع

عرض

اكتشف الحدفه ازاى - انشر الموضوع فى :

-

-

-

-

المواضيع المتشابهه

يا جماعه انا تعبت من الحدفه الشمال

يا جماعه ايه اسباب الحدفه الشمال

الحدفه مع المطبات

الى كل من يشتكي من الحدفه شمال في الـسيراتو sx

اكتشف شخصيتك اختبار حلو

الكلمات الدلالية لهذا الموضوع

المفضلات

المفضلات

ضوابط المشاركة