السلام عليكم
يا جماعه انا معروض عليا اوبل فيكترا 97 اوتوماتيك ب 40 الف
هل السعر ده مناسب ليها ولا لا؟
و ايه الحجات الي اخد بالي منها و افحصها في الاوبل
و هل العربيه فعلا تستاهل ولا مش عمليه و اشوف موديل تاني احسن؟
منتظر الردود منكم جوزيتم خيرا :)
عرض للطباعة
السلام عليكم
يا جماعه انا معروض عليا اوبل فيكترا 97 اوتوماتيك ب 40 الف
هل السعر ده مناسب ليها ولا لا؟
و ايه الحجات الي اخد بالي منها و افحصها في الاوبل
و هل العربيه فعلا تستاهل ولا مش عمليه و اشوف موديل تاني احسن؟
منتظر الردود منكم جوزيتم خيرا :)
-وعليكم السلام ..اوبل فيكترا 97 -2000 سي سي اوتوماتيك بالسعر ده تبقي اكيد عربيه تعبانه وعايزه مصروف كبير
-العربيه دي مظلومه في مصر بمعني ان قيمتها اعلي كتير جدا من سعرها ,دور علي واحده تانيه غيرها احسن . لو انت غاوي الاوبل الاوتوماتيك خليك في موديل من 2000 -2003 موتورها ايكوتك ممتاز ولو عاوز مانوال موتورها رائع برده بس اهم حاجه حاله العربيه
-حضرتك هتاخد العربيه وتفحصها في التوكيل (كشف ما قبل الشراء)
-نصيحه اخيره الالماني مايتركبش الا لما تكون حالته حلوه علشان تستمتع بركوبته وماينفعش انك تقول هشد العربيه شده حلوه . هتصرف كتير ومش هترجع زي الاول وربنا يوفقك .
تمام يا فادي باشا
شكرا علي الرد انا شفت علي النت اسعار للسياره بس ارقام متضاربه لحد كبير انا متفرقش معايا اوبل او مش اوبل المهم تكون ماشي حالها و مش مقرفه بالنسبه لدي انا قلت لواحد يشوفها الاول من حيث المبدا قبل ما انا اشفها و نعمل دراسه جدوي
:b4_033:
يعني بالنسبه لرنج السعر ده موديل تاني يبقي احسن من اوبل ؟
لو دي اول ركوبه لك او ما عندكش خلفيه عن العربيات او هتغير بعد كده بلاش الالماني وخليك في الكوري او الياباني - ممكن هيونداي اكسنت -لانوس1-سوزوكي سويفت كلهم في حدود 40 الف وخلي بالك العربيه لو ملاكي الدقهليه افحصها كويس جدا لانهم عندكم مع احترامي لحضرتك بيعملوا من الفسيخ شربات وربنا يوفقك في حاجه حلوه .
مشكور علي الردود و انا اتفق معاك برضه و مسئله الفسيخ مش دقهلاويه دي مصريه و انت ادري بالمصريين :)
اسعار الاوبل دلوقتى بتنقسم لحاجتين ...
اولا اسعار بما يرضى الله ...
تانى حاجه اسعار بما يرضى الناس الى معندهاش ضمير ..
و بيقعو سعر العربيه بالحجج المشهوره و الاكاذيب الى هى ...
اصلها بتسخن ..
اصلها قطع غيارها غاليه ..
و كل ده كلام ليس له اساس من الصحه ...
انا لما جيت ابيع عربيتى ...كانت استرا 2006 ..
اقسم بالله سمعت فيها 52 الف ...
تخيل بعتها بكام ؟؟
68 الف ...
و كل ده فى اسبوع واحد ..
و الى خدها انا مش ضاحك عليه ...
ده جايب معاه تاجر و اتفرج على العربيه و جربها ...
و بعد ما خدها بشهرين كلمنى قالى انا عايزه عربيه زى بتاعك بسعر بتاعك لاختى ...!!!
و لسه مكلمنى من اسبوع ...
عايز باسات استعمال تكون تبعى ...
فى الاوبل دور على الحاله قبل السعر ..