العربية ممكن تكون معدية ال 100 ألف كيلو و ملعوب في عدادها و بعدين أي حبك في سيارة تكريم الانسان دي الا لو هترخصها تحت الطلب ههههههههههه أبعد عنها أحسن
العربية ممكن تكون معدية ال 100 ألف كيلو و ملعوب في عدادها و بعدين أي حبك في سيارة تكريم الانسان دي الا لو هترخصها تحت الطلب ههههههههههه أبعد عنها أحسن
مهو أكبر دليل على قبول المشتري للسيارة انه هيدفع كشف لا يقول عن 700 ج في التوكيل ودول باي حال من الاحوال ضايعين عليه سواء طلعت العربية كويسة او وحشة ولعلمك الراجل لو مسك 1000 مش هيرجعوا ولو العربية طلع فيها حاجة محتاجة تتصلح مش هيعرف يخصم ولا مليم من تمن العربية
من الاخر تغور العربيات اللي من المعارض
ماله الوسيط وماله كونتاكت كارز وماله الحل الاخير اللي هو السوق وارشحلك فيه بنزينة كالتكس تقاطع مكرم عبيد مع مصطفى النحاس
انت فتحت النار على نفسك
استعد للهجوم :khd:
يفضل الشراء من أصحاب السيارات نفسهم - عربيات منزلية - عن طريق الوسيط والاهرام وابعد عن المعارض قدر الإمكان
الف الف شكر ليكم يا جماعة
ونعم الاخوة بجد .... جزاكم الله خيرا
الجديد بقى فى الموضوع .... انه النهاردة راح واحد خبير من طرفى و راجل جامد اوى فى العربيات .......بعد ما كشف على العربية كلمنى و قاللى العربية فابريكة فعلا من جوة و برة ماعدا ترييحة فى الرفرف الايمن من ورا.....و مرشوشة و مش باينة ...... المهم راجل كان شاطر اوى قلهم العربية دى اخدها على 65 و الراجل كان بيكلم فى 73 و نزلهم معايا 71.5 .. المهم من هنا لهنا .... اتفق معاهم على انه العربية على 68 الف بس ...... و طبعا ده بعد الكشف فى التوكيل .... المهم دلوقتى ايه رأيكم يا جماعة ..... الراجل اكدلى انه العربية من قدام فابريكة و الماتور بحالته و من جوه العربية فابريكة تمام ...... ايه رأيكم اكمل فى الموضوع ده و لا انفض .... انا بحب العربية دى جدا و شغلى بالعربية خفيف خالص ...و مش هاغير قريب لانى مش من هواة التغيير ...... و الراجل اللى تبعى قاللى العربية حلوة بجد بس لازم اعرف انه سعر اعادة بيعها مش مضمون خالص ...... ايه رأيكم يا جماعة اكمل و لا لا ؟؟؟؟؟؟
ياريت تساعدونى و تقولولى رأيكم ؟؟؟؟؟؟؟
دة نظام جديد وغريب ومريب وانتة ابعد عنة احسن المفروض يسوق العربية ويطمنك بشراها مش يخوفك ابعد عنو وغنيلو
الاجراءات المتبعة عند الشراء أولا بتكتب عقد ابتدائى بتحدد فيه سعر السيارة موضوع العقد وطريقة الدفع نقدا ولا لا تقسيط واذاكان نقدا بتبقى مبلغ حوالى 1000 / 2000 5000 حسب الاتفاق لحين استلام المخالفات والعقد المسجل بالشهر العقارى والرخصة وفى الحالة دى بتستلم العربية وبتوقع اقرار باستلامها أو بتدفع عربون وبرضه بتكتبه بالعقد الابتدائى ويذكر باقى ثمن السيارة وفى الحالة دى بتترك السيارة ويؤجل استلامها مع المخالفات وعقد الشهر العقارىوالرخصة وطبعا أفضل الخيار الأول خاصة لما يكون فيها معرض أو تاجر حتى تضمن استلام السيارة على حالتها التى عاينت عليها وطبعا قبل كل ذلك أفضل تاخد معاك خبير وتكون ضامنه او عارفه عن طريق حد تثق به والا عليك بالرفع بالتوكيل وبلاش محطات البنزين لان غالبا بيكون الكشف روتينى غير دقيق وكثيرا يكون كشف محطة البنزين غير سليم أنا شخصيا لا أثق به ومعلومة بسيطة تقدر تعرف الدهان فابريكة ولا لأ سواء بره ولا جوه حاجة بسيطة أوى تكشفه منديل ورق أو قطنة بللها بزيت باكم/ زيت الفرامل وامسح على المكان اللى شاكك فيه لو طلع فى القطنة لون البوية تبقى راشة ولو طلع اتساخ فقط يكون الدوكو فابريكة وبالتوفيق وأى سؤال تحت أمرك
اسمح لى اختلف معاك- اولا المعرضلا مفتوح لخدمة طرفين بائع ومشترى- البائع ائتمن المعرض على العربيه - المشترى حقه الفحص والتجربه- حكاية العطله فى الكشف دى مردود عليها ان التكلفه على طالب الفحص- وممكن يطلب منه رسم بسيط يعنى 40 او 50 جنيه لضمان الجديه مش الف جنيه - كمان فى حاجه المعارض المحترمه بتتاكد من العربيه المعروضه بنفسها- يبقى انا لو رايح معرض محترم مفروض انه بخبرته فحص العربيه وتمنها كمان - والا ايه الفرق بين المعرض وسوق الجمعه !!!!