الموضوع: ساعدونى يا جماعة ازاى اشترى عربية مستعملة من معرض ؟؟؟؟؟

المشاركة الأصلية كتبت بواسطة Ahmed0Nouh

هو بس فى حاجه , افرض مثلا ان حد راح وهو مش جاد فى الشراء وهياخد العربيه يكشف عليها ويعطل صاحب المعرض يوم وفى الاخر تطلع فابريكه ومياخدهاش

يبقى ساعتها مش من حقه يأدبه ب 1000 جنيه ؟؟

الراجل ( الله اعلم بنيته بس على فرض انه حسنه ) قال لو العربيه طلعت فابريكه فى كشف الوكيل يا تشتريها يا يروح عليك الفلوس والمفروض انك طالما كشفت فى الوكيل تبقى خلاص استقريت عليها ومجرد بتطمن على الحاله , راجع نفسك الاول ولما تبقى واثق 100% انك مقتنع بالصفقه دى ومجرد عايز تطمن ادفع ال 1000 جنيه عادى جدا وروح اكشف على العربيه بأتفاق ان لو تقرير الوكيل قال ان فيها مشكله هتاخد فلوسك تانى

زى ما انت بتضمن حقك هو كمان بيضمن حقه , الا اذا زى ما قال استاذ اشرف جيت تدفع الفلوس وتقوله نروح التوكيل طلعلك بأى حجه ولا مركز خدمه معرفه ليه يبقى هو كدا بيطفشك من الكشف فى التوكيل

وبشكل عام مفيش تاجر فى الدنيا بيحب يكشف على عربيه عارضها فى التوكيل حتى لو هى اساسا سليمه هى عاده فيهم

مهو أكبر دليل على قبول المشتري للسيارة انه هيدفع كشف لا يقول عن 700 ج في التوكيل ودول باي حال من الاحوال ضايعين عليه سواء طلعت العربية كويسة او وحشة ولعلمك الراجل لو مسك 1000 مش هيرجعوا ولو العربية طلع فيها حاجة محتاجة تتصلح مش هيعرف يخصم ولا مليم من تمن العربية
من الاخر تغور العربيات اللي من المعارض
ماله الوسيط وماله كونتاكت كارز وماله الحل الاخير اللي هو السوق وارشحلك فيه بنزينة كالتكس تقاطع مكرم عبيد مع مصطفى النحاس

المشاركة الأصلية كتبت بواسطة Hondawy_2008

و بعدين أي حبك في سيارة تكريم الانسان دي الا لو هترخصها تحت الطلب ههههههههههه أبعد عنها أحسن

انت فتحت النار على نفسك
استعد للهجوم

الف الف شكر ليكم يا جماعة

ونعم الاخوة بجد .... جزاكم الله خيرا

الجديد بقى فى الموضوع .... انه النهاردة راح واحد خبير من طرفى و راجل جامد اوى فى العربيات .......بعد ما كشف على العربية كلمنى و قاللى العربية فابريكة فعلا من جوة و برة ماعدا ترييحة فى الرفرف الايمن من ورا.....و مرشوشة و مش باينة ...... المهم راجل كان شاطر اوى قلهم العربية دى اخدها على 65 و الراجل كان بيكلم فى 73 و نزلهم معايا 71.5 .. المهم من هنا لهنا .... اتفق معاهم على انه العربية على 68 الف بس ...... و طبعا ده بعد الكشف فى التوكيل .... المهم دلوقتى ايه رأيكم يا جماعة ..... الراجل اكدلى انه العربية من قدام فابريكة و الماتور بحالته و من جوه العربية فابريكة تمام ...... ايه رأيكم اكمل فى الموضوع ده و لا انفض .... انا بحب العربية دى جدا و شغلى بالعربية خفيف خالص ...و مش هاغير قريب لانى مش من هواة التغيير ...... و الراجل اللى تبعى قاللى العربية حلوة بجد بس لازم اعرف انه سعر اعادة بيعها مش مضمون خالص ...... ايه رأيكم يا جماعة اكمل و لا لا ؟؟؟؟؟؟

ياريت تساعدونى و تقولولى رأيكم ؟؟؟؟؟؟؟

دة نظام جديد وغريب ومريب وانتة ابعد عنة احسن المفروض يسوق العربية ويطمنك بشراها مش يخوفك ابعد عنو وغنيلو

المشاركة الأصلية كتبت بواسطة abohalmos

الف الف شكر يا جماعة على الردود الحلوة و جزاكم الله خيرا

و انا و الله يا جماعة اول ما سمعت موضوع الباكو العربون ده و الفار لعب فى جيبى

و حسيت انها نصباية و الباكو ده مش راجع تاااااانى

على العموم انا هاكلم الراجل تانى و اقوله انى مستعد ادفع الكشف فى التوكيل و مش هادفع الالف جنيه دى و هاقوله عمولته محفوظة و هادفعله حلاوته هوا و ملوش دعوة تانى بأى حاجة

لو وافق يبقى ماشى لو مش موافق يبقى هانسى الموضوع ......و الله الغنى

و متشكر ليكم

انا كونت عاوز اعرف ازاى افرق اذا كان اللى فى العربية ده خدوش و لا خبطات و مردودة

و بالنسبة لاجراءات الشراء ايه اللى بيتعمل فى الظروف دى ؟؟؟؟؟؟؟؟

الاجراءات المتبعة عند الشراء أولا بتكتب عقد ابتدائى بتحدد فيه سعر السيارة موضوع العقد وطريقة الدفع نقدا ولا لا تقسيط واذاكان نقدا بتبقى مبلغ حوالى 1000 / 2000 5000 حسب الاتفاق لحين استلام المخالفات والعقد المسجل بالشهر العقارى والرخصة وفى الحالة دى بتستلم العربية وبتوقع اقرار باستلامها أو بتدفع عربون وبرضه بتكتبه بالعقد الابتدائى ويذكر باقى ثمن السيارة وفى الحالة دى بتترك السيارة ويؤجل استلامها مع المخالفات وعقد الشهر العقارىوالرخصة وطبعا أفضل الخيار الأول خاصة لما يكون فيها معرض أو تاجر حتى تضمن استلام السيارة على حالتها التى عاينت عليها وطبعا قبل كل ذلك أفضل تاخد معاك خبير وتكون ضامنه او عارفه عن طريق حد تثق به والا عليك بالرفع بالتوكيل وبلاش محطات البنزين لان غالبا بيكون الكشف روتينى غير دقيق وكثيرا يكون كشف محطة البنزين غير سليم أنا شخصيا لا أثق به ومعلومة بسيطة تقدر تعرف الدهان فابريكة ولا لأ سواء بره ولا جوه حاجة بسيطة أوى تكشفه منديل ورق أو قطنة بللها بزيت باكم/ زيت الفرامل وامسح على المكان اللى شاكك فيه لو طلع فى القطنة لون البوية تبقى راشة ولو طلع اتساخ فقط يكون الدوكو فابريكة وبالتوفيق وأى سؤال تحت أمرك