اللى مش محتاج الآرضى غير للنت ممكن تجيب خط فودافون محمول عادى أو أى شركة تانية توصل النت عن طريقة بدون الآرضى بس مش عرف هيكون نفس الكفائة ولا لآ وفى حوارات كتيير غير الآرضى بس حاول تعرف أيهما أفضل من جميع الزوايا .
عرض للطباعة
[quote=أبو عبدالله;3872213726]أخي الكريم احب بس ان اوضح لك الأمر
أولا الضرائب دي مش تابعة للمصرية للاتصالات
يعني مش هيا اللي بتاخدها
اللي بياخدها الدولة زي اي مكان بتروح فيه ويقولك مع الفاتورة كذا ضريبة
يعني الموضوع ليس له علاقة بالمصرية للاتصالات
وبعدين ال1ريبة حتى مش هتزيد لأن الفواتير اتقسمت على نفس عدد الشذهور هو هو 12 شهر
يعني لو هتدفع مثلا في السنة كلها 100 جنيه
سواء على اربع اقساط او كل شهر فالضريبة هيا هيا برضه
يعني مفيش زيادة ولا حاجه
يأخى العزيز دمغه د م غ ه مش ضرائب هى فى الفاتورة دمغات وخلافه ومعرفش خلافه يعنى ايه وشكرا لردك
يعني افهم من الكلام ده ان شركة الإتصالات المصرية، طلعت شركة كويسة وبنت حلال وبتتقي ربنا فينا وبتعمل لصالح الوطن والمواطن، ولديها إرادة وطنية وإدارة حكيمة وخاضعة لأجهزة رقابية صارمة وإدارات تنفيذية معطائة وكوادر وظيفية ذات كفائة عالية ولديها معامل للبحث العلمي وباحثين، ومصر الخضرة.
عموما حتى ولو الكلام ده كله صحيح، ففي نهاية الامر بردو الشركة دي بتخسر، وحتى لو مش بتخسر هتجبر على الخسارة، وعشان كده لازم تلم الجباية بدري بدري قبل ما تشطب او قبل ما يتشطب عليها.
مع احترامي وتقديري لشخص صاحب التعليق وحسن نواياه.
طيب خدو دى بقى على السريع
الفواتير بتيجى غاليه ومبالغ فيها واحنا منستجرش نتكلم لانك هتعرض تقول ايه ؟ معندكش اثبات ! صح
طيب
انا عندى تليفونين ارضى واحد فى شقه مقفوله لايدخلها الا العفاريت
ومع ذلك بتجلى الفاتوره بمكالامات زائده باستمرار غير الاشتراك
عملت شكوى لقيت الرد جاهز ( حضرتك ممكن يكون حد بيسرق الخط ولو مش عجبك اوقفه ) يعنى ينسرق يبلاش تشترى من عندنا
بلاش دى
التليفون التانى
انا بقى معنديش مباشر
الاقى الفاتوره جايلى فى خانة المباشر 15 جنيه ؟
طيب دول بتوع ايه ؟
روحت عامل شكوى فى السنترال
وجالى الرد
جواب مسجل بيقولو ان انا بستخدم كروت منزليه
وانا مبستخدمش كروت منزليه
بس
قلت اكيد مش هيعملوها تانى وخلاص ماشى
الفاتوره اللى بعدها
لاقيت جايلى فى خانة المباشر ( المحافاظات ) 20 جنيه
اجننت انا بقى
بس قلت طيب ما هبل بهبل بقى
روحت مقدم طلب بالغاء المباشر والخدمات الصوتيه واى حاجه غير انه يقول الوووووووووووووو
الاقى الفاتوره اللى بعدها جايلى ايه 40 جنيه مباشر و 13 خدمات صوتيه
انا لاقيت الفاتوره كده
روحت مطلع صوت قبيح وقعدت اشتم فى الشركه والحكومه من فوق لتحت ( يا حراميه يا ولاد الك.. ,....يا....يا....)
وطبعا اهبد دماغك فى اتخن حيطه
طيب خليكو معايا
دول بيسرقونى فى الى انا عارفه طيب امال اللى انا مش عارفه ( المكالامات العاديه ) بيعملو ايه
مسبتش حقى وروحت لحماية المستهلك
قلتلى صور الفواتير وطبعا الفاتوره الاخيره اللى انا مدفعتهاش وصور الطلب اللى انت مقدمه وعليه تاريخ تقديمه ( طيب وانا اجيبه منين ) ملناش دعوه غير كده مش هنعرف نجيبلك حقك
عند هنا ووقفت
ومبقتش ادفع الفواتير خالص
وطبعا فصلو التليفون
مش مشكله
المشكله بقى ان اسمع انهم مشغلين الفواتير عادى خالص وكمان بيذودو عليها فوايد والادهى والامر انهم بيرفعو دعاوى قضائيه على اللى مدفعش يعنى مش يفسخو التعاقد وخلاص
لا
ونبطل نمص دمك امال هنمص دم مين
يا ريت الاستاذ اللى بيدافع اوى ده يقولى رايه ايه وياريت لو كان شغال فى الشركه دى يحل المشكله دى
يا اما يسبنا نشتم وخلاص
مهو ده اخرنا
يا اما ربنا يتوب علينا بقى ياما يحرقها
اخواني الأفاضل
انا لا ادافع عن الشركة ولا اجعلها كويسة وبنت حلال
ولكن انا بوضح حاجات الناس بتفهما غلط ولما بتفهما غلط او مش فاهماها بتبقى محتنقة جدا زي ما انتم شايفين
أخي أبو فارس احب اوضح لك بعض الأمور
1- مسألة حساب التليفون من الصعب انه يطلع خطأ لأسباب كتير انا اعلمها
مسألة ان الناس معندهاش ثقة في الدولة هو اللي عامل المشكلة
يعني اي واحد ميعجبهوش الفاتور بيكون اول سبب يطلع في دماغه انه اتسرق وده شئ غير موجود تماما في المصرية للأتصالات لأن ببساطة في كمبيوتر على تليفونك بيحسبلك عدد النبضات
ومحدش بيدخل او يقدر يلعب فيه
وبالتالي بيتم محاسبتك على ذلك
ممكن يكون تليفونك سروق فعلا يعني حد عارف انك مش موجود وبياخد الخط وده حله سهل انك تشغل خدمة المانع الكودي واي حد حب يتكلم من سلك التليفون مش هيقدر
اما صدقني المنظومة بتاعت المصرية للاتصالات مع انها عقيمة الى حد ما ولكن لا يمكن ان احد يحط لأحد مبالغ مش بتاعته
الاخطاء اللي ممكن تحصل ان ترصيد مبلغ يطلع غلط ولما بتراجع الحسابات وطلع المبلغ غلط بيرجعولك الفلوس تاني
2- الكروت بتاعت المباشر اللي هيا مش تابعة للمصرية الأتصالات بتتحاسب على مكالماتها كمحلي لأنها مش تابعة للمصرية للأتصالات
يعني كارت الزيرو مثلا انت بتطلب رقم بتقعد تتحاسب على المكالمة كرقم محلي
ولكن في الترصيد بيطلعلك المبلغ على خانة المباشر
3- الأرقام الصوتية او الأرقام المختصرة كـ 19091 مثلا بتاعت الشركات والمطاعم
دي بتتحاسب عليها وبتطلع في خانة المحافظات
ده ليس دفاع عن الشركة ولا عن اي احد
ولكن توضيح علشان تبقى فاههم الأمور ماشية ازاي
بس مسألة ان السنترال بيسرق ويحط فلوس زيادة على الفاتورة او ان بتوع السنترال بيسرقوا الخط يتكلموا فيه بليل والكلام ده غير موجود تماما في المصرية للاتصالات
أولا النظام نظام حكومي وفيه رقابة وليس من مصلحة اي احد من الموظفين انه يحط مبلغ زيادة في الفاتورة ....... وهيكون لصالح مين الكلام ده
ومحدش يقولي انه لصالح شركته
فالشركة المصرية للاتصالات تحارب جهل الموظفين بمسألة الخوف على الشركة وبتحاول بكل مقدرتها في تدريب الموظفين علشان يعاملوا الجمهور معاملة جيده علشان يحافظو على العملاء
والموظفين لو عندهم شوية من مسألة الخوف على الشركة كانو عاملو الناس كويس الا من رحم ربي
فمحدش يقولي ان الموظف بيعامل الناس وحش وبعدين يروح يزود على الناس فلوس علشان مصلحة الشركة كان خاف على مصلحة الشركة وعامل الناس كويس الأول
ومسألة ان العمال بيسرقوا الخط بالليل يتكلموا فيه
طيب ما هما قاعدين في السنترال والسنترال ماليان خطوط مباشر ومحمول ببلاش
هيسيبوها وياخدوا خط مشترك يتكلموا منه ؟؟؟؟؟
كلام شائع بين الناس ليس له اي دليل من الصحة
يا جماعة انا شايف ان دلوقتى مافيش اى ميزة فى التليفونات الارضية يعنى موضوع المكالمات المجانية ده اصبح غير موجود طيب انا ليه اتمسك بالتليفون الارضى وادفع دمغة واشتراك وانا لو استخدمت الموبايل مش بادفع غير سعر كارت الشحن يعنى بادفع على قد اللى باتكلم بيه من غير دمغة ولا ضرايب وبعدين انا عندى خط ارضى هوائى سيء جدا والموبايل احسن منه بمراحل وانا قررت انى الغيه وقديها موبايلات وبس
للاسف هى كده كده حتنهار لان الضغوط جامد عليها من الموبيل
ومبقاش حد بيستعمل التليفون العادى فمبالك بعد 3 او 4 سنين
ولازم يلاقولها حل بسرعة وتبدأ تشتغل فى حاجة تانية تاخد رخص محمول بره مصر زى اوراسكوم...تركز فى الانترنت...تعمل اى حاجة لكن الثابت كده انسى
يا جماعه المصرية للاتصالات دخلها مش جاي من الفواتير
الفواتير ده بند صغير من ضمن بنود دخلها
الشركة تمتلك تي دتا للأنترنت ونص فودافون والجيزة للبرمجيات وكل الكوابل اللي في ارض مصر اللي بتستخدمها كل الشكرات بما فيهم شركات المحول بتاعت المصرية للاتصالات
والكوابل الرئيسية بتاعت النت اللي جايه من اوروبا
ده كله شغل الفواتير متجيش حاجه جمبه