محمد السيد
عنوانة و تليفوناتة فى اهم موضوعات القسم
MMamdouh
عرض للطباعة
هو الاختبار بيبقى انك تجيب رابع و انت واقف و شادد الهاند بريك و تحاول تطلع بالعربية اكنك مدى الاول و حتمشى عادى جدا (متسيبش دبرياج بالراحة يعنى)... لو الاسطوانة سليمة لازم العربية تبطل فورا... لو المكنة فضلت دايرة شوية قبل ما تبطل يبقى الاسطوانة بتفوت
MMamdouh
الله يخليك
وعلى فكره
أنا تنحيت عن موضوع الكاتينه تماما
وبقيت ميال فى أتجاهات تانيه
وده باين من تسلسل الردود
واللى خلانى قولت الكاتينه فى الأول
ملابسات الموضوع زى ما أنت عارف من البدايه
لأن الموضوع فعلا كان محير شويه
فأخونا الفاضل
رايح يغير سير بس
ومكنش بيشتكى من سحب ولا غيره
وده خلانى حصرت التفكير فى السير بدون تفكير جيد وتروى بعض الشىء
والمفروض أن صاحب الموضوع كان عارف حالة السحب قبل مايبدأ فى تغيير السير
على أساس أن تآكل الأسطوانه بيبقى ليه مؤشرات مسبقه
علشان كده أنا شايف
كل ماكانت القصه بتاعة أى حالة مطروحه بدقه متناهيه
كل ماكان التشخيص جيد بقدر الأمكان
وأكيد أنت بتقابلك مواضيع فيها جوانب مبهمه كتير
وبتحيرنا الصراحه الأمور اللى زى دى
وياسلام لو كنا نقدر نعرف أبعاد كل حاله كويس زى ماتكون العربيه معانا
كانت الأمور حتختلف كتير ( للأفضل طبعا )
رحت للرجل النهاردة عشان يحل الفتيس ويسيب التركيب لبكرة عشان يمخمخ فيها على كلامه,
على حتة الجاز, قاللي الجاز ده أحسن حاجة تغسل بيه عربيتك وعمره مايدوب الكاوتش غير بقى لو اتناأع فيه.. قاللي كمان يا بيه ماينفعش يكون دخَل جاز عالاسطوانة ده الفتيس مقفول كويس جدا (فعلا) والإسطوانة كمان مش عالطرف دي جوه هنا وشاورلي على نص الكوعبرا.
عامةً أنا كنت فاكر إنها بتختفي عشان أول يوم جاتلي 4 مرة وتاني يوم جاتلي مرة بس الظاهر إنها حظوظ أو ليها علاقة بطريقة السواقة. النهاردة حصلت معايا بتاع 3 مرات.
سؤال فني عشان الراجل بتيجي عليه احيان وبأحس إنه بيفتي بأمانة,
أنا الفكرة اللي عندي وأظن عند كل الناس إن الدبرياج شغلته إنه يفصل حركة.
وده معناه إن دسته السوسات بتبعد الاسطوانة من التانية. وده حتى منطقي.
إنما أنا سألته: طب يابو السيد أنا لو ملمس دبرياج بيتبري مني..دي فهمناها..طب لو جايب الدبرياج لاخره يحصل حاجة غير إن السوسات تضعف؟
فافتالي إن دوسة الدبرياج دي مش بتفصل إنما بتضغط الاسطوانات في بعض, طبعا حاجة متعملش سنس أبدا.
قلت أسألكم عليها دي كمان عشان يا إما هو كان سرحان مثلا يا إما أنا اللي فاهم الموضوع غلط.
شوف
أنا حجبلك من الآخر
خد أقرأ الموضوع ده
وأنت تعرف الدبرياج شغال أزاى ووظيفة كل مكون من مكوناته
http://www.nilemotors.net/Nile/87677-a.html
الله يخليك