السلام عليكم
عندى مشكلة فى فتحات التكييف الوسطانية علطول بتطلع سخونية من غير ما يكون التكييف شغال حد يعرف سبب الموضوع ده اية
عرض للطباعة
السلام عليكم
عندى مشكلة فى فتحات التكييف الوسطانية علطول بتطلع سخونية من غير ما يكون التكييف شغال حد يعرف سبب الموضوع ده اية
عندى نفس الموضوع فى النوبيرا
ومتأكد من خروج هواء ساخن من الفتحات الوسطى
بس مركزتش مع الأطراف
وأعتقد بيطلع أيضا
وبرضه أعتقد أن ده شىء طبيعى
طالما شباك أو شيش أى فتحه مفتوح
طيب .............ليه الكلام ده
طالما الشيش مفتوح والعربيه ماشيه
يعنى فيه هواء بيقابل فتحات دخول الهواء الخارجى
وبيدخل على ريش المروحه يلففها على بسيط
والهواء بيروح على الدفايه وبكده بيسخن وبيدخل من الشيش ثم الى الصالون
ولكن فى صورة موجة هواء ساخنه بشده ضعيفه للغايه
فلو قفلت الشيش ......مش حيدخلك هواء ساخن
لا الموضوع فية حاجة غلط .. انا ركبت لانوس مكانش فيها الكلام ده وبعدين الانوس مش بيتقفل فيها الفتحات لان مفيهاش الاوبشن ده
عندنا فى النوبيرا
زرار عليه علامة x يمين كل شباك تكييف ( بكره يعنى تقفل وتفتح شيش الشباك منها )
فأعتقد ده مش أوبشن ولا حاجه
ده مجرد تصميم للتحكم فى جعل شباك التكييف مفتوح ولا مقفول
انته اكيد ظبطه على فريش ايير فى مفتاح بيخلى الهوه يلف جوه العربيه
وفى واحد تانى بيجبلك هو من بره فانته لوضبطه على الهوه الخارجى فالهوه بيدخل دافى من سخونيت المتور على ما اعتقد
لا حاولت انى اظبطة مره على الهوا من جوه ومره من بره ونفس النتيجة حد يشوفلى حل يجماعة مش عارف اقفل الزجاج فى عز الشتاء من السخونية اللى بتطلع من الفتحات
طالما أنت حاسس أن عندك وضع غير طبيعى
يبقى أكشف بأه على كابلات التحكم فى توزيع الهواء
فا أحتمال يكون باب السخن مفتوح على طول على الدفايه
ومفصول من الكبل مثلا
المفروض فى اللانوس هو مفتاح واحد بيقفل شباك الفريس اير بس مفيش لكل فتحة و بعدين خلى بالك ان المفتاح دا بيبوظ بسرعة فممكن انت تكون بتقفلة و بس مش بيقفل فتحة الفريش اير على العموم الفتحة دى ممكن تلاقيها لو فتحت تبلو العربية و بصيت من فوقة هتلاقيها
حرك مفتاح الفريش اير و شوف ممكن يكون فعلا المفتاح مش بيقفلها