سلام عليكم ..
معايا عربية سيينا 1600 موديل 2002 .. عندى مشكلتين فى العفشة ..
أولا: خبطة بتحصل كده لو دست بنزين مرة واحدة ... بحس بالخبطة تحت رجلى ..
كنت فى مركز متخصص فى الفيات وقالولى المشكلة دى من قواعد الموتور .. غيرت قاعدتين ولكن المشكلة لم تحل .. وبعدين عرفت ميكانيكى شغال فى التوكيل ورحتله كشف عليها كلها وطلع الحاجات اللى محتاجة تتغير .. بالنسبة للعفشة قال محتاجة 2 مساعدين أمامى - 2 بطاحة - مقص يمين
وقلتله على المشكلة دى قالى لأ دى حاجة طبيعية مش مشكلة .. بس أنا مش مقتنع الصراحة ..
المهم جبت الحاجات اللى قالى عليها وركبناها وقلت أجرب يمكن المشكلة كانت بسبب حاجة من اللى اتغيرت .. بس لقيت برضه المشكلة موجودة ..
فمش عارف دى فعلا حاجة عادية ولا مشكلة ؟؟
ثانياً:لما بكون بركن وبرجع بضهرى وكاسر الدركسيون وأدوس فرامل بحس بطقة كده ..
ياريت لو حد عنده اقتراحات يفيدنى بيها ..