الموضوع: بخصوص الكيا سبكترا 2003 أرجو سرعة الرد

الف الف مبروك عليك العربيه وهى بتستهلك حوالى 270 فى الصفيحه لان انا طريقى زيك على الاتوستراد وربنا يكفيك شرها

شكرا لجميع الاخوة الافاضل الذين أرسلوا لى معلومات مطمئنة عن السيارة ، خاصة الاستاذ كريم صاحب أكبر عدد من الردود .

بالنسبة للاستاذ أحمد شكرى أشكرك على مباركتك لى ، وياريت من واقع تعاملك اليومى مع السيارة تقول لى أخبارها ايه مع حضرتك ، يعنى آخد بالى من ايه فيها حتى تعيش السيارة ان شاء الله معى أطول فترة ممكنة بدون مشاكل .

وهل لو ركب العربية 4 أشخاص بخلاف السائق ، يؤدى ذلك الى زيادة انخفاض السيارة خاصة وحضرتك عارف انها واطية شوية ، ولا الموضوع مش للدرجة دى .

ماتقلقش العربية جميلة جدا ومابتعملش مشاكل كبيرة طول مانت ايدك فيها يعنى ان شاء الله مافيش غير الصيانة الدورية (خللى بالك ماتقفلش الدركسيون للاخر وانت بتلف لان ده بيبوظ البور علشان فيه ناس اشتكت من علبة الدركسيون ) بخصوص الارتفاع لو انت متعود يبقى معاك عائلة والعربية محملة يبقى تحطلها علايات عند العفشجى (وده احسن )وماتقلقش من الثبات لان العربية ثباتها حلو

لو مش هتاخد ها قوللى لان عندى واحد محتاجها

السلام عليكم ورحمة الله وبركاته ،

اليوم الجمعة تم بحمد الله استلام السيارة فى تمام الساعة الثانية والنصف بعد الظهر وركنتها تحت البلكونة ، أكررها ركنتها تحت البلكونة ، عشان أبص عليها كل شوية أنا أو بناتى أو زوجتى ، خاصة أنها أول سيارة لى فى حياتى وبصراحة خايف عليها ، وأشكركم جميعا على مساعدتكم الخالصة لوجه الله ، والحقيقة رأيكم جميعا ساهم بشكل كبير فى اتخاذ القرار بشراء السيارة .

وسوف أتواصل معكم ان شاء الله فى حالة احتياجى لاى نصيحة ، لانكم فعلا أخوة أفاضل ومحترمين .

جزاكم الله كل خير.

يا استاذ ايمن اتوكل على الله دي عربية جميلة فعلا وادائها ممناز على الطريق
انا معايا 2005 مانيوال افضل استهلاك قدرت اوصل بيها في البنزين 240كيلو في الصفيحة
بس المتوسط بتاعها لو جو البلد 200 لتر في الصفيحة مش اقل من كده
وبالنسبة لسعرها كويس لو حالتها حلوة زي ما بتقول وربنا يباركلك فيها يا رب