انا بجد تعبت من الكلام ده و الى بيضايقنى أكتر ان ألاقى واحد معاه العربية و مفيش مشاكل معاه من كتر الكلام الى بيسمعه يجيله هسهس ان ممكن العربية دى تولع فى أى لحظة
بيصعب علي إن واحد يكون شاري عربية تبسطه و تريحه و دفع فيها دم قلبه
بدل ما يبقى مبسوط لأ يبقى قاعد شايل الهم
العربية دي إتعمالة في المنتدى هنا كمية حوارات رهيبة أكتر من أي عربية في أي قسم تاني
و وصلنا إن ناس نثق في خبرتهم و حياديتهم راحو جربوها و مع ذلك لسة بنقول عليها كلام غريب كأن احنا المصريين الوحدين إلي في العالم كله إلي إكتشف إن العربية دي أكبر خدعة في التاريخ
فيه إيه ؟؟؟؟؟؟؟؟!!!!!!!!!
العربية دي مزعلة الناس أوي ليه كدة ؟؟؟؟!!!!
يا جماعة بصو في الأقسام إلي جمبينا مفيش عربية مفيهاش مشاكل
على سبيل المثل و ليس الحصر ولا الغلاسة
نبص على شكاوي الناس من علبة دركسيون السريون ولا مشاكل الناس مع إلنترا ولا شكاويهم من عدم ثبت الياريس إلي بتلعب مع الهوى ولا مشاكل الناس مع فتيس بيجو 307
ولا ولا ولا
و دة عادي أنا مش قصدي أهاجم عربية حد
أنا مهندس ميكانيكا و اتعلمت إن مفيش في الدنيا ماكينة كاملة
فكفاية بقى كفاية....... إلي عنده دليل إن العربية فيها مشكلة معينة أو عيب صناعة واضح و صريح يكلم المعندوش بس حاسس و سامع و بيتهيألو مش حاقول ميتكلمش دة منتدى حر كل الناس تقدر تكلم بس من فضلك لو سمحت بلاش تضايق ملاك العربية بكلام مش مبني على أي دليل
شكراً أسف للإطالة