الواجا 2010 ...waja cps

كنت قاعد ادعبس علي النت كدا ولقيت موقع اسمو proton-edar ودا بقي جايب صور ومعلومات عن الواجا الجديده الي هيا 2010 وطبعا كانت المفجأة ان الشكل زي مهوا مفيش اي تغير

لكن التغير كان في حاجات كتيره منها نوع ماتور العربية الي اتغير من الكامبرو العادي الي كامبر سي بي اس CAMPRO CPS


مميزات ماتور CPS حسب الموقع


1- سرعة استجابة العربيه علي السرعات الصغيره
2- 150 نيوتن / متر عند 4500 لفة في الدقيقة
3- 125 حصان عند عدد 6000 لفة في الدقيقة


استهلاك البنزين :

بالنسبة لل اوتوماتيك
6.9 لتر لكل 100 كم


بالنسبة للمانيوال
6 لتر لكل 100 كم



السرعة القصوي :

بالنسبة لل اوتوماتيك

185 كم

بالنسبة للمانيوال
190 كم


بالنسبة بقي لشكل العربية اتغير التالي :

1- الزجاج كله فاميه غامق
2-المصابيح الاماميه نازله زينون
3-مرايات كهربا

بالنسبة للألوان :

1-فضي
2-اسود
3-اللون البرونزي (جديد )
4-الازرق سماوي (جديد)


ودا الموقع الي فيه كل الكلام دا يا جماعه
Welcome to Proton Edar

تسلم يا ريس إسلام
وجارى فتح الموقع فى ساعته وتاريخه

موتور ال سي بي اس بينزل في الواجا من 2008 من أول تغيير الشكل
بس اللى بينزل مصر الكامبرو العادي و موديل
م 2010 مش حيكون فيه اختلاف بالنسبة للموتور
الحاجة الوحيدة اللي لفتت نظري في الموقع اللي حضرتك ذكرته ان الجير بوكس مختلف (مدرج)
مش عارف بصراحة موديل 2010 اللي حينزل مصر الجير بوكس حيتغير ولا لأ

شكراً على هذه المعلومات القيمة

موضوع مميز جدا"
الف شكر .

اقتباس:

---

المشاركة الأصلية كتبت بواسطة ahmed_h_g

موضوع مميز جدا"
الف شكر .

---

نسيت أقولك متكتبش باللون الأحمر تانى علشان متتخالفش .

ده لينك البورشور بتاعها http://www.proton-edar.com.my/pdf/brochure_waja.pdf

شكرا على الموقع
لكن ال cps موجودة من 2008 و مالهاش علاقة ب 2010

الف شكر يا جماعه علي الردود

انا عارف طبعا ان cps بينزل من 2008 للواجا بس انا بتكلم علي السؤال الي محير ناس كتيره هل شكل الواجا هيتغير في 2010ولا هيفضل زي مهوا واعتقد ان الواجا الي هتنزل مصر في 2010 هيا واجا cps والله اعلم

اما حكاية الجير بوكس فتقريبا والله اعلم ان دا هيبقي نفس بتاع الكرولا مانيوال واتو في نفس الوقت

ياريت حد يفيدنا في الحكاية بتاعة الجير بوكس دي عشان مهمه جدا

هم موش قالوا إن الواجا خلاص ما عدوش هيعملوها! أو حتى على أقل تقدير إن شكلها هيتغير؟ طب إيه اللي حصل؟! و ايه موضوع الموتور العنية اللي بينزل مصر ده غير باقي مخاليق ربنا، و يا ترى سعر الموتور cps يفرق قد إيه عن العادي بتاع مصر؟! علشان لما حد يسأل عن أسعار بروتون برة مصر يبقى فاهم الدنيا ماشية إزاي و ما يبقاش - على رأي المثل - كله عند العرب صابون!

اقتباس:

---

المشاركة الأصلية كتبت بواسطة saidbakr

هم موش قالوا إن الواجا خلاص ما عدوش هيعملوها! أو حتى على أقل تقدير إن شكلها هيتغير؟ طب إيه اللي حصل؟! و ايه موضوع الموتور العنية اللي بينزل مصر ده غير باقي مخاليق ربنا، و يا ترى سعر الموتور cps يفرق قد إيه عن العادي بتاع مصر؟! علشان لما حد يسأل عن أسعار بروتون برة مصر يبقى فاهم الدنيا ماشية إزاي و ما يبقاش - على رأي المثل - كله عند العرب صابون!

---

و الله يا سعيد يا خويا المشكلة فى المحرك ال CPS إنه عاوز بنزين 95 و إنت طالع و ده طبعا صعب فى مصر و بالمناسبة بروتون بتبيع الواجا الكامبروا لغاية دلوقتى فى دول كثيييييييير مش مصر بس و تغيير شكل الواجا لسه شوية لما يظبطوا نفسهم بعد التغييرات الكثيرة اللى عملوها فى موديلاتهم القديمة زى الساجا و الساتريا و البردانا و كمان طرحهم لأول MPV خاصة بيهم اللى هيا الإكزورا و لأن الواجا ماشية عندهم كويس و فى كذا بلد تانية فإحتمالية التغيير دلوقتى هتاخد وقت شوية و بمناسبة البنزين أنا حاليا فى الصين و البنزين هنا بيبتدى من 97 يعنى إحنا بنمشى عربياتنا فى مصر بمياه الصرف :mad2: و يا رب العربيات تستحمل :H_angry[1]:

اقتباس:

---

المشاركة الأصلية كتبت بواسطة abo3bdolrahman

...و بمناسبة البنزين أنا حاليا فى الصين و البنزين هنا بيبتدى من 97 يعنى إحنا بنمشى عربياتنا فى مصر بمياه الصرف :mad2: و يا رب العربيات تستحمل :h_angry[1]:

---

موش عارف ليه يا باشا انا عندي احساس - بالرغم انه موش عندي تأكيدات فنية على احساسي - بأن أوكتان البنزين له علاقة بسلامة و عافية المحرك على المدى الطويل، و إن الموضوع موش مقتصر فقط على سحب العربية و نسبة الانضغاط بتاعت المحرك.

بس انا عندى فى المانويل مكتوب ينصح باستخدام بنزين 95 او اعلى
ورغم كدا كلنا بنحط 92 ومفيش اى مشاكل الحمدلله
يعنى افتكر مشكلة البنزين دى مش هى الى تمنع نزول ال cps من مصر

فعلا اكبر مشكله هيا حكاية انها عوزه بنزين 95 عشان تقدر تحس بفرق الاداء بتاع cps

انا والله بحط 92 وسعات احسه كويس وسعات لا حسب البنزينه ,نفسي فمره اجرب احط 95كدا عشان اقدر احكم علي الفرق