المشاركة الأصلية كتبت بواسطة karim_monir
سلام عليكم
جاي تعبان ومرهق جدا بعد يوم شغل طويل وداخل البيت الساعة 10
قولت افتح الميل بس ابص علية لو في حد عندة مشكلة في المنتدى وانام على طول
فتحت لقيت رسالة من عضو معانا
واضح انه شاب صغير مش حد كبير
الميل عنيف جدا ولهجتة حادة جدا جدا لدرجة انه بيقول انكم مش مهم لو وقفتوني بس كلمة حق وهاقولها
عن موضوع حد كان تقريبا عملة في المنتدى عن دعاء وفيه استهزاء بهيئة الدعاء ولجنة فض المنازعات اتدخلت وقفلت الموضوع تمهيدا لحذفة لانه لا يجوز الاستهزاء بالدعاء
لسه هارد علية ونزلت بالميل لتحت لقيتة باعت من ميل الشغل بتاعة ومكتوب في الاخر تليفونة
كلمته وعرفتة بنفسي وقولتله ايه اللي مزعلك قوي كدة من الادارة
لسه هايشرح لقيتة فهم الموضوع غلط
وهو فهم اننا مادخلناش
فوضحتلة ان تدخل المشرف بالاحمر لغلق الموضوع تمهيدا لحذفه
تفهم وقعد يعتذر انه فهم غلط
قولتله لا عليك
وقفلت وانا مبسوط
ان لسه في شباب عندهم غيره على دينهم وفي حاجات كتير مايعرفش عنها حاجة
ولم يخش في الحق لومة لائم ودخل شمال في ادارة المنتدى (اعتقاد خاطئ منه اننا لم نتدخل)
الحمد لله لسه شبابنا بخير
تصبحو علي خير