اريد مساعدة من كل وحوش و ملوك التظبــيــــــط.......؟؟؟
أولا دا أول موضوع ليا فى المنتدى الرائع كليا دا و ان شاء الله ميكونش اخر موضوع,,,,
انا يا جماعة متردد جدا,,,
ارجو منكم مساعدة فى ما انا محتار فيه,,,
عشان مطولش عليكم,,انا ان شاء الله معايا 67000 وهجيب سيارة قريب جدا,,ومحتار جدا بين 3 سيارات علما اننى بسوق سيارة كيا سيفيا حاليا وانا بعشق هذة السيارة ومحققة كل ما اتمناه بس للأسف دى مش سيارتى,,وانا عايز اشترى سيارة تخصنى انا ,, <يعنى انا شاب وقيادتى رياضية جدا وبجرى بالسيارة> وطبعا انا كل اللى يهمنى الثبات ودى اهم حاجة وبعديهم قوة الموتور واكبر عدد أحصنة والعفشة والتعليق وكمان الكماليات مثل <الصالون+الزجاج الكهرباء+الشنطة ودى عشان السفر+ sound system محترم:049:>
ويوجد ملاحظة انا عايز اظبط العربية بعد فترة من شرائها ودى حاجة مهمة بالنسبة ليا عشان كدا محتار بين ال 3 عربيات دول <معلش طولت عليكم انا عارف اننى رغااااي>
اولا اكتر عربية داخلة دماغى بنسبة 75 % وهية [OVERLINE]الأسبيرانزا A516 [/OVERLINE]من ناحية الكماليات وكمان الوسع الشديد للصالون والشنطة وكمان ثباتها عال العال وموتورها بيقولوا محترم اوى بس المشكلة كلها هل هتستحملنى وخصوصن انها صينى..وعلا فكرة دا السبب انها مش داخلة دماغى 100 %,,<يعنى عربية مش أسم ومش ضامن انها تتحملنى كتير وكمان صعب أوى حكاية التظبيط دى....
تانى اكتر عربية هية الرينو لوجان <الفوول أوبشن طبعا>وانا بصراحة بحترم اللوجان وكمان السيارة دى بيقولو انها قوية جدا بس المشكلة انها عالية اوى وكمان شكلها تحفة اوى من الخلف بس من المقدمة شكلها تقليدى خالص وكمان من معرفتى من المنتدى ان السيارة دى عائلية ملهاش فى الغرز والمناورات بس أكتر حاجة عجبانى انها عربية أوبشن ومتوور رينو يعنى جامد ويتحمل اى حاجة على ما أعتقد,,,وكمان مش عارف ممكن تتظبط ولا أيييه.....
تالت سيارة هية البروتون ساجا والعربية دى شكلها عجبنى اوى اوى اوى من المقدمة ومن الخلفية وكماان بروتون تتميز ب الموتوور الكمبرو القوى (انا عارف ان الموتور 1300 بس 98 حصان يعنى السيارة بتجرى) وكمان الثبات بيقولو عليه هايل فى البروتون وكل دا تمام جدا وسعرها زى الفل بس المشكلة فى التأفيل من الداخل ضعيف أوى وكمان الكماليات قليلة وكمان الشنطة مش كبيرة زى اللوجان والأسبيرانزا الصالون معقول وانا راضى بيه وكمان انا شايف انها اكتر عربية فيهم ممكن تتظبط,,,ملحوظة أخرى يارييت مفيش حد يعرض عليا الفيرنا لأنى بكرها وكمانا اللانوس عشان بتستفذني,,,وفى النهاية بتأسف للأطالة عليكم بس انا بجد واقع فى عرضكم وعرض كل وحش من وحوش التظبيط,, واهم حاجة فى اختيارى ان السيارة اللى هتجمع بين السرعة والتظبيط والأوبشن والاستحمال والأطول عمرا طبعا,,,هية اللى هشتريها ان شاء الله ودا بعد أستخارة ربنا ان شاء الله ثم رأيكم اللى مستنيييييه على ناااااار,,,,,,,,,,,,,,,,,,,,وشكرا.
اللون الاحمر مخصص للمداخلات الاداريه فقط لا غير
مشرف عام 3
