كل شئ عن سوزوكي ماروتي

**Abdm** · 23-12-2009 11:29 AM

المشاركة الأصلية كتبت بواسطة sab3aawy

ضمان السيارة 100000 كيلومتر (مئة ألف كيلومتر) او ثلاثة سنوات من التوكيل

السيارة فيها مقصات زيها زى اى عربية تانية ومشهور عنها انها سيارة عفشتها مرنة وناعمة جدا ولا تسبب اى مشاكل مع الطرق المكسرة( عمر حد فيكم شاف عربية ماروتى العجلة الأمامية بتاعتها مكفية على جنبها والعربية نايمة على الأرض زى المنظر القذر الشهير بتاع اللادا؟)

بالنسبة لثبات السيارة على الأرض فىالسرعات العالية فهو بالتأكيد مش بجودة ثبات الكورولا واللانسر مثلا، لكنه بالتاكيد افضل من ثبات سيارت مثل الشاهين والاكسيل، ومثل هذة السيارات فيه ناس عاشت بها 15 سنة بدون اى شكوى من الثبات ، ثبات الماروتى مقلق لو حد عايز يجيب عربية يعمل بيها غرز فوق ال 120 وهو غرض غير مصممة له اصلا، لكن لحد 80-90-100 العربية التحكم فيها لا بأس به اطلاقا

العربية بتنزل من التوكيل بدون اى كماليات سوى الساعة، ممكن يكون بعض المعارض بتضيف ليها كماليات من عندها لأن صعب جدا السيارة تكون جاية مستوردة من الهند وراكب فيها انذار وولف مصرى فى مصنعها بالهند (انذار الوولف صناعة مصرية ومصنعهم فى العاشر من رمضان ومافيش منه مستورد لأن ماركة وولف اصلا ماركة مصرية وليست تصريح من ماركة اجنبية)

أنا أسف أنا عملت المشاركة غلط فى وسط الكلام ودة الصح

ألف سلامة لبنت حضرتك يا أستاذ سبعاوى ونسأل الله أن يشفيها اللهم أشف أنت الشافى شفاء لا يغادر سقما

أنت وحشتنا أوى أوى يا أستاذ سبعاوى أنا مقدر الظروف لكن بردة متحرمناش منك بقالى كتيير مستنى من حضرتك رد فى كذا موضوع عن الماروتى لكن الحمد للة على رجوعك بالسلامة

بالنسبة أن فى موضوع عن مناقشة تركيب جنوط وكاوتش للماروتى أية رأى حضرتك نغير الجنوط مع الكاوتش ل13 ولا نغير الكاوتش بس للآعرض على نفس مقاس الجنط الآصلى وأية المقاس اللى حضرتك شايفة مضبوط . وشكرا لتعب حضرتك معانا وجزاك الله خير .

**mohamedrabia** · 23-12-2009 11:38 AM

انا اخدت العربية ده من واحد صاحبي وسافرت بيها اسكندرية في العيد الصغير العربية بجد مش كلام بالرغم من اني بركب عربيات كبيرة
الا انها سيارة اقتصادية جداااا وسريعة علي الطريق وعيبها انها صغيرة وفعلا صعب تجيب غرز او تلف بيها ملف بسرعة عالية بس انا شايف انها سيارة الاسرة المصرية المتوسطه بجد عجبتني جدااا وبالاخص استهلاكها للبنزين وفكرت لصاحبي علشان يحل مشكله الشنطة الصغيرة انه يركب شبكة هو طبعا الشكل هيبقي سيء بس هتنفع وربنا يكرمة ويسجيب حاجه اكبر

**moshakes019** · 23-12-2009 04:59 PM

المشاركة الأصلية كتبت بواسطة mrghost

ياجماعه انا لسه شارى موديل 2010 وهى نازله بكاسيت بكر صينى وسنتر وانذار وولف هو ده الاختلاف عن 2009 فقط

منكم نستفيد يا باشا
و ياريت تعملنا تقرير
عن العربيه و
1000 مبروك يا باشا

**moshakes019** · 23-12-2009 05:03 PM

المشاركة الأصلية كتبت بواسطة sab3aawy

ضمان السيارة 100000 كيلومتر (مئة ألف كيلومتر) او ثلاثة سنوات من التوكيل

السيارة فيها مقصات زيها زى اى عربية تانية ومشهور عنها انها سيارة عفشتها مرنة وناعمة جدا ولا تسبب اى مشاكل مع الطرق المكسرة( عمر حد فيكم شاف عربية ماروتى العجلة الأمامية بتاعتها مكفية على جنبها والعربية نايمة على الأرض زى المنظر القذر الشهير بتاع اللادا؟)

بالنسبة لثبات السيارة على الأرض فىالسرعات العالية فهو بالتأكيد مش بجودة ثبات الكورولا واللانسر مثلا، لكنه بالتاكيد افضل من ثبات سيارت مثل الشاهين والاكسيل، ومثل هذة السيارات فيه ناس عاشت بها 15 سنة بدون اى شكوى من الثبات ، ثبات الماروتى مقلق لو حد عايز يجيب عربية يعمل بيها غرز فوق ال 120 وهو غرض غير مصممة له اصلا، لكن لحد 80-90-100 العربية التحكم فيها لا بأس به اطلاقا

العربية بتنزل من التوكيل بدون اى كماليات سوى الساعة، ممكن يكون بعض المعارض بتضيف ليها كماليات من عندها لأن صعب جدا السيارة تكون جاية مستوردة من الهند وراكب فيها انذار وولف مصرى فى مصنعها بالهند (انذار الوولف صناعة مصرية ومصنعهم فى العاشر من رمضان ومافيش منه مستورد لأن ماركة وولف اصلا ماركة مصرية وليست تصريح من ماركة اجنبية)

ميرسي علي الشرح الوافي
و كمان في واحد اعرفه من دمياط
معاه الماروتي و قالي انها علي شدادات
غير كده لما روحت معاه الحرفيين في يوم
شوفت ماروتي عند العفشجي فيها شدادات مش مقصات
فيمكن تكون موديل قديم و لا حاجه
ما الماروتي متغيرش شكلها من ساعه منزلت
الا في رتوش بسيطه
و ميرسي مره تانيه يا باشا

**HRH_Sameh** · 24-12-2009 09:24 AM

المشاركة الأصلية كتبت بواسطة moshakes019

...
و كمان في واحد اعرفه من دمياط
معاه الماروتي و قالي انها علي شدادات
غير كده لما روحت معاه الحرفيين في يوم
شوفت ماروتي عند العفشجي فيها شدادات مش مقصات
...

اعتقد انتوا الاتنين كلامكم مظبوط
مقصات قدام
وشدادات ورا
والا ايه؟؟؟

**marmar9680** · 24-12-2009 10:20 AM

انا عايزة اجيب عربية بس تكون بحالة كويسة جدا فى حدود 27 الف انا فكرت فى الماروتى علشان هيكون مودلها 2008 او 2009 بس انا سمعت عن اراء مؤيدة واخرى معارضة وانا بشتغل فى مدينة نصر وساكنة فى الزيتون واحيانا بيركب معايا 4 افراد باوزان متوسطة فهل الماروتى هتكون مناسبة ليا بس ايه نظام الفتيس انا سمعت انه تقيل وبيعض مع النقلات والعفشة بتعتها علشان انا عند الشغل فى جزء مكسر شوية وفى واحد قالى بلاش منها مش هتنفع مع الطرق المكسرة والاتزان على الطريق يعنى ممكن تتقلب بيا انا واولادى
والا اجيب مستعمل زى(برايت العصفورة , شاريد, 128 ,اونو,سكودا فيليشيا ) ولو عندك انواع اخرى قولى عليهابس الانواع ده كلها هتكون مشيت على الاقل 10 سنين يعنى هيكون فيها شغل وانا عايزة حاجها ماروحش بيها للميكانيكى كل شوية
انا معايا 127 موديل 83 بس حالتها مش كد كده فلو فكرت اظبط فيها كل حاجة تكلف كام تقريبا؟؟؟؟ ولو بعتهاعلى حالتها تجيب كام تقريبا؟؟؟؟؟
وانه افضل اودب الى معايا والا اشترى على اساس الى نعرفة احسن من الى مانعرفوش
ارجو الرد سريعا واسفة للاطالة

**Abdm** · 25-12-2009 01:23 AM

يا أخت مرمرالحل الآول والآفضل : لو عايزة ماروتى هى حلوة وهتستحمل الشوارع وتشيل أربعة مستريح أنا أنصحك تجيبيها زيرو لان أنا لا أفضل شراءها مستعمل أدفعى اللى معاكى وأقسطى الباقى هيبقى مبلغ صغير والزيرو أنت أول مستخدم ليها وهتكونى عارفة كل حاجة فيها على أيدك .وأنا أفضل الزيرو للسيدات علشان وجع دماغ المستعمل .
الحل التانى : ماروتى كسر زيرو موديل2007 أو 2008 بالسعر دة تكون مضمونة 100 فى 100 ويفضل لو بيتى ويتكشف عليها عند ناس ثقة وتطمنى على أساسيات العربية كويس جدا لآنى بخاف جدا من المستعمل حتى لو كسر زيرو علشان كدة أفضل الحل الآول

الحل الآخير : ودة لو عايزة تبعدى عن الماروتى بالسعر دة ممكن برايد العصفورة بس نفس الكلام اللى قولتة عن الماروتى المستعملة الكشف عليها كويس جدا لو طلعت حالة الفبريكا ونظيفة أوى هتكون أحسن من الماروتى وأنا أشك أنى تلاقى حالة نظيفة أوى . لكن لو لقيتى أتكلى على الله .

**m7nsh** · 25-12-2009 02:31 AM

ملحوظه صغيره
الماروتى 37 حصان بس عند 5000 و فى مواقع تانيه غير موقعها الرسمى بيقول انهم 40 عند 6000 او 5500 مش فاكر بالظبط الحقيقه
Maruti 800 Duo
و لكن ده ميمنعش ابدا اننا نقول " تسلم الأيادى يا باشا على تجميعه المعلومات الظريفه دى " :)