المشاركة الأصلية كتبت بواسطة sab3aawy
ضمان السيارة 100000 كيلومتر (مئة ألف كيلومتر) او ثلاثة سنوات من التوكيل
السيارة فيها مقصات زيها زى اى عربية تانية ومشهور عنها انها سيارة عفشتها مرنة وناعمة جدا ولا تسبب اى مشاكل مع الطرق المكسرة( عمر حد فيكم شاف عربية ماروتى العجلة الأمامية بتاعتها مكفية على جنبها والعربية نايمة على الأرض زى المنظر القذر الشهير بتاع اللادا؟)
بالنسبة لثبات السيارة على الأرض فىالسرعات العالية فهو بالتأكيد مش بجودة ثبات الكورولا واللانسر مثلا، لكنه بالتاكيد افضل من ثبات سيارت مثل الشاهين والاكسيل، ومثل هذة السيارات فيه ناس عاشت بها 15 سنة بدون اى شكوى من الثبات ، ثبات الماروتى مقلق لو حد عايز يجيب عربية يعمل بيها غرز فوق ال 120 وهو غرض غير مصممة له اصلا، لكن لحد 80-90-100 العربية التحكم فيها لا بأس به اطلاقا
ألف سلامة لبنت حضرتك يا أستاذ سبعاوى ونسأل الله أن يشفيها اللهم أشف أنت الشافى شفاء لا يغادر سقما
أنت وحشتنا أوى أوى يا أستاذ سبعاوى أنا مقدر الظروف لكن بردة متحرمناش منك بقالى كتيير مستنى من حضرتك رد فى كذا موضوع عن الماروتى لكن الحمد للة على رجوعك بالسلامة
بالنسبة أن فى موضوع عن مناقشة تركيب جنوط وكاوتش للماروتى أية رأى حضرتك نغير الجنوط مع الكاوتش ل13 ولا نغير الكاوتش بس للآعرض على نفس مقاس الجنط الآصلى وأية المقاس اللى حضرتك شايفة مضبوط . وشكرا لتعب حضرتك معانا وجزاك الله خير .
العربية بتنزل من التوكيل بدون اى كماليات سوى الساعة، ممكن يكون بعض المعارض بتضيف ليها كماليات من عندها لأن صعب جدا السيارة تكون جاية مستوردة من الهند وراكب فيها انذار وولف مصرى فى مصنعها بالهند (انذار الوولف صناعة مصرية ومصنعهم فى العاشر من رمضان ومافيش منه مستورد لأن ماركة وولف اصلا ماركة مصرية وليست تصريح من ماركة اجنبية)