ما قيمة مصنعية تغير اويل سيه علبة الدريكسيون

**م. محمد نافع** · 24-12-2009 03:33 PM

السلام عليكمانت تقصد انك غيرت الاويلسيل بنفسكاه اقصد اني غيرته بنفسيلو الموضوع سهل كده طب ما الواحد يعمله بنفسه، وياريت لو تقول لنا عن أماكن مسامير القطمة وفيش الكهرباءهو مش سهل اوي ومش صعب اوي يعني لو حضرتك عندك حرفه الفك والتركيب ممكن اقول لحضرتك علي اماكن المسامير وتعملها بنفسك ولو كنت اول مره تفك حاجه انصحك متعملش الاويل سيل بنفسك لانك هتفك الدركسيون وهترجع تركبه تاني فانصحك في الحاله دى انك متغيرش الاويل سيل بنفسكطب حضرتك الزيت كان من جوة العربية فقط يعنى من ناحية الدواسات ولا كان فى برضه من برة العربية و الاويل سيل ده يشبه اى اويل سيل فى العربية واسمه ايه لما الواحد يحب يشتريه وبكام الاويل سيل ده بيجيب زيت في دواسه العربيه جوه العربيه بس الاويل سيل ده اويل سيل بسوسته عادي زي اى اويل سيل بتاع زيتوعلي ما اذكر ان مقاسه كان 20*40وانا تحت امر حضرتك في اي استفسار

**bondjames** · 24-12-2009 03:37 PM

الميكانيكى أخذ مصنعية 20 ده غير 20 تانية ثمن الأويل سيل وده فى شهر يناير

**Mohamed A S** · 24-12-2009 03:44 PM

المشاركة الأصلية كتبت بواسطة bondjames

الميكانيكى أخذ مصنعية 20 ده غير 20 تانية ثمن الأويل سيل وده فى شهر يناير

ميكانيكي اللي غير لك الأويل سيل والا تقصد عفشجي
ويا ترى الدنيا اتظبطت معاك بعد ما غيره
يار ريت اعرف مكانه فين اللي غيرلك الاويل سيل

**م. محمد نافع** · 24-12-2009 07:15 PM

السلام عليكم

انت تقصد انك غيرت الاويلسيل بنفسك

اه بفضل ربنا

لو الموضوع سهل كده طب ما الواحد يعمله بنفسه، وياريت لو تقول لنا عن أماكن مسامير القطمة وفيش الكهرباء

هو الموضوع مش سهل اوي ولاصعب اوي بس هو فيه خطوره لانك هتفك الدركسيون وتركبه تاني
والاويل سيل ده بيسرب زيت جوه العربيه مش بره
ومقاسه 20*40
وعلشان تفكه انت الاول بتفك الفبره اللي تحت الدركسيون وبعد كده بتلاقي 3 مسامير ماسكين الدركسيون في جسم العربيه 2 من تحت و 1 من فوق بتفكهم( علي فكره انا بتكلم علي الطاره اللي مبتغيرش وضعها )
وبعد كده بتلاقي الصليبه اللي ماسكه الدركسيون مع الاكس اللي طالع من علبه الدركسيون بتفك المسمار بتاع الكوبلن وتطلعه من مكانه كده بقي الدركسيون معاك في ايدك
وبعد كده بتلاقي قدامك تيله بتنطرها بتلاقي تحتها ورده حديد وتحت الورده بتلاقي الاويل سيل بتنطره بمفك او سلكه مسلوبه
وبعدين بتركب الاويل سيل الجديد وتجمع تاني
هو الموضوع مش صعب بس هو محتاج صبر لان المكان ضيق شويه
وبعدين بتنظف الزيت القديم علشان تتاكد ان مفيش تسريب زيت جديد وطبعا اول لما تدور العربيه بتزود زيت باور حسب الحاجه وبتاخد هوا لدائره زيت الباور
اتمني اني اكون افدتك

**م. محمد نافع** · 24-12-2009 07:18 PM

ميكانيكي اللي غير لك الأويل سيل والا تقصد عفشجي

الاويل سيل ده ممكن اي ميكانيكي يغيره بس بالطريقه اللي انا بقولك عليها
انما لو هيفك الاسكاتره يبقي لازم يكون عفشجي

**MMamdouh** · 24-12-2009 08:02 PM

مش شرط عفشجى

MMamdouh

**bondjames** · 24-12-2009 09:48 PM

المشاركة الأصلية كتبت بواسطة mohamed a s

ميكانيكي اللي غير لك الأويل سيل والا تقصد عفشجي
ويا ترى الدنيا اتظبطت معاك بعد ما غيره
يار ريت اعرف مكانه فين اللي غيرلك الاويل سيل

دير الملاك
لو جيت من جسر السويس تاخد ش مصر و السودان لغاية ما تقابل على اليمين محل قطع غيار فسبا وعلى الشمال مدرسة الحياة للأطفال تاخد يمين تلاقى كنيسة ديرالملاك- قدام شوية على اليمين تجد ورشة خدمة إسكودا - الشارع الضيق أمامها تجد ورشة عادل و ممدوح - على الشمال - لو جيت من طريق الزاوية الحمراء تكون ورشة خدمة سكودا على الشمال والشارع اللى فيه الورشة على اليمين - على فكرة عندهم كمان محل لقطع الغيار فغالبا مش هتحتاج تلف و تدور على حاجة لو احتجت تصليح - ناس بجد كويسين جدا

**bondjames** · 24-12-2009 09:51 PM

المشاركة الأصلية كتبت بواسطة solom_eslam_2008

اويل سيل الاسقطرة يدوب يخد في ايدي ربع ساعة

هو يمكن أخد فترة أطول لأنه كان أول مرة يتفك - العربية كانت جولييت 2000

**Mohamed A S** · 31-12-2009 11:00 AM

اشكر جميع الأخوة اللي شاركو في الموضوع وأعطوني النصائح المفيدة
وأخص بالشركة الأخ العزيز magareh لتوضيح كيفية تغيير الاويل سيل واللي خلاني اروح للميكانيكي واقوله عليها وفعلا الميكانيكي غيره الأويل سيل بالطريقة دي. أنا غيرت الاويل سيل وركبت سير التكييف واديته مصنعية 20 جنيه ..
الف شكر للجميع مرة ثانية