و يا ريت مع ذكر السبب
عرض للطباعة
و يا ريت مع ذكر السبب
انا اختارت رينو لوجان لاسباب
1- اوروبي : يعنى عمر افتراضي اطول من الكورى وطبعا الصيني
2- مصممه للبلاد الفقيره ( عفشه - بنزين ) ملائمين للطرق المصريه والبنزين المصري الرديء
3- موتورها : اقتصادي فى البنزين وفى نفس الوقت ليس ضعيف من حيث القوه
4- كماليات : تتفوق على جميع المنافسين
5- اسعار قطع الغيار المعلن عنها تقترب جدا من اسعار الكوري
سيارات اخره
لانوس
-قطع غيار متوفرة فى كل مكان وفى منها الاصلى والكورى والتيوانى والصينى وإستعمال يعنى فى متناول الجميع.
- لو حبيت تبيع فى أيى وقت مش هتحتاج مجهود.
سيارات اخرى
اكسبلوجن
الساجا واللوجان
واخترت الساجا الاول علشان نقطة الموتور بالذات
موتور 1300 بقوة 94 حصان موتور قوي موفر في البنزين (المعادله الصعبه) وغير كدا العربيه ناعمه وواسعه وشكلها حلو وعفشتها ممتازه
واللوجان مفيش كلام عليها طبعاا
رينو لوجان عربية شيك استهلاك جيد للبنزين توكيل محترم اوبشن مقبولة مقابل سعرها
أنا صوتت للساجا ومايعجبنى فيها شكلها وموتور تكنولوجيا جديدة 1300 سى سى يخرج 94 حصان واستهلاكه جيد وأيضا اللوجان وال byd f3 اختيارات جيدة.
انا مش هقدر اختار.. لان معايا i10 ليها مميزات و عيوب زى سهولة و متعة السواقة و عربية ناعمه جدا فيها باور حكايه و موفره جدا فى البنزين و واسعه بالنسبة للركاب و ثباتها جيد جدا و فراملها قويه جدا جدا و هاتش باك و ده عشقى و كان معايا لانوس من كام سنه لكن لما ركبت اللانوس تانى من كام يوم حسيت قد ايه ال i10 افضل بكتييييييييير جدا بداية من نعومة كل حاجه فى العربية زى الابواب و الدريكسيون و مقابض الابواب و ال lock بتاع الباب و طبعا المكنة و رغم ان ليها عيوب زى العفشة الناشفه و الشنطة الصغيره و عدم توافر قطع غيار برا التوكيل بس الحمد لله مفيش اى عيوب فى العربية و عامله معايا حوالى 10,350 كم و ما شاء الله زى الجديدة رغم انى اكلت بيها مطبات و حفر و بلاعات و اتعرضت لمواقف و غرز زى الفل و مربطش عفشه حتى الان
و بصراحه مش عايز اختارها لان سعرها مبالغ فيه
و كذلك باقى العربيات مقدرش احكم عليهم لانى مجربتش فيهم غير لانوس و فيرنا و i10 و ركبت ال 516 مع صديق
اللوجان ممكن تكون افضل كقيمة مقابل السعر لواحد عايز عربية واسعه و موتورها قوى و مريحه اكتر من ال i10 و تغيير عن الفيرنا و اللانوس اللى الواحد بيشوفهم فى الحلم
انا اختار ال i10 علشان المكنة الموفره فى البنزين و سهولة الركن و الانجاز فى الزحمة و عربية خاماتها نضيفه و مفيش فيها مشاكل من اللى بتظهر فى عربيات رينو اللى معروفه من ايام ال كليو و انا مجرب فى عربيتين رينو كليو من اول ما نزلوا الاتنين فيهم مشاكل مشتركه زى بعض و غيروا مساعدين و طلمبة بنزين و.... و منهم واحده الردياتير بيهرب مياه و شكلها هتجيب مكنه فين العمر الافتراضى!!!! و الحمد لله انا مشوفتش مشاكل زى دى حتى فى الاكسنت القديمة و عربيات هيونداى (الكورى) مفيش فيها عيوب صناعة زى رينو (الاوروبى) اللى بتنزل مصر
اعتقد الاختيار يرجع لاحتياجات الشخص نفسه يعنى انا افضل ال i10 و البيكانتو عن الفيرنا و اللانوس و اللوجان لكن غيرى متطلباته غيرى و حكمه مختلف
بس لو هختار طبقا لمتطلباتى يبقى i10 او بيكانتو لكن بما ان معايا i10 يبقى الاقربون اولى بالمعروف
رقم واحد بدون جدال ولا تفكير
رينو لوجان
لأنها بكل بساطة عربية صنعت خصيصا لبلاد العالم الثالث وملائمة جدا لمصر
وامكانياتها وجودة صناعتها تتماشى مع سعرها
توكيل اسمه كبير وله وزن فى السوق المصرى مما لا يدع مجال للشك فى توافر قطع الغيار ولا اختفاءها كليا بعد فترة قليلة
بصراحة كده صفقة متوازنة وجديرة بالاختيار