مسدس صوت نوعه جاب ايطالي 9 م مضروب بيه 3 طلقات للتجربه لسه بالشحم بتاعه ومعاه كل حجاته الشنطه والفرشه ومفك الالنكيه بتاعه مطلوب فيه نهائي غير قابل للتفاوض 1300ج
:b4_611::b4_611::b4_611::b4_611::b4_611:
عرض للطباعة
مسدس صوت نوعه جاب ايطالي 9 م مضروب بيه 3 طلقات للتجربه لسه بالشحم بتاعه ومعاه كل حجاته الشنطه والفرشه ومفك الالنكيه بتاعه مطلوب فيه نهائي غير قابل للتفاوض 1300ج
:b4_611::b4_611::b4_611::b4_611::b4_611:
ربنا يسهلك بيعه
معلش سؤال بره الموضوع ...
لما تعمل login بتكتب ال اليوزر ازاى؟؟؟
انا قولت يمكن عمل اكونت عشان يبيع و خلاص
بس لقيت تاريخ العضويه قديم و ليك مشاركات كمان
انا مش قاصد ك باى شىء بس الاسم لخبطنى شويه
تقبل تحياتى و رخامتى
ربنا يكرمك فى البيع بس ممكن صور للمسدس
بالتوفيق فى البيع
ممكن صوره حقيقيه للمسدس و السعر النهائى؟؟
و بما ان حضرتك جربته اخبار صوته ايه ؟
ممكن صورة للمسدس وهل هوا ممنوع وممكن يعور حد بالغلط
المسدس سعره جديد فى العتبه عند الاهليه 950 جنيه
ازاى يعنى تبيعه انت ب 1300 جنيه مع احترامى لسيادتك
انا شارى على 600 جنيه لو تحب ورقمى 0101755263 اسمى علاء
فين صاحب الموضوع؟؟؟؟؟؟؟؟
عندك عائلة الوالتر الالمانى كلها فى موديل 8 مللى اسمة ppk ودة انتيمونيوم بلكامل ماعادا الماسورة يعنى مينفعش يتخرط ويتحول لمسدس حى وسعرة ما بين 700 الى 900 جنية جديد بلكرتونة
وفى والتر تانى 9 مللى على كذا موديل أسعارهم بتبدأ من 900 ل 1800 جنية وممكن تغيير الماسورة
لو محتاجة للدفاع عن النفس!! .صدقنى ملوش لازمة تخيل لاقدر الله مثلا بتتخانق وطلعتة والشخص اللى انت بتتخانق معاة اكتشف ان السلاح اللى معاك دة صوت مش حقيقى!!ساعتها ممكن يتعمل حوار مش لطيف خالص
ثانيا لو أتمسك معاك فى لجنة فية مشكلة ولى يقولك مسدس الصوت عادى مفيهوش مسائلة يبقى بيضللك .الشرطة ممكن تدعى عليك انك بتثبت بية المارة مثلا أو بتروع بية أمنيين مش هايغلبو معاك خصوصا وان الشرطة بتعتنا متحفزة للفتك بأى زبون
فى حاجة بتتعلق فى ميدالية المفاتيح اسمها فلاشير لما بتدوس عليها بتطلع ضوء وهج مبهرلمدة ثانيتين طبعا انت لما بتضغط علية بتكون مغمض عينك لو واقف حواليك 50 نفر فى حدود 10 متر سيصابو بعمى مؤقت
وحجمة أكبر من ريموت العربية بحاجة بسيطة ومش ممنوع وحتى لو حد مسكة معاك مش هايعرف اية دة ووسيلة حماية أكيدة ومجربة وأمنة فى نفس الوقت, سعرها فى المانيا 140 يورو وفى هولاندة كانت ب 55 يورو ومش عارف لية الفرق دة
فلو ليك حد برة ممكن يجبهولك معاة وابقى أدعيلى:ask:
شكرااا ليك على المعلومات دى وانا عارف من خلال ردودك ان ليك معلومات ممتازه في الاسلحه والمسدسات بس انا كنت عايز استفسر منك على كام كده :
1- ايه احسن مسدس صوت تشتريه مقابل سعر معقول وشكل وخامات زي المسدس الحقيقي
2- ايه موضوع الخزنه الي بتسخن و التيتانيم الي سبق وحضرتك رديت على عضو بيه وازاي تعرف المسدس ده بيسخن ولا لا ؟
3- ازاي ممكن تتعلم الرمايه او ضرب النار في مصر - اسكندريه تحديداا و الناس الي بنشوفها بتضرب على الاطباق دي في الافلام
4- هل بيختلف صوت الطلقه من مسدس صوت لاخر ولا الصوت بيبقى واحد يعني الغالي بيبقى صوته مقارب للحقيقي و الرخيص لا ولا كله واحد ولا ده بيعتمد على نوع الطلقه
5- انا كنت عايش في فرنسا ومشفتش الفليشر الي حضرتك قولت عليه ده لما ارجع تاني ان شاء الله ح اسأل عليه
العفو
بلنسبة لاحسن مسدس صوت مقابل سعر معقول فطبعا هو الوالتر الالمانى ال9مللى بلا جدال
وزى ما انا قلت سابقا ان فى كذا موديل 9مللى والاسعار بتبدأ من900 ل1800 جنية
وانت طبعا اللى بتحدد الموديل المناسب ليك على حسب احتياجك
ثانيا الماسورة اللى بتسخن دى بتبقى فى الانواع الرديئة من الاسلحة ودى هتلقيها فى معظم اسلحة شرق اوربا وتركيا
اما الوالتر مفيهوش المشاكل دى لانة بيعتمد على تقنية متطورة جدا فى الاطلاق ثانيا فى عزل للحرارة داخل الماسورة
ثالثا التدريب على الرماية فى القاهرة فى نادى الصيد بلدقى ولازم تكون عضو فى النادى غير كدة معنديش فكرة بصراحة
رابعا بلنسبة لصوت الطلقة طبعا بيختلف من مسدس لاخر ومن طلقة لطقة أخرى ,مثلا المسدس ال9مللى الوالتر والمسدس ال9مللى البلو التركى
اهو دة 9 مللى ودة 9مللى بس اللى يفرق هنا ان الوالتر بيخدم على الطلقة كويس فلطلقة بطلع احسن ماعندها وبتخرج مستريحة
اما البلو التركى او حتى التشيكى الطلقة بتخرج منة بفضيحة تحس ان المسدس هيولع والطلقة بتخرج مخنوقة
وبتفرق بين طلقة وطلقة برضو يعنى الطلقة ال9 مللى المصنوعة فى المانيا مثلا أكيد أدائها أفضل من ال9مللى المحلى
ومعظم مسدسات ال9مللى الصوت ممكن تتحول لمسدس حى عن طريق خرط الماسورة عند متخصص
وبخصوص الفلاشة فدى منتشرة جدا فى أوربا خصوصا مع السيدات وموجود منها فى مصر لو دورت عليه هتلاقيها
وأخيرا وجب التنبية على حامل السلاح من المسائلة القانونية
يا باشاا متشكر ليك جداا علي المعلومات المفيده دي . واضح انك خبير مش هاوي . كل حاجه ليها اجابه عندك بتاريخ كل نوع كمان
انا بستخلص من كلامك ده اني ادور على والتر الماني 9 ملي صناعه وتكنولوجيا وصوت طلقه اقرب للمسدس الحقيقي طب هل هو متوفر عند محلات الاسلحه؟ وهل حجمه كبير ؟وحضرتك ترشح نوع او موديل منه بعينه؟ انا بحب المسدسات الكبيره وايه هي الحاجات الي المفروض اتاكد منها او ابص عليها وانا بشتري . انا كان عندي زمان مسدس اسمو بريجيدير ايطالي كنت جيبه 350 جنيه بس بيعته قيل ما اسافر النهارده لما جيت ادور علي واحد لاقيت اسعار تانيه خالص الي يقولي 1500 و الي يقولي 1900 قولت يا ريتني ما بعته
متشكر ليك مره تانيه 1000 شكر
السلام عليكم ورحمة الله وبركاته
ممكن حد يفيدنى بمكان يكون بيتباع فيه والتر المانى معدنى انا مش لاقيه فى السوق نهائيا ولا حتى عند فتح الله وياريت لو حد عنده واحد عارضه للبيع يقولى وانا ممكن اشترى بس اهم حاجه يكون الالمانى مش المصرى اللى فى السوق ويكون معدن ولا الفيبر
الله يخليك متشكر بس انا مش خبير ولا حاجة انا اصلى غاوى صيد من زمان وكان عندى اهتمام خاص بلاسلحة ومعلوماتى قد تحتمل الصواب او الخطأ
بص هو انا اللى فهمتة منك انك عايز مسدس حجمة كبير وصوتة عالى مقارب للحقيقى,!! فى الحالة دى يبقى هانستبعد الوالتر لانة فى تقنية عزل للصوت وللحرارة الطلقة بتخرج مبتفرقعش لانها بتخرج مستريحة وتقريبا مفيش رد فعل لخروج الطلقة يزكر,,وخلى بالك ان الصوت العالى فى المسدس عيب مش ميزة وبيقلل من تمنة
بس لو كان دة هو غرضك يبقى البريتا ال9مللى هتكون مناسبة ليك حجمة كبير وصوتة فضايح وهيكون ارخص من الوالتر, وبلنسبة للاسعار فمعنديش فكرة
Rembrandt معلوماتك قيمة
اسف علي تاخيري في الردود
الاستاز الي بيؤل ان المسدس بيتباع ب900ج في العتبه اكبد انا مش جزار لدرجه اني ه>ود فيه ده كله وبعدين حضرتك ادخ المحل واسئل علي النوع ده ال8 ملي هتلائيه ب900ج اما ال 9 ملي ب1300ج عموما انا اخري 1100ج وتحت امركم
الإدارة منعت أي إعلان لبيع الإسلحة أو أي حاجة ممكن تستخدم لأذية الناس :beatdeadhorse5:
هو فعلا سعرة فى السوق ما بين 800 الى 950 جنية ومحدش بيقول على حضرتك جزار ولا حاجة ممكن تكون انت اشتريتة غالى
لان تجار الاسلحة بيعتبرو حضراتكم زباين:120146b
وبما ان الادارة منعت بيع الاسلحة داخل المنتدى فأكيد سوق السلاح هتنزل اسعارة
انا لو منك ابيعة قبل ما يتمنع خالص
وأديك سمعت فى عضو بيقولك انة ب 200 جنية فى كارفور
ونعم بلله:U_thin1[1]:
شكرا للمداخلات المفيدة
تم غلق الموضوع بناء على قرار الادارة الجديد