الجيل الجديد ميفتكرش متعة الحاجات دى
كان اللبس ليه معنى وكانت الخروجات والفسح ليها معنى بجد كانت الحياة ليها معنى وتروح المدرسة وانت فرحان
تعالى دلوقتى كله بقا ماسخ وفقرى ومالوش طعم
رقم العضوية : 25425
تاريخ التسجيل : 17Nov2008
المشاركات : 7,576
النوع : ذكر
الاقامة : cairo
السيارة: 1
السيارة[2]: 1
دراجة بخارية: no
الحالة :
السلام عليكم ورحمة الله وبركاته
امبارح بالليل كنت قاعد لوحدى لقيت نفسى عمال استرجع ذكريات وافتكر حاجات كانت غايبه عنى وبالمقارنه لقيت حاجات كتيره اوى كانت جميله جدا فى حياتنا وللاسف اختفت وطبعا حاجات دلوقتى افضل من زمان بكتير
ماتيجوا نستعيد ذكرياتنا الجميله وبالمره الجيل الجديد اللى مالهمش اخوات اكبر منهم يعرفوا الشباب كان عايش ازاى فى الفتره دى
مش هابعد اوى بس هاقولكوا على حاجات انا افتكرتها
كنت عايش مع والدى ووالدتى واخين اصغر منى فى السن كنت فى ايام اعدادى فى اوائل التسعينات وكانت البنطالونات الجينز اهم حاجه فى السن ده المدارس كانت بتعترض طبعا عليها لازم الزى الخاص بالمدرسه فكان متعه حقيقيه ان الواحد يجيله خروجه ويلبس بنطلون جينز واهم حاجه طبعا الماركه كان فى ساعتها levi\'s و داندى ولي واشهر بنطلون طبعا الكيلفن كلاين والتيشرتات وهاى كول اساسى والاحذيه كانت الكوليدج والريدونج والكات والبلودوكتور
اه وافتكرت قبل الموضه دى موضه الكوتشى كان فى اميجو بينور ولوتو وحاجات تانيه كتير
وطبعا ماتنساش الكاب اللى عليه شيكاغو >>>>>>>>>ده بالنسبه لللبس
بالنسبه للاشياء الشخصيه كان اهم حاجه طبعا محفظه ملونه وسلسله وانسيال وساعه فى اليد اليمين ومشط فى جيبك وبالنسبه للمدرسه كانت الموضه شنطه بنورس او شنطه اكتف او اكلسير كارتون
وبمناسبه التليفزيون كان القنوات الاساسيه الاولى والتانيه والثالثه وبعد كده ظهرت القنوات المحليه الى القناه الثامنه وبعد كده نايل تى فى والقنوات المتخصصه وماكانش اى حد عنده دش الا ناس معينه طبعا
والدى الله يرحمه قالى انه فضل مستنى التليفون الارضى لمده سبع سنوات فى سنترال المهندسين
الخروجات كانت صالات البلياردو والبولينج والحدائق والنادى وصالات الديسكو وكنا بنعمل حفلات زمان ونطبع التيكت ونبيعه لمعارفنا وكانت اهم صاله فى الوقت ده ناريمان اللى موجوده امام الماريوت وطبعا كان المواصلات اتوبيس او تاكسى والتاكسى كان بياخد من 100قرش وانت طالع ياعنى كنت بروح المدرسه انا واتنين اصحابى بـ 150قرش متقسمبن علينا احنا التلاته من شارع احمد عرابى للدقى والنهارده نفس المشوار ده اقل حاجه 7ج
وتذكره الاتوبيس كانت بتبداء من 5 قروش
نتكلم عن ايه تانى ................ اه
بالنسبه بقا للاغانى طبعا كل واحد مننا كان عنده مكتبه للشرايط الكاسيت واهم حاجه طبعا عمرو دياب ومحمد فؤاد وحميد الشاعرى وحنان
مش محتاجين طبعا اقولكوا الاغانى كانت ايه
نيجى بقا للعربيات كانت عباره عن 128 و 127 و132 و125 والفاجر الغنى اوى كان معاه بى ام شارك وطبعا ماكنش فى حاجه اسمها جنوط لان الجنوط كانت بمبلغ وقدره كان اهم حاجه الكاسيت والسماعتين والاوكلايزر ابتداء من الجينسون 2002 الى 6006 تاتش
وزمان الواحد كان لازم يخفف الجنبين بالنسبه للشعر ويعمل دوجلاس ومش هانسى البناطيل الشارل استون وبعدها البناطيل الباجى
ومكانش فى موبايل ولا دش كان الاختراع اللى قلب الدنيا هو البيجر
ده اللى قدرت افتكره انتوا بقا فاكرين ايه ؟؟؟؟؟؟؟؟؟؟
والجيل الجديد ايه رائيه فى الكلام ده ؟؟؟؟؟؟؟؟؟؟؟
رقم العضوية : 22886
تاريخ التسجيل : 22Oct2008
المشاركات : 458
النوع : ذكر
الاقامة : alex
السيارة: لما اجيب الاول
السيارة[2]: لسه بدور
الحالة :
الجيل الجديد ميفتكرش متعة الحاجات دى
كان اللبس ليه معنى وكانت الخروجات والفسح ليها معنى بجد كانت الحياة ليها معنى وتروح المدرسة وانت فرحان
تعالى دلوقتى كله بقا ماسخ وفقرى ومالوش طعم
حمل هذا الشعار وضعه فى كل منتدى
رقم العضوية : 45775
تاريخ التسجيل : 30Aug2009
المشاركات : 841
النوع : ذكر
الاقامة : 6 اكتوبر
السيارة: نيسان صني
السيارة[2]: دايو لانوس
دراجة بخارية: NO
الحالة :
احلي ايام دلوقتي الحياة رتمها سريع وكل شي متوفر زمان كنا بنحس اووي باي شي نعملة لانه كان غالي علينا دلوقتي كل شي بقا رخيص وكمان مش بنحس بيه مهما عملنا ربنا يرحمنا جميعا
رقم العضوية : 24428
تاريخ التسجيل : 07Nov2008
المشاركات : 552
النوع : انثى
الاقامة : cairo
السيارة: ربنا يسهل
السيارة[2]: kia new cerato sx 2009
الحالة :
لسه اول امبارح برضه قعدت افتكر الفتره دي
وفتحت الyoutube واقعدت اتفرج علي الاغاني بتاعت لطيفه وهشام عباس وعمرو دياب ....علاء عبد الخالق ...ومحمد الحلو( اغنيه اه اه القلب حب وتاه)
وقعدت اتفرج علي الاعلانات .....وافتكر المتعه واتحسر اني مش عارفه احسس ولادي بقيمه الحاجات البسيطه والفسح اللي كانت بجد رائعه مع بساطه الحياه وبساطه الاشياء .......
هو فيه حاجه في الجو مخليه الناس تفتكر الماضي .......ولا من كتر السلبيات اللي حوالينا بقينا بنتحسر ولا ايه....ولا احنا عجزنا
افتكرت قد ايه شوكلاته كورونا كانت رائعه في الوقت ده ......( مكانش فيه غيرها ) ومع ذلك كنت بستمتع بيها
دلوقتي اقدر الحمدلله اشتري افخم انواع الشوكلاته ومش بحس بطعمها ...
كل حاجه مبقاش ليها طعم......
رقم العضوية : 198
تاريخ التسجيل : 25Apr2007
المشاركات : 2,429
النوع : ذكر
الحالة :
انا بقالى فتره برضه حاسس بحنين جارف لفتره الطفوله والمراهقه مش عارف ليه وكل شويه اطلع صور قديمه عندى لذكريات المدرسه الاعدادى والثانوى وكل ماافتكر الذكريات دى بتبقى الدمعه هاتفر من عينى ... ياريتها ترجع تانى
بس انت نسيت حاجه من موضه اللبس ايامها كان فيه ماركه بنطلون اسمها (كونز) فاكرها كان البنطلون عامل زى الشيكاره او بنطلون صيادين السمك :) واسع من فوق وضيق من تحت وكان فيه الوان غريبه جدااا منه , كان فيه زيتى و نبيتى وازرق لبنى فاقع واحمر .. كانت الوان تجيب العته :)
رقم العضوية : 14360
تاريخ التسجيل : 07Jul2008
المشاركات : 3,083
النوع : ذكر
الاقامة : جوه البطيخه
السيارة: كتير
السيارة[2]: كتير
دراجة بخارية: لا يوجد
الحالة :
يافندم دى مشكله كل جيل
شايف انه اخر الاجيال المحترمين
انا برده من الجيل ده مواليد 80
بس انا مقتنع بحاجه مهمه جدا
مش الحاجات دى اللى كانت حلوه وقتها( والا ما كنش اهالينا قالت عليها ملهاش طعم)
لكن احنا بحكم سننا فى الوقت ده كانت احلى فتره عمريه لينا
كنا حلوين فكانت كل الدنيا حلوه
والدليل بص كده على صورك القديمه باللبس بتاع الفتره دى
او جرب البسه تانى
وانت تعرف انك انت اللى نظرتك اتغيرت مش اللبس اللى اتغير
نحن نحب الماضي لأنه ذهب، ولو عاد لكرهناه
(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !)
رقم العضوية : 40460
تاريخ التسجيل : 16May2009
المشاركات : 73
النوع : ذكر
الاقامة : مصر
السيارة: تويوتا
السيارة[2]: لوجان
دراجة بخارية: لا توجد
الحالة :
ونسيتوا أيضاً في اللبس كان يوجد هناك بنطلون جينز إسمه بيب إيطالي
وفي الأغاني رصيف نمرة خمسة بتاعة عمرو دياب
رقم العضوية : 25425
تاريخ التسجيل : 17Nov2008
المشاركات : 7,576
النوع : ذكر
الاقامة : cairo
السيارة: 1
السيارة[2]: 1
دراجة بخارية: no
الحالة :
فاكرين بقا تاكسى السهره والعالم يغنى وعالم البحار وعالم الحيوان ولك ياسيدتى ودنيا الاطفال وسينما الاطفال وعالم الاطفال ودنيا الكارتون ومازنجر والكابتن ماجد وماوكلى وغرندايزر وسنبل وامانى واغانى والشعراوى وحديث الروح
والراديو طبعا ليه علامه بارزه فى حياتنا زى كلمتين وبس همسه عتاب وبيومى افندى وانت تسال والكومبيوتر يجيب وبالسلامه ياحبيبى بالسلامه
والاتارى وصخر باردو لعبه الطيارات والتنس والطباخ
والفيديو جيم استريت فايتر
ها فاكرين ايه تانى ؟؟؟؟؟؟؟؟؟؟؟؟؟
رقم العضوية : 14360
تاريخ التسجيل : 07Jul2008
المشاركات : 3,083
النوع : ذكر
الاقامة : جوه البطيخه
السيارة: كتير
السيارة[2]: كتير
دراجة بخارية: لا يوجد
الحالة :
بقلز وماما نجوى
بوجى وطمطم
لبان بم بم
ادى زوبه زقه
البلد كلها حالقه كابوريا او عامله بفه عمرو دياب
وطبعا لولاكى لولا لولا لولا
(الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
لمجرد أنك تحب الجبن الرومي !)
رقم العضوية : 25711
تاريخ التسجيل : 20Nov2008
المشاركات : 4,864
النوع : ذكر
الاقامة : 6octoper
السيارة: nissan sunny 2010 ex
السيارة[2]: renult duster 2014 fo
دراجة بخارية: nefssssy
الحالة :
متابع باهتمام مواضيع العواجيز دى ههههههههههه
يعنى انت عاوز تفهمنى انك من الجيل القديم هههههههههههههههه بس برضة 19 سنة مش اكتر هههههوالجيل الجديد ايه رائيه فى الكلام ده ؟؟؟؟؟؟؟؟؟؟؟
المفضلات