الشمس والسيارة

**DR.M** · 15-05-2007 02:03 PM

بدون استخدام فيميه للزجاج

**محمد المرسي** · 15-05-2007 02:08 PM

طبعا سأغطيها لسببين بعيدأ عن الشمس ...
أولاً : علشان العربية متتسرقش .
ثانياً : لأني مش هلاقى مكان ظل أركن فيه علشان الكل بيدور على الضل يركن فيه .

**sh_masry** · 15-05-2007 02:18 PM

السؤال صعب قوى لأنى بيبقى نفسى اغطيها بس ده ضياع للوقت علشان تنزل من بيتك الصبح تشيل الغطاء و تروح الشغل تحط الغطاء و لو عندك مشوار فى الشغل هاتنزل تشيل الغطاء و ترجع تحطه لما ترجع الشغل و بعدين تنزل تشيله و تروح تحطه و لو نازل المغربيه تشيله و بالليل ترجع تحطه علشان تشيله تانى يوم ... ده غير انك ممكن تعمل كذا مشوار هاتفضل تشيل و تحط و ايدك تتبهدل من الغطا المبهدل اساسا ...... ده ايه الغلب ده ؟؟ هههههههه
و بعدين اساسا مش هاتلاقى مكان ضل علشان تركن فيه ...... فأنا هاسبها تولع فى الشمس يا هابيعها و اخلص من وجع الدماغ ده و اخلى الغطاء ابقى اتغطى بيه انا فى الشتا هههههههههههههههههههههههه

a7'ookom
Sherif

**DR.M** · 15-05-2007 02:25 PM

هههههههههه
شكرا أ . شريف :lol: ضحكت من قلبي والله :lol:

**M_ElSabaa** · 15-05-2007 02:26 PM

محاولة الركن فى الظل بقت صعبة جدا
فى الاختراع الجديد V.Cool ده كويس جدا وده عبارة عن ستيكر للزجاج زى الفيميه وفى منه درجات للشفافية هو غالى شويه بس فعال جدا وبيقلل نسبة الحرارة داخل العربية وده بيحافظ على صالون العربية و كفاءة التكييف وفيه كمان منه لكبوت العربية

**Nader** · 15-05-2007 02:40 PM

اركنها في الظل واركب ستارة خلفية وشماسة من الامام وممكن برضة طقم شماسات جابني 4 قطع ب40 جبية واركن فالشمس براحتي.

**Santino** · 15-05-2007 04:34 PM

المشاركة الأصلية كتبت بواسطة Midzy

محاولة الركن فى الظل بقت صعبة جدا
فى الاختراع الجديد V.Cool ده كويس جدا وده عبارة عن ستيكر للزجاج زى الفيميه وفى منه درجات للشفافية هو غالى شويه بس فعال جدا وبيقلل نسبة الحرارة داخل العربية وده بيحافظ على صالون العربية و كفاءة التكييف وفيه كمان منه لكبوت العربية

بيتجاب منين ؟ و لو حضرتك تعرف الأسعار , يا ريت تقولها . شكراً

آه و بالنسبة للمرور بيتكلموا عليه و للا لأ ؟

**matrix_rashed_8** · 15-05-2007 04:54 PM

على فكره يا جماعة انا كنت سمعت ان الشمس بتقوى صاج العربيه
لكن بتبوظ التابلوه
عشان كده افضل حل تسيبها فى الشمس بس تحط شماسه
و تكون كرتون مش المفضضه
لان المفضضه بتزود معدل الانعكاسات و ممكن تخلى الزجاج يفرقع
(تاثير الصوبه الخضراء) :D

**M_ElSabaa** · 15-05-2007 05:12 PM

بالنسبة للV.cool هو موجود فى مدينة نصر عند محطة وطنية قبل سيتى ستارز هناك المكتب بتاعهم و التركيب كمان
فى اكتر من موديل انا مش فاكر الاسماء لأن الموضوع انا عملته السنة الى فاتت بس هما مقسمين حسب درجة الشفافية ودرجة حجب الحرارة
والاغلى طبعا الاعلى شفافية وهو بيكون شفاف لدرجة انه مش باين انك مركب اى حاجة و بيكون كمان اكبر قدرة لحجب الحرارة وده بيكون غالى طبعا اوى تقريبا يكلف 5000 للعربية كلها
بس هما عاملين حركة لطيفة اوى انك ممكن تركب مثلا للزجاج الامامى اعلى درجة والخلفى و الابواب درجة اقل و تدفع اقل ممكن 1800
وكمان فى النوع الرخيص خالص ممكن تعمل العربية كلها ب600 بس ده بيكون غامق واكيد المرور هيغلسوا عليك وكمان الجودة بتاعته منخفضة
وهما كمان بيدوا ضمان مدى الحياة
والتركيب بياخد حوالى ساعتين بس لو اتأخرت طبعا شوية فى الصيف بيبقى زحمة جدا ممكن تاخد ميعاد بعد اسبوع

-

مشاهدة نتائج الإستطلاع: ماذا تفعل لأجتناب الحراره داخل السيارة؟

الموضوع: الشمس والسيارة

LinkBack

أدوات الموضوع

عرض

-

-

-

-

المواضيع المتشابهه

استمتع بضوء الشمس بدون حرارة واحمي نفسك وعائلتك من اشعة الشمس الضارة

شيرى والسيارة جين 2

زوجتي والسيارة

المساعدين والسيارة

ممكن حد يشرح لي الفرق بين السيارات 2×4 والسيارة 4×4 والسيارة العادية

الكلمات الدلالية لهذا الموضوع

المفضلات

المفضلات

ضوابط المشاركة