يلا مش مهم
عرض للطباعة
يلا مش مهم
والله ياشباب نسبة كبييرة من الناس دلوقتي بقت تراعي ظروف الشباب ..يعني لو حس انك راجل وقد المسؤلية ومستقبلك كويس ..بيراعي ظروفك وممكن يساعدك كمان
اهم حاجه انك تخلي نفسك محل ثقة بنجاحك و اخلاقك وشخصيتك ...
انما الناس اللي طلبتها مبالغ فيها ..بيبقي معظمهم بتوع مناظر وسطحييين ودول بلاش منهم احسن
وفيه ناس مبيفرقش معاها الكلام ده بس بيطبقوه تبع نظرية لازم يحس انه طلع عينه علشان يتجوز بنتي وبالتالي هيعرف انها غاليه ويحافظ عليها
شكرا لكل الأخوة الذين شاركوا في الرد على الموضوع ، مع بعض التحفظ على رد الباشمنهدس eng.octooo وهذا ليس معناه أنني غاضب منه أو زعلان، بس أرجو مراعاة اللفظ فقط.
عموما:
أولا: أنا متجوز من 11 سنة تقريبا، والحمد لله على كل شئ، يعني ما فيش علقة سخنة ولا حاجة.
ثانيا: ليس هناك مغزى معين وراء هذا الكلام، ما هو الا مجرد رصد لواقع الأحداث والتصرفات الحالية في مثل هذه المواقف.
الجواز بقي شبه مستحيل اليومين دول
و نفسي اهل العروسه يبطلوا تناكه شويه
عندي جنب المحل عماره بتتبني
هي مش اروع مناطق الدنيا بس منطقتنا شيك وهاديه
الشقه فيها 100 متر ب350 الف من غير تشطيب و400 الف بالتشطيب
ويوم ما حتفرشها زباله من الارض عاوزلك 50 الف (زباله بس)
والشبكه اقل حاجه خاتم ودبلتين وسلسله تتشاف بعدسه عاوزلك 7 بواكي بفستانها وبدلتك يبقوا 10
يعني علشان تتجوز في شقه نضيفه وتلم الباقي علي الضيق
انت محتاج نص مليون جنيه
ولو حتسكن مع اهلك يحسوك انك حتسكن بنتهم مع زبانيه الجحيم (علي اساس انها ملاك الرحمه)
وبعد كل ده مؤخر محترم يخليك تفكر من قبل ما تتجوزها ازاي حتزهقها علشان هي اللي تطلب الطلاق وتتنازل عن المؤخر
وحبل الشنق المسمي بالقايمه
اللي حتمضيها علي الحاجات اللي انت جايبها (يعني حتجيب الحاجه مرتين مره وانت بتتجوز ومره وانت بتطلق)وممكن تتسجن كمان
====================
فرضا بقي حتاخد ايجار جديد
اقل ايجار نضيف بحوالي 1000 جنيه
يعني لازم تكون بتشتغل شغلانه دخلك فيها مش اقل من 2000 او 3000 جنيه
=======================
حقولهالكم بصراحه
والدتي واهالي ناس كتير اكيد فيه منهم هنا
لما جت اتجوزت مكانش عندنا تلاجه ولا تليفزيون ولا سخان
وكان فيه الغساله العاديه اللي كلنا عارفينها (طبعا بنات كتير متعرفهاش)
وجت عليها ايام كانت ايدها مكسوره وكانت بتغسل برضه هدومنا
واتربينا احسن تربيه وبقينا احسن الناس
علشان طول عمرنا راضيين بقليلنا وعايشين علي الحلو والوحش
======================
مين دلوقتي ممكن ترضي بواحد بيته ناقص حاجه ؟؟؟
لازم الغسالات بانواعها الهدوم والاطباق
والبوتاجاز والافران اللي بالكهربا واللي ميكروييف
التليفزيون لازم يكون علي احدث تكنولوجيا واحنا لما شوفنا التليفزيون الملون كان تحفه من تحف الزمن لاننا مكانش عندنا واحد وجيبناه لما كبرنا والظروف سمحت
=======================
انا مش ممتنع عن الجواز لاني مش عاوز اتجوز
بالعكس انا بتمني الاقي بنت الحلال
انا مش عاوز اتجوز لاني ضد الاستغلال
مش حسرق ولا حتداين علشان اثبت لحمايا المصون ان بنته غاليه عليا وحدخل السجن علشانها
زي ما بنته غاليه عليه فانا اغلي من عيلته كلها علي نفسي
=======================
واحب ابارك لاجيبشيان مافيا علي انه اخييييييرا بيكتب بالعربي
منور المنتدي بعربيك يا باشا وكنت عاوز اقولهالك من زمان بس مجاش موضوع يجمعنا مع بعض
الله يبارك فيك يا شنوري (Shnory) :shyy::satelite:
أنا برده نفسي اخطب بس المشكلة إن أنا مش عاوز اعيش في مصر....أنا معايا الجنسية الكندية وكنت عايش هناك من وانا عندي 10 سنين يعني اتربيت هناك.....
أنا نزلت مصر علشان اخطب و أتجوز و أسافر تاني......
أنا لما اجي اخطب....هشوف الويل علشان أنا مش هجيب شقة في مصر.....ليه أجيب وانا عندي بيت هناك و أبويا قال هتعيش فيه لغاية لما تقدر تقوم على رجلك......
لازم الكلام ده يكون واضح قدام حمايا.....أنا كده كده مش عاوز اعيش في مصر حتى لو اشتغلت في مايكروسوفت ذات نفسها.....وهقبض بالدولار أو حتى باليورو....مش عاوزهم......
أنا مش هفريش هنا وهنا.....
وبعدين أنا عاوز ولادي يتعلموا زي ابوهم......ده هنا الKG
في مدرسة الأمريكية الدولية أو الكندية الدولية بـ30.000 جنيه
أُمال لما يوصلوا ثانوية عامة هدفع كام إن شاء الله؟؟؟؟!!!!
ده غير الدروس و الحاجات دي......
طبعا موضوع المدارس و الحوارات دي لسة بدري عليها بس لازم الصورة تبقى واضحة من الأول......
:fun_36_3_4[1]::B4_611:
================
على فكرة.....أنا مش جامد قوي في العربي....فـممكن أكتب حاجة تبقى مكتوبة غلط.....
أنا بستخدم برنامج مايكروسوفت مارين (Maren)
انا كمان عايز اباركلك على العربى ...
اصل بصراحه انا دايما اتكلم فى مواضيع منصور و انت كذلك ...
و انا مش بعرف انجليزى اوى (انت كمان بتكتب كلام انجليزى غريب!!:B4_611:)فكان عندى عقده نفسيه من مشاركاتك هههههههههه
بالنسبه بقى لموضوع الجواز و الخطوبه ...
الحمد لله انا عمرى ما جت لحظه و فكرت فى الموضوع ده ..:Oc_sun1[1]: