الموضوع: لما يقولك أبو العروسة ....... أبقى قوله ...

المشاركة الأصلية كتبت بواسطة shnory

عندي جنب المحل عماره بتتبني
هي مش اروع مناطق الدنيا بس منطقتنا شيك وهاديه
الشقه فيها 100 متر ب350 الف من غير تشطيب و400 الف بالتشطيب
ويوم ما حتفرشها زباله من الارض عاوزلك 50 الف (زباله بس)
والشبكه اقل حاجه خاتم ودبلتين وسلسله تتشاف بعدسه عاوزلك 7 بواكي بفستانها وبدلتك يبقوا 10
يعني علشان تتجوز في شقه نضيفه وتلم الباقي علي الضيق
انت محتاج نص مليون جنيه
ولو حتسكن مع اهلك يحسوك انك حتسكن بنتهم مع زبانيه الجحيم (علي اساس انها ملاك الرحمه)
وبعد كل ده مؤخر محترم يخليك تفكر من قبل ما تتجوزها ازاي حتزهقها علشان هي اللي تطلب الطلاق وتتنازل عن المؤخر
وحبل الشنق المسمي بالقايمه
اللي حتمضيها علي الحاجات اللي انت جايبها (يعني حتجيب الحاجه مرتين مره وانت بتتجوز ومره وانت بتطلق)وممكن تتسجن كمان
====================
فرضا بقي حتاخد ايجار جديد
اقل ايجار نضيف بحوالي 1000 جنيه
يعني لازم تكون بتشتغل شغلانه دخلك فيها مش اقل من 2000 او 3000 جنيه
=======================
حقولهالكم بصراحه
والدتي واهالي ناس كتير اكيد فيه منهم هنا
لما جت اتجوزت مكانش عندنا تلاجه ولا تليفزيون ولا سخان
وكان فيه الغساله العاديه اللي كلنا عارفينها (طبعا بنات كتير متعرفهاش)
وجت عليها ايام كانت ايدها مكسوره وكانت بتغسل برضه هدومنا
واتربينا احسن تربيه وبقينا احسن الناس
علشان طول عمرنا راضيين بقليلنا وعايشين علي الحلو والوحش
======================
مين دلوقتي ممكن ترضي بواحد بيته ناقص حاجه ؟؟؟
لازم الغسالات بانواعها الهدوم والاطباق
والبوتاجاز والافران اللي بالكهربا واللي ميكروييف
التليفزيون لازم يكون علي احدث تكنولوجيا واحنا لما شوفنا التليفزيون الملون كان تحفه من تحف الزمن لاننا مكانش عندنا واحد وجيبناه لما كبرنا والظروف سمحت
=======================
انا مش ممتنع عن الجواز لاني مش عاوز اتجوز
بالعكس انا بتمني الاقي بنت الحلال
انا مش عاوز اتجوز لاني ضد الاستغلال
مش حسرق ولا حتداين علشان اثبت لحمايا المصون ان بنته غاليه عليا وحدخل السجن علشانها
زي ما بنته غاليه عليه فانا اغلي من عيلته كلها علي نفسي
=======================

ما شاء الله على التعليق والرصد الوافي والشافي لواقع أعتقد اننا أصبحنا نعاني منه بشكل خطير جدا، بالتأكيد سوف يهدد استقرار الأسرة المصرية

بس أسمح لي أن أضيف نقطة تزيد الطين بلة ... فعلى الرغم من كل هذا .. صدقني يا ريت في الأخر هتلاقي إنسانة - أنا آسف أن أقول - هتعيش معاك محترمة، بل على العكس ستجد إنسانة هايفة ( ليست وهبي) وسطحية وفاقدة للثقة بالنفس ، محبة للنكد وغير راغبة في تحمل المسئولية .. بل يمكن أن تطلب الطلاق وتصر عليه بشكل غريب لمجرد كلمة لا راحت ولا جت يمكن الواحد قالها في لحظة غضب أو ... أو ......

حسبنا الله ونعم الوكيل
والحمد ان مرآتي لا تعرف أنني مشترك في هذا المنتدى - ربنا يخليها لي وتنكد على الجابوني ...