خبراء النيسان الافاضل
ابشركم اننى استلمت التيدا اليوم و فى انتظار الترخيص
أرجو من يكون عنده اى معلومات عن كيفيه التعامل مع التيدا فى أول 1000 كيلو أكون شاكرا ان يزودنى بيها
عرض للطباعة
خبراء النيسان الافاضل
ابشركم اننى استلمت التيدا اليوم و فى انتظار الترخيص
أرجو من يكون عنده اى معلومات عن كيفيه التعامل مع التيدا فى أول 1000 كيلو أكون شاكرا ان يزودنى بيها
اولا الف مبروك استلامك السيارة
و انضمامك لنادى التيدا
ثانيا
من النصائح العامة لكل من يشترى جديد
انك خليك هادى و لا تقرص على العربيه
و التكييف انا شغلته مع اول كيلو "كنت شارى شهر 7"
من الاخر اتبع المقوله المشهورة
فتح عينيك و امشى بخفة و دلع
السكة هى الشابة و انت الجدع
تشوف سلانسية مشيتك ....
لكن انت لو بصيت لدريكسيونيك ؟؟؟؟؟؟؟؟؟؟
مبروك استلامك العربية
انا كمان استلمت التيدا من حوالي أسبوع والحمدلله العربية ما شاء الله جميلة
بص يا سيدي اول ما استلمت العربية قرأت المانيوال بتاع العربية واللي مكتوب فيه غير اللي بيقولو مسؤول المبيعات
في المعرض اتقالي لين ال 1000 كيلو الاولى وحاول ال RPM ميعديش الــ 4 يعني عشان متجهدش الموتور بتاع العربية
لقيت مكتوب في المانيوال 1600 كيلو الاولى تعامل بحرص مع العربية يعني متجيبش اخر النقلة يعني انقل على RPM منخفض يعني زي ما قال ميزيدش عن الـ 4
ثانيا حاول تمشي بسرعات مختلفة ونصيحة خليك في الــ 80 اقصى سرعة لغاية ما تعدي فترة التليين
يعني امشي بسرعة بطيئة وبعدين سرعة أعلى شوية وبعدين سرعة بطيئة شوية وهكذا ...
وبلاش تفتح تكييف العربية لفاية ما تلين العربية واحنا كدا كدا شتاء ومش محتاجين مكيف الحمدلله
انا حاليا العربية عاملة معايا حوالي 300 كيلومتر والحمدلله لسه النهاردة شايل من عليها ورق الزيرو الأبيض وغسلتها في المغسلة والحمدلله ما مفيش مشاكل في العربية ...
بس عندي مشكلة صغيرة ان مكان الورق اللزق اللي على صاج العربية من برا ليييه اثار وقالوا ان الحاجات ده هتطلع بعد مرتين او 3 مرات غسيل ..
قولي العربية بتاعتك ايه الــ (Lower) ولا الــ (Upper)
والف مبروك على العربية واحنا كدا 2 تيدا اهو في منتدى النيسان مييين تاني هيجيب تيدا :Oc_sun1[1]:
شكرا على النصيحة
انا التيدا بتاعتى الاتو و ال Upper
مبروك عليك العربية يا أستاذ عزت قولي جبتها من أي موزع ؟؟
انا بجد الحمدلله حسيت اني كان اختياري اختيار صائب في اختيار التيدا بعد ما كنت مقدم على شراء النيو سيراتو
وانت مبروك عليك العربية وربنا يكفيك شرها وتاخود خيرها ان شاء الله
وان شاء الله ملاك التيدا يجتمعوا مع بعض ..
عربية ممتازة واختيار موفق وربنا يعطيك خيرها ويكيفك شرها والف الف مبروك واعمل صياناتك فى توكيل السبع لانه توكيل محترم جدا وخاليك فى البداية امشى واحدة واحدة
I will get my Tida ISA next Thursday....
Its a very good car
Rbna ybareklokom feeha ISA
...
قصدك تقول
احنا الاتنين اجدد 2 نجيب التيدا , مين هايجيب تانى :Oc_sun1[1]:
و بالنسبة لحكاية rpm
انا الى الان لم اصل الى 4000 و امشى علية فترة طويلة :B4_611:
عندى على 4000 العربية بتبقى ماشية 160 كم/ساعه
و اعتقد ان قصدك مايوصلش للرقم ده فى الغيارات مش المشى الطوالى
حاول متجريش خالص
يعني اخرك بيها علي سرعه 80
طبعا مفيش سفر بيها
و لما تجيب ال 1000 كيلو بيها
ابقي غير الزيت و الفلتر في التوكيل
و لو في اي ملوحظه قولهالهم
و 1000 مبروك يا باشا
مبروك عليك ملك اليابانى
النيسان وخاصة التيدا
السيارة عاجبانى بس فى شىء واحد لو أقتنعت بيه حغير علطول وأشتريها
تيدا 2008 upper عاملة 27000 كيلو فابريقة برة وجوة وصيانه وكيل كل 5000 بكاممممممممممممممممم
97000 وممكن تخلص أقل من كده يعنى 30 ألف
ما زال هناك فجوة بين سعر شراء السيارة الزيرو وسعر المستعمل
يا ريت تقولى ازاى اقنعت نفسك
مبروك عليك العربية وربنا يباركلك فيها ويكفيك شرها ...
وعندك واحد تيداوى جديد :satelite:... وعايزين نعمل مقابلة للتيداوية ان شاء الله ...
وفى صيانة الالف انصحك بالسبع زهراء المعادى ...هاتغير زيت وفلتر بس ...والمصنعية مجانا ... وعرض شهر 12 فلتر الزيت مجانا ...يعنى ممكن تدف تمن الزيت بس ... وربنا يوفقك ويحفظك من كل سوء
الف الف مبروك
وربنا يديك خيرها ويكفيك شرها
ودى عريبه محدش يقدرها غير اللى ركبها
مبروك مره تانيه
أخوكم محتار فعلا بين السيراتو واللانسر والتيدا ، بس باميل أكتر للتيدا عشان المطبات عندنا كتير شوية ، وعندى عقبال عندكم 3 أولاد والرابع فى الطريق - أستحلفكم بالله أن تفيدون عن التيدا علشان ثمنها بالنسبة لى هو شقى عمرى.
انصحك تجرب سواقة كل واحدة فيهم ... واسهل واحدة تجربها هى التيدا عند معرض السبع اللى فى مدينة نصر ... اركبها وسوقها وشوف نعومتها وجمالها... رايى الشخصى : تيدا ...لانسر...سيراتو