عرض للطباعة
السلام عليكم ورحمة الله وبركاته
الاخوه الكرام
اشتريت عربية وصاحبها قاللى الموتور خفيف شويه ومحتاج طقم شنبر بس هو شغال زى الفل
انا لسه جديد فى السواقة فمش عايز اخش فى قصة نص عمرة دلوقت الا لما اظبط حالى فى السواقة شويه
المهم انا ممكن اشتغل بالموتور ده على حالته قد ايه وقت؟ واستنى عليه لحد ما يوقف خالص والا اعمله بعد وقت معين؟
افيدونا افادكم الله
حضرتك ممكن تمشي بيه سنين لو حافظت على الأشياء التالية:
1. متابعة الزيت باستمرار إنه ماينزلش عن الحد الأدنى.
2. متابعة حرارة الموتور. إن الموتور مايسخنش منك.
3. عدم القرص الشديد على الموتور.
أحد الأعضاء قال إنه مشي 3 سنين بالموتور وهو خفيف.
لو حضرتك هتخش في نص عمرة فاعمل حسابك إنها ممكن تطلع عمرة كاملة ، لأن محدش يقدر يحدد الموتور عاوز نص عمرة أو عمرة كاملة غير لما الموتور يتفتح.
وبالتوفيق إن شاء الله.
بالمناسبة مين الولد العسل اللي في توقيع حضرتك ده؟ :ma:
تسلم وتكرم وربنا يسترها معاك دنيا واخره قول اميناقتباس:
المشاركة الأصلية كتبت بواسطة thedeveloper87
طمنت قلبى الله يطمن قلبك الموضوع ده كان عامللى ربكة والله بس الحمد لله
واللى فى الصورة ده ابنى احمد
اهو عمال يزن جنبى اهو لما صدعنى :stink[1]:
تمام ياباشا الله ينور عليكاقتباس:
المشاركة الأصلية كتبت بواسطة thedeveloper87
انا كمان ماشي كدة بالموتور بقالي أكتر من 3 سنين وعامل حوالي 65,000كم
ياراجل انت فين من زماناقتباس:
المشاركة الأصلية كتبت بواسطة reamoz
شكرا يا جميل
انا كنت عايز اوضح ان الدخنة البسيطة دى ماكانتش من الشكمان
ولما سألت الميكانيكى النهارده الصبح قاللى ان الدخنة دى من حاجه اسمها الفايز او الفايظ وان وموضوع الدخنة بيضه والا سوده دى لما تكون من الشكمان وقاللى ان الموضوع لسه فى اوله خالص واننا لو فكينا البوجيهات مش هانلاقى ترسيب زيت ولا حاجه
ارجو الإفاده بعد هذا التوضيح