عرض للطباعة
كانت هناك مشاركة للأخ voldo يتحدث فيها عن مشكلة عانى منها مع تدوير السيارة و هي باردة حيث يتأخر الدوران فترة، و بعد مناورات و محاورات مع التوكيل متعددة تم حل هذه المشكلة حيث تم ارجاعها إلى مشكلة في طلمبة البنزين.
إمعاناً للفهم، كنت أريد معرفة علاقة طلمبة البنزين بذلك الأمر، و ما علاقة كون السيارة ساخنة من عدمه بالطلمبة، إلى حد علمي فإن طلمبة البنزين في السيارات الحديثة تكون موجودة في خزان البنزين و تعمل كهربياً و ليست مثبتة في المحرك كالسيارات القديمة فيما يدعى بالرداخ!
سيد باشا
حضرتك هو كان يقصد العربية وهى سخنى يعنى بعد مدارت الصبح ومشى بيها فالبنزين بيبقى متحضر نتيجة الاستهلاك والمشوار
وبالتالى لما بيجى يدور بيلاقيها دورت علطول
اما الغياب فى الدوارة ده كان بيحصل معاه لو ركن العربية وقام دورها الصبح وده عادة بيبقى مشكلة فى حاجتين فى العربيات القديمة اما تسريب فى كوتشة الرتاخ او مشكلة فى دفع طلمبة البنزين وهنا طبعا العربية جديدة فبالنسبالها طلمبة بنزين مش اكثر انا بس حبيت اوضح لحضرتك وجهة نظرى لانه حصل معايا كدة فى عربيتى القديمة
مشكور يا باشا على الرد الكريم، و بمناسبة سيد، حضرتك روحت بورسيد قبل كدة. بورسيد دي مدينة و ميناء يقع على الطرف الشمالي من قناة السويس :M_yes[1]: و بتنكتب بالحروف اللاتينية Port Said زيها زي Said Bakr.
أنا من رأيى من الصعب تكون طلمبة البنزين
أمشى مع العيب خطوه خطوه وأخر العيوب الطلمبه
البوجيهات - كابلات البوجيهات - البوبينه - فلتر البنزين - رشاشات الأنجكشن - فلتر طلمبة البنزين وأخيرا" الطلمبه
يعنى لو كل ده سليم تبقى الطلمبه .
هىا فعلا الطلمبة و مش أى حاجة تانية و الموضوع ده كان حصل معايا فى عربيتى السابقة الفرنا و بعد مماطلات من عمو غبور عطلت منى فجأة فى الصحرا و نقلتها بونش و للأمانة كان على حساب السيد غبور من سيناء لأبو رواش و كانت المفجأة إن الطلمبة إتحرقت بعد 10 آلاف كم فقط و تم تغييرها فى الضمان و العربية ما بقتش تتأخر فى الدوارة و هيا بردة و مش عارف إيه علاقة الطلمبة بالموضوع لكن بسم الله ما شاء الله الحمد لله الموضوع ده مش موجود فى الواجا هانم خالص