-
سؤال بخصوص علبة دريكسيون
السلام عليكم انا لانسر 2007 اتوماتيك1600 يمكن انا سالت عنها قبل كدا بس اعذروني تاني بقى عاوز اعرف كذا حاجة
1-بكام في التوكيل
2-ضررها في حالة العطل
3-دلائل اعطالها
انا سامع صوت تكة في حفرة او مطبات العيون وبتزيد كل فترة وبحس الدريكسيون مع التكة بيبقى خبفيف وكانو بيتحرك تقريبا او تهيأت :shyy:
-
90% مش علبه دريكسيون ولازم تكشف على العربيه علشان تحدد مكان العيب والاعراض دى لحاجات كتير ممكن تكون بيض المقص او الجلب او دراع الاسكترا
-
كاشف على العفشة كلها من شهر وغيرت اللي كان فيها سواء تيش بارات جلب بس ده اللي مش عارفها صوت التكة كانك حدفت حديدة في صندوق مفرغ وسالت هنا قبل كدا عليها بردو
-
اكشف على دراعات الاسكترا ومش عارف ليه مش بتيجى على بال حد
-
كدا كدا ان شاء الله الصيانة الاسبوع الجاي او الي بعده اقولهم عليها ان شاء الله ونشوفها الدراع ده بتعمل كام تقريبا وبردو ياريت اعرف سعر علبة الدريكسيون كام لو حد عارف
-
علبة الدريكسيون تمنها 5500 + ضريبة المبيعات
و برة التوكيل من الحرفين 1800
-
بس حضرتك يا استاذ Samooh_2003 انا جاوبت على حضرتك قبل كده الصوت ده فى كل اللانسر يمكن فى ناس مش بتحطه فى دمغها أو بتفتكر صوت ميدالية المفاتيح مثلا أو الصوت من التابلوه وهارجع اقولك الصوت ده فعلا من علبة الدريكسيون مهما دورت أو حد قالك حاجة تانية ولو جبت علبة جديدة هاتسمع نفس الصوت وهاثبت لحضرتك كلامى عندما تذهب الى التوكيل وشوف هايقولوا لحضرتك ايه وانا عارف اللى هايقولوه هايقولوا ان الصوت ده عادى وفى كل الانسر ومش بعيد يخلوك تركب عربية تانية هانك وتسمع نفس الصوت وهيقولو لحضرتك انه طبيعى ومفيش منه ضرر ..
انا معاهم انه مفيش منه ضرر ولكن معاك انك نفسك تسوق العربية وهى مكتومة فى المطبات ومفهاش الصوت الرخم ده ..
وعلاج ذلك واللى عملته قبل كده فى عربيتى وكانت مكواة وبرده كتبته قبل كده لحضرتك وهو ان البستم الحديد اللى فى العلبة هو الى بيعمل الصوت ده لانه حديد وبيخبط فى عمود الدريكسيون اللى هو حديد أيضا فبيسع فى الطارة نفسها وكأن الصوت جاى منها أو من ورا العدادات صح كده ولا مش صح .
شوف يا سيدى لو تعرف ميكانيكى كويس هاينزل تحت العربية من غير ما يفك العفشة ويحل رجلاش علبة الدريكسيون هاقولها تانى من غير ما يفك العفشة هيلاقى تحته البستم الحديد تجيب مكانه بستم فايبر وأقرب بستم فايبر له علشان المقاس بتاع الهيونداى اكسل وبجيبه من عند اى حد بتاع قطع غيار هيونداى وتقول له عندك طقم اصلاح علبة الدريكسيون واشترى منه البستم فقط . المهم لميكانيكى يحطه مكان البستم الحديد ويقفل الرجلاش عليه وتمشى بالعربية شهرين مثلا أثناء الشهرين بيكون حصل خلوص بسيط فتروح للميكلانيكى علشان يربط على الرجلاش سنة صغيرة وبعدين تنسى الموضوع ده تماما وعلشان أبقى صادق معك لن تسمع الصوت ده تانى الا يمكن مرة كل كذا شهر وبيكون نادر نادر نادر الحدوث جدا وابقى امشى على المطبات برحتك .
وعلى فكرة دور فى المنتدى هتلاقى كذا شكوى من كذا واحد عنده نفس المشكلة ده حتى واحد منهم بيقوا انه شغال فى تأجير السيارات وانه جرب 20 عربية فيهم نفس الصوت .
لو عايز تعرف المزيد عن هذا الموضوع ابعتلى اميلك على الياهو فى رسالة خاصة فى هذا المنتدى وانا هاكلمك باستفاضة عن هذا الموضوع.
Content Relevant URLs by
vBSEO 3.6.0 PL2